1 थेस्लोनिकि 4:1 - Dhimal NT

¹ आखिरिता खान्धुराइ ओनेगेलाइ, प्रभु येसुता केलाइ नेलाइहेङ आनुरोध पानाखे कि परमेस्वरहेङ मन परिका जिबन जियाइसु, जेसाङ केलाइ नेलाइहेङ धिरपाका हिनाहि, कालाउ एन्सा बुङ पादोङ सुखेना कालाउ केलाइ आझाइ हाउसा पिनाखे कि इदोइ खान्तेङ आसल पासु।

धिमाल

¹ आखिरता दादाओने बाइओनेगेलाइ, नेलाइ केलाइसो परमेस्‍वरहेङ मोन्‍दाताका आनिबानि धिर्का हिसुन्‍हा। जातिङकोङ नेलाइको आनिबानि परमेस्‍वरहेङ मोन्‍दाताकावा। इङको आनिबानिता झनझन रेम्‍का जेङतेङ हानेसु दोअ्‌तेङ प्रभु इसुको मिङता बिम्‍ति पान्‍हाखे।

1 थेस्लोनिकि 4:1 Iomraidhean Croise

युहन्‍ना 15:2

गोताङ डालेङ जाइ काङको दोफा तेअ्का हिखे कालाउ फल मासेपाखे पानु इङकोहेङ वा पाल्पिखे। कालाउ जाइ फल पिखे इङकोहेङ वा धाइखे कालाउकि आरोङ हेन्जा फल सेपाको दोअ्तेङ।

साल्न्हाका चात्या 20:27

हाइपालिपानु का दोङ नेलाइहेङ गोताङ काथागेलाइ दोअ्का हिघा जेदोङ परमेस्वर चाहिखे, कि नेलाइ गिसु। का नेलाइसो हाइ दोङ काथा म्होका मान्थुघा।

रोमि 8:8

पापमय स्भाबको आधिनता हिका द्‍याङगेलाइ परमेस्वरहेङ हिदिकाल बुङ खुसि पालि मादाङ।

1 कोरिन्थि 11:23

का नेलाइहेङ पिका सिक्स्या इदोइ दोङ हि, जेदोङ का प्रभुसो निङका हिघा, इङको नेलाइहेङ सुम्पिका हिघा, कि जेदोङ न्हिसिन्ता प्रभु येसु रिम निन्चाहि, कोकोङ न्हिसिन्ता वा तोले ह्रुहि,

1 कोरिन्थि 15:1

खान्धुराइ ओनेगेलाइ, का नेलाइहेङ प्राचार पाका सुसमाचार का नेलाइहेङ फोम पापालि भोखा, जेदोङ सुसमाचारता नेलाइ खाङधुरि पासुन्हा, कालाउ जाइ नेलाइ एला थेकापा बुङ खाङधुरि पातेङ हिसुन्हा।

1 कोरिन्थि 15:58

ओदोङ भाअ्सिङ काङको आनाउ खान्धुराइ ओनेगेलाइ, ताइको खाङधुरिता बल्लियाका जेङसु कालाउ धाताइका सिक्स्यागेलाइता मालाइसु। कालाउ प्रभुको कामता जेलाउ बुङ लागितेङ हिसु। हाइपालिपानु नेलाइ गिसुखेना कि प्रभुता नेलाइको परिस्रोम ब्यर्थ माजेनाङ।

2 कोरिन्थि 10:1

का पावल, नेलाइको आगाता हिलाउ मोनोइ जेङघा, कालाउ दुरे हिलाउ नेलाइ प्रति साहासि जेङखा! ख्रिस्टको मोनोइता कालाउ मायारु पाहासो का नेलाइहेङ सेउपाखा।

2 कोरिन्थि 13:11

आम्तिमता खान्धुराइ ओनेगेलाइ, एला बिदा पिसु, सिद्द जेङलि कोसिस पासु। ताइको लक्स्य ताअ्सु, काङको सुझाब हिङसु सान्तिता हिसु, कालाउ सान्ति कालाउ प्रेमको परमेस्वर नेलाइ दोफा ह्यावा।

2 कोरिन्थि 5:9

ओदोङ भाअ्सिङ चाहे केलाइ वाको दोफा स्वर्गता ह्याइने, चाहे इदोइ प्रिथिबिता ह्याइने वासेहेङ लेङचापालि दोङ केलाइको लक्स्य हिखे।

2 कोरिन्थि 6:1

परमेस्वरहेङ साघाइका द्‍याङ हिनाङ केलाइ नेलाइहेङ सेउपानाखे, कि वाको आनुग्रह व्‍यर्थ जेङलि मापि।

गलाति 6:1

खान्धुराइ ओनेगेलाइ, नेलाइ पबित्तरो आत्माको आगुवाइसो तेअ्कालाइ, जेसापा हिदोइ बुङ खान्धुराइ पाप पालाउ रिमनिन्चानु वासेहेङ मोनोइ जेङतेङ सुध्राइलि गोइखे। कालाउ ताइमि बुङ पापता माफोस्याइने दोअ्तेङ होसियार हिलि गोइखे।

एफिसि 4:1

प्रभुको सेवा पानाङ का एमि कैदि जेङका हिघा, कालाउ का नेलाइहेङ बिन्ति पाखा, परमेस्वर ताइको सान्तान जेङलि काइका को योग्यता आन्सार ताइको जिबन जियाइसु।

एफिसि 4:20

कालाउ नेलाइते ख्रिस्टको सिक्स्यासो इसिका काथा माधिरसुन्हा।

एफिसि 5:17

ओदोङ भाअ्सिङ मुर्ख माजेङसु, भरु बुद्दिमानि जेङसु कालाउ प्रभु नेलाइसो हाइ भोअ्खे इङको बुझिलि कोसिस पासु।

फिलिप्पि 1:27

कालाउ मुख्य काथा इदोङ हि कि नेलाइको जिबनको चाल-चलन ख्रिस्टको सुसमाचारको भाअ्सिङ योग्य जेनाको। का चाहे लोतेङ नेलाइहेङ तिनाको, चाहे लोलि मादाको, कालाउ बुङ का नेलाइको बारेता इदोइ दोङ काथा हिङलि भोखा, कि नेलाइ एनोङ दोङ उधेस्यता बल्लियाका जेङतेङ हिसुना, कालाउ ए दोफाङ मिलितेङ सुसमाचारको खाङधुरिको भाअ्सिङ परिस्रोम पासुखेना,

फिलिप्पि 1:9

का प्रार्थाना पाङका, कि परमेस्वरको ग्यान कालाउ बिबेकता ता-ताइमिको भाअ्सिङ नेलाइको प्रेम झन बाढेकाताङ हानाको,

फिलिप्पि 3:14

का स्वर्गको इनाम निङलिको भाअ्सिङ ल्क्स्य भारि हानिदोङखा इङको पुरुस्कार चाहि परमेस्वर कासेहेङ स्वर्गता काइका हि, हाइपालिपानु येसु ख्रिस्ट काङको भाअ्सिङ सिपिहि।

कलस्सि 1:10

केलाइ प्रार्थाना पानाखे, कालाउकि नेलाइ प्रभुहेङ आदार पिका कालाउ हाउसाइपाका जिबन जियाइलि दोसु, कालाउ नेलाइ लागातार आसल कामगेलाइ पासु, आरुको भाअ्सिङ भलाइ पालि दोसु। कालाउकि नेलाइ परमेस्वरहेङ आझाइ रेम्फासो गिलि दोसु।

कलस्सि 2:6

जेसाङ नेलाइ ख्रिस्ट येसुहेङ प्रभु दोअ्तेङ खाङधुरि पासुना एन्साङ वासेहेङ लागातार पिताइसु।

1 थेस्लोनिकि 3:12

केलाइ प्रार्थाना पाङ कि जेसाङ केलाइ नेलाइहेङ प्रेम पानाखे, एन्साङ दोङ प्रभु नेलाइहेङ बुङ एमिसो-भेनेङ दोफा कालाउ गोताङ द्‍याङगेलाइ दोफा प्रेमता आझाइ बाढेपाको।

1 थेस्लोनिकि 4:2

हाइपालिपानु नेलाइ गिसुखेना, कि केलाइ प्रभु येसुको खाबारासो निङका हिदोइ-हिदोइ आदेसगेलाइ नेलाइहेङ पिन्हाहि।

1 थेस्लोनिकि 5:12

ओइ खान्धुराइ ओनेगेलाइ, केलाइ नेलाइहेङ निबेदन पानाखे, कि प्रभुता नेलाइको आगुवागेलाइहेङ आदार पासु, जाइ नेलाइको भाअ्सिङ परिस्रोम पाखे, कालाउ नेलाइहेङ आत्मिक काथाता आगुवाइ पाखे।

2 थेस्लोनिकि 1:3

खान्धुराइ ओनेगेलाइ, नेलाइको भाअ्सिङ परमेस्वरहेङ जेलाउ बुङ धन्यबाद पिनाखे। एन्सा पालि केलाइहेङ ठिक हि, हाइपालिपानु नेलाइको खाङधुरि येसु ख्रिस्टता बाढेतेङ हानिका हि। कालाउ नेलाइको प्रेम बुङ एमिसो-भेनेङ दोफा झन बाढेतेङ हि।

2 थेस्लोनिकि 2:1

खान्धुराइ ओनेगेलाइ, केलाइको प्रभु येसु ख्रिस्ट आरोङ ल्वाङ कालाउ वासेहेङ भेतिलि केलाइ ए दोफाङ जोम्तेङ हिका बिसोइता केलाइ नेलाइहेङ हाइ दोङ दोअ्लि हि।

2 थेस्लोनिकि 3:1

खान्धुराइ ओनेगेलाइ, आखिरता केलाइको भाअ्सिङ प्रार्थाना पाअ्पिसु, कालाउ प्रभुको बचन धेमाङ द्‍यापाहाङ फाइलाइयाको कालाउ द्‍याङगेलाइ साम्मान पालि द्वाको जेसाङ नेलाइ बुङ साम्मान पाका हिघासुखेना।

2 थेस्लोनिकि 3:13

खान्धुराइ ओनेगेलाइ, नेलाइ रेम्का काम पालि मामाइसु।

1तिमोथि 5:21

परमेस्वर कालाउ ख्रिस्ट येसुको आगाता कालाउ साल्का स्वर्गदुतगेलाइको आगाता का नेलाइहेङ थाङका आदेस पिखा, हिदोइ बुङ काथाता भेदभाव माकुनु लेता-ह्रुता मापासिङ इदोइ नियमगेलाइ नाअ् माने।

2 तिमोथि 4:1

जेलाउ येसु ख्रिस्ट राजा भाइपाङ सासन पालि ल्वाङ, कालाउ वा सिन्हुका कालाउ सिकालाइको न्याय पावा। ओदोङ भाअ्सिङ परमेस्वर कालाउ ख्रिस्टको साक्सिको रुपता का नासेहेङ थाङका आदेस प्याङका।

हिब्रु 11:6

वाकोता खाङधुरि हिनु खिनिङ द्‍याङ परमेस्वरहेङ लेङचापालि द्वाङ, हाइपालिपानु परमेस्वरकोता लोकालाइ खाङधुरि पालि गोइखे, कि परमेस्वर हि कालाउ जातिङको वासेहेङ भोकालाइहेङ वा इनाम प्याङ।

हिब्रु 13:16

भलाइ पालि ताइमि दोफा हिका आमेने आवस्यकता परिकालाइहेङ बाख्राइलि मानिल्सु, हाइपालिपानु इसिकाङ भोगगेलाइता परमेस्वर खुसि जेङखे।

हिब्रु 13:22

खान्धुराइ ओने, का नेलाइहेङ सेउपाखा, कि काङको लेखेका इदोइ हाउसाको सन्देसहेङ धैर्य दोफा हिङसु, हाइपालिपानु नेलाइहेङ का आतुइसा बानाइतेङ लेखेका हिघा।

२ पत्‍रुस 3:18

कालाउ नेलाइ लागातार केलाइको प्रभु कालाउ मुक्ति दाता येसु ख्रिस्टको आनुग्रह हेन्जा खान्तेङ हेन्जा आनुभब पातेङ हिलि गोइखे, कालाउ वाको बारेता नेलाइको बुझिकाता बाराकाताङ हानिलि गोइखे। वासेहेङ एला कालाउ जेलाउलाउ बुङ बाखिन ह्याको। आमेन।

१ युहन्‍ना 3:22

कालाउ केलाइ जेदोङ परमेस्वर दोफा ह्रेनाखे, इङको वाकोसो निङनाखे, हाइपालिपानु केलाइ वाको आग्या केम्न्हाखे। कालाउ वासेहेङ मन परिका कामगेलाइ पानाखे।