1 थेस्लोनिकि 3:13 - Dhimal NT

¹³ केलाइ प्रार्थाना पानाखे कि प्रभु येसु नेलाइको ह्रदयहेङ इस्थिर बानाइयाको, कालाउकि जेलाउ येसु आरोङ गोताङ परमेस्वरको जनगेलाइ दोफा लोलाउ नेलाइ केलाइको आबा परमेस्वरको आगाता पबित्तरो कालाउ दाग मालागिका जेङलि दोसु।

धिमाल

¹³ एसापा वाको झाराङ पुनित जनगेलाइदोफा केलाइको प्रभु इसु ख्रिस्‍ट आरोङ लोलाउ वा केलाइको परमेस्‍वर आबाको आगाता नेलाइको कोन्‍धाङहेङ पुनित रो दुसमान्‍थुका बान्‍हाइयाको।

1 थेस्लोनिकि 3:13 Iomraidhean Croise

मत्‍ति 25:31

जेलाउ का द्‍याङको चान आरोङ महिमाता जेङतेङ ल्वाङका, कालाउ गोताङ स्वर्गदुतगेलाइ बुङ का दोफाङ ल्वाङ, कालाउ का महिमाको सिङहासनता योम्तेङ झाराङ द्‍याङगेलाइको न्याय पाङका।

मर्कुस 8:38

इदोइ सोमोइता पापि कालाउ खाङधुरि मापाका पुसतागेलाइ जाइ कासेहेङ परमेस्वरको रुपता सुइकार पालि कालाउ काङको सिक्स्यागेलाइ केम्लि इन्कार पाखे, का द्‍याङको चान बुङ आबाको महिमा चुम्तेङ पबित्तरो स्वर्गदुतगेलाइ दोफा लोलाउ, वासेहेङ ताइको दोअ्लि इन्कार पाङका।

लुका 1:6

उधिन्हेमि परमेस्वरको आगाता धर्मि जिबन बितिपाघाखे। इम्बालाइ परमप्रभुको गोताङ आग्या कालाउ मुन्धुमगेलाइ माबिराइसिङ मानिघाहि।

रोमि 14:4

नाअ् हासुको बुङ सेवकहेङ न्याय पालि माएल, हाइपालिपानु ग्रिहि दोङ वा ठिक पाका हि या मान्थु दोअ्तेङ फाइसाला पावा। प्रभु दोङ हुइका सेवकहेङ ठिक काम पालि साघाइयावा, हाइपालिपानु प्रभु दोफा वासेहेङ साघाइलि सरबुङ हि।

रोमि 16:25

एला वासेहेङ, जाइ नेलाइहेङ का हिङपाका सुसमाचार येसु ख्रिस्टको बिसोइता नेलाइहेङ खाङधुरिता बल्लियाका बानाइखे, इङको रहस्यको थाअ्साइका जेदोङ जुगौजुगसोङ म्होनाका हिघाहि।

1 कोरिन्थि 15:23

कालाउ झाराङ ता-ताइको पाला आन्सार सिन्चाल्याङ: येसु ख्रिस्ट चाहि सिकासो झाराङ खान्तेङ लाङ सिन्चाल्हि, कालाउ न्हुसो आरोङ ख्रिस्ट लोलाउ वाकोता खाङधुरि पाकालाइ सिकासो आरोङ सिन्चाल्याङ।

गलाति 1:4

केलाइको परमेस्वर कालाउ आबाको इच्छा आन्सार येसु ख्रिस्ट केलाइको पापको भाअ्सिङ ताइमिहेङ बलि पिहि, कालाउकि केलाइहेङ इदोइ सुमिङको मारेम्का कामगेलाइसो लाअ्पाको।

एफिसि 5:27

ख्रिस्ट ताइको मन्डलिको भाअ्सिङ सिहि, कालाउकि वा ताइको गोताङ द्‍याङगेलाइहेङ सिद्द बानाइयाको कालाउ इम्बालाइहेङ ताइमिको लोकाता चुमालि द्वाको। जेदोङता हिदोइ बुङ गल्ति माकुनु पाप माकुनु आरु मारेम्का कामगेलाइ माजेनाङ भरु इम्बालाइ पबित्तरो कालाउ सिद्द जेनावा।

फिलिप्पि 1:10

कालाउकि जाइ काम पालि उत्तम हि इङको नेलाइ साल्लि दोअ्स्वाना, जेलाउ ख्रिस्ट आरोङ ल्वाङ इङको दिनाको भाअ्सिङ सुद्द कालाउ दुसुलि मादोका जेङतेङ हिसु।

कलस्सि 1:22

कालाउ ताइकोङ आगाता नेलाइहेङ पबित्तरो, खात्ति, कालाउ निरदुसि तिङपालि ख्रिस्ट परमेस्वरको चान द्‍याङ जेङहि कालाउ क्रुस्टता सिहि। वाको सिकासो परमेस्वर नेलाइहेङ एला मिलिसुका चुमाका हि।

1 थेस्लोनिकि 2:19

जेलाउ केलाइको प्रभु येसु ख्रिस्ट आरोङ लावा, इङको बेला वाको आगाता केलाइको आस, आनान्द माकुनु गर्वको मुकुट नेलाइ दोङ हिसुना।

1 थेस्लोनिकि 3:11

केलाइ प्रार्थाना पाङ कि केलाइको आबा परमेस्वर कालाउ प्रभु येसु ख्रिस्ट नेलाइकोता लोका दामा हेअ्प्यावाको।

1 थेस्लोनिकि 3:2

कालाउ नेलाइहेङ ताइको खाङधुरिता इस्थिर कालाउ हाउसाइ पालि, परमेस्वरता ख्रिस्टको सुसमाचारको सेवक केलाइको दोफाङको ओने तिमोथिहेङ नेलाइकोता दिङगिल्का हिनाहि।

1 थेस्लोनिकि 4:15

हाइपालिपानु केलाइ प्रभु येसु ख्रिस्टको बचनसो नेलाइहेङ दोअ्नाखे, कि केलाइ जाइ बान्चिका हिनाहि, येसु ख्रिस्ट आरोङ मालोपा धाउ बान्चिकालाइ वासेहेङ मादुसुताङ, हाइपालिपानु सिका खान्धुराइगेलाइ वासेहेङ लाम्फा भेतियावा।

1 थेस्लोनिकि 4:17

कालाउ न्हुसो थेकापा केलाइ बान्चितेङ हिकालाइहेङ जोम्पावा, कालाउ केलाइ प्रभु येसुहेङ आकासता भेतियाङ कालाउ एसापा केलाइ इङको सोमोइसोङ जेलाउ बुङ प्रभु दोफा ह्याङ।

1 थेस्लोनिकि 5:23

परमेस्वर जाइ सान्ति पिखे ताइमिङ दोङ नेलाइहेङ गोताङ खाल्होइ पबित्तरो बानाइयाको, कालाउ नेलाइको गोताङ आत्मा, प्रान कालाउ जिउ केलाइको प्रभु येसु ख्रिस्ट आरोङ मालोपा धाउ पुरा रुपसो दुसिका माह्यावा।

2 थेस्लोनिकि 1:10

इदोइ एन्सालाउ जेनावा जेलाउ प्रभु येसु ताइको द्‍याङगेलाइसो आदार निङलि ल्वाङ। नेलाइ बुङ इम्बालाइ दोफाङ हिस्वाना हाइपालिपानु नेलाइ केलाइको सन्‍देस साअ्सुना जेदोङ नेलाइहेङ वाको बिसोइता दोअ्का हिघान्हाहि

2 थेस्लोनिकि 1:7

कालाउ नेलाइ दुख निङचाकालाइहेङ केलाइ दोफाङ लाअ्पावा। इसिका एन्सालाउ जेनावा जेलाउ प्रभु येसु ताइको सरबुङसाइका स्वर्गदुतगेलाइ दोफा तिका मेहोइ खोराइतेङ स्वर्गसो ल्वावा।

2 थेस्लोनिकि 2:1

खान्धुराइ ओनेगेलाइ, केलाइको प्रभु येसु ख्रिस्ट आरोङ ल्वाङ कालाउ वासेहेङ भेतिलि केलाइ ए दोफाङ जोम्तेङ हिका बिसोइता केलाइ नेलाइहेङ हाइ दोङ दोअ्लि हि।

याकुब 5:8

एन्साङ पातेङ नेलाइ बुङ ह्रुम्तेङ हिसु, कालाउ आस पालि माअ्लासु हाइपालिपानु प्रभु धेमाङ लोदोङखे।

1पतरुस 5:10

परमेस्वर, जाइ पुर्न रुपता आनुग्रहकारि हि केलाइको ख्रिस्ट येसु दोफाको सम्बन्धको कारन ताइको आनान्त महिमाता केलाइहेङ हकदार जेङलि काइका हि। नेलाइ कोम्हा सोमोइ थेकापा कस्ट भोगितेङ परमेस्वर नेलाइहेङ आसल बानाइयाङ कालाउकि नेलाइता हिदोइ बुङ गल्ति माज्याको कालाउ वा नेलाइको ह्रदयहेङ बल्लियाका बानाइयाङ कालाउ इस्थिर जेङलिको भाअ्सिङ वाकोता खाङधुरि पाका बानाइयाङ।

यहुदा 1:14

आदमसो न्हितेङ पुस्ता जोलोमका हनोक इदोइ द्‍याङगेलाइको बारेता एसा दोअ्तेङ आगमबानि पाका हिघाहि, “खाङसु, प्रभु निसित दोङ ताइको हेन्जाङ पबित्तरो दुतगेलाइ दोफा ल्वाङ।

यहुदा 1:24

परमेस्वर नेलाइहेङ बान्चिपालि द्वाङ कालाउकि नेलाइ पापता जिबन जियाइलिको भाअ्सिङ धोकाता मापरिसु। वा महिमित परमेस्वर नेलाइहेङ निस्कलङ कालाउ आनान्दहोइ भरिका बानाइलि नेलाइहेङ ताइमिकोता घुरिपातेङ चुमालि द्वाङ।