1 थेस्लोनिकि 3:12 - Dhimal NT

¹² केलाइ प्रार्थाना पाङ कि जेसाङ केलाइ नेलाइहेङ प्रेम पानाखे, एन्साङ दोङ प्रभु नेलाइहेङ बुङ एमिसो-भेनेङ दोफा कालाउ गोताङ द्‍याङगेलाइ दोफा प्रेमता आझाइ बाढेपाको।

धिमाल

¹² जेसापा केलाइ नेलाइहेङ दाया पान्‍हाखे एन्‍सा दोङ प्रभु नेलाइहेङ एमि भेनेङदोफा रो झाराङ द्‍याङदोफा हेन्‍जाङ दाया पाका बान्‍हायाको।

1 थेस्लोनिकि 3:12 Iomraidhean Croise

मत्‍ति 22:39

न्हेतेङ आग्या चाहि लाम्फाको भाइका हि, ताइको देरागेलाइहेङ ताइमिङ भाइपाङ प्रेम पासु।

मत्‍ति 7:12

ओदोङ भाअ्सिङ नेलाइ दोफा द्‍याङगेलाइ हिसिका पाका मन्दा तासुखेना, कालाउ नेलाइ बुङ द्‍याङगेलाइ दोफा इन्सिकाङ पासु, इदोइ दोङ मोसाको व्यवस्थाता कालाउ परमेस्वरको बक्तागेलाइ लेखेका काथागेलाइको आर्था हि।

लुका 17:5

छाल्का चात्यागेलाइ प्रभु येसुहेङ दोअ्हि, “केलाइको खाङधुरि बाढेपापि।”

रोमि 13:8

कालाउ एमिसो-भेनेङहेङ मायारु पालि बाहेक आरु हिदोइ बुङ काथाता हासुको बुङ रिनि माजेङसु, हाइपालिपानु ताइको देरागेलाइहेङ प्रेम पाकालाइ मोसाको व्यवस्था पुरा पाका हिखे।

2 कोरिन्थि 9:10

परमेस्वर जेलाउ बुङ किसानहेङ बिलिको भाअ्सिङ चालाइ कालाउ चालिको भाअ्सिङ उम प्याङ, इसिकाङ परमेस्वर नेलाइ दोफा जेलाउ बुङ नुगामारि ताका जुताइप्याङ, ओदोङ भाअ्सिङ नेलाइको उद्दार मनहोइ खाचोता परिकालाइहेङ हेन्जाङ खान्तेङ हेन्जाङ साघाइलि दोसु।

गलाति 5:22

कालाउ पबित्तरो आत्मा केलाइ लिता उब्जाइ पाका गुनगेलाइ इदोइ दोङ हि: प्रेम, आनान्द, सान्ति, धैर्य, दाया, भालाइ, खाङधुरि योग्य,

गलाति 5:6

जेसापा नेलाइ येसु ख्रिस्टको खान्धुराइगेलाइनु खाताना पालाउ बुङ मापालाउ बुङ हिदोइ बुङ फरक माजेङखे। कालाउ मुलि काथा या कि केलाइ ख्रिस्टता खाङधुरि पान्हाखे, कालाउ परमेस्वर कालाउ आरु द्‍याङहेङ बुङ प्रेम पान्हाखे।

फिलिप्पि 1:9

का प्रार्थाना पाङका, कि परमेस्वरको ग्यान कालाउ बिबेकता ता-ताइमिको भाअ्सिङ नेलाइको प्रेम झन बाढेकाताङ हानाको,

1 थेस्लोनिकि 2:8

केलाइ नेलाइहेङ हेन्जाङ मायारु पान्हाखे, ओदोङ भाअ्सिङ नेलाइ परमेस्वरको सुसमाचार खिनिङ माको। भरु केलाइ ताइको प्रानबुङ नेलाइहेङ पिलि भोघान्हाखे, हाइपालिपानु नेलाइ केलाइको आनाउ जेङका हिघासुखेना।

1 थेस्लोनिकि 4:1

आखिरिता खान्धुराइ ओनेगेलाइ, प्रभु येसुता केलाइ नेलाइहेङ आनुरोध पानाखे कि परमेस्वरहेङ मन परिका जिबन जियाइसु, जेसाङ केलाइ नेलाइहेङ धिरपाका हिनाहि, कालाउ एन्सा बुङ पादोङ सुखेना कालाउ केलाइ आझाइ हाउसा पिनाखे कि इदोइ खान्तेङ आसल पासु।

1 थेस्लोनिकि 5:15

फोम पाअ्‌, हासु बुङ मारेम्का पाहि दोअ्काता वासेहेङ मारेम्का मापासु, कालाउ एमिसो-भेनेङ दोफा कालाउ झाराङ द्‍याङगेलाइ दोफा रेम्का पालि कोसिस पासु।

2 थेस्लोनिकि 1:3

खान्धुराइ ओनेगेलाइ, नेलाइको भाअ्सिङ परमेस्वरहेङ जेलाउ बुङ धन्यबाद पिनाखे। एन्सा पालि केलाइहेङ ठिक हि, हाइपालिपानु नेलाइको खाङधुरि येसु ख्रिस्टता बाढेतेङ हानिका हि। कालाउ नेलाइको प्रेम बुङ एमिसो-भेनेङ दोफा झन बाढेतेङ हि।

याकुब 1:17

हाइपालिपानु हिदोइ बुङ रेम्का कालाउ सिद्द बरदान परमेस्वरसोङ लोखे, इदोइ बरदान फाइसालामकाको आबासो लोखे। परमेस्वर जेलाउ बुङ ए सामान हिखे कालाउ वा स्याइरे भाइका आदलबदल माजेङखे।

२ पत्‍रुस 1:7

नेलाइ परमेस्वरहेङ लेङचापाका जिबन जियाइलि खिनिङ माको, कालाउ ताइकोङ जाहानको सदस्य जेसाङ नेलाइ एमिसो-भेनेङ दोफा प्रेम पालि गोइखे। कालाउ झाराङ द्‍याङगेलाइहेङ बुङ प्रेम पालि गोइखे।

२ पत्‍रुस 3:18

कालाउ नेलाइ लागातार केलाइको प्रभु कालाउ मुक्ति दाता येसु ख्रिस्टको आनुग्रह हेन्जा खान्तेङ हेन्जा आनुभब पातेङ हिलि गोइखे, कालाउ वाको बारेता नेलाइको बुझिकाता बाराकाताङ हानिलि गोइखे। वासेहेङ एला कालाउ जेलाउलाउ बुङ बाखिन ह्याको। आमेन।