1 थेस्लोनिकि 2:8 - Dhimal NT

⁸ केलाइ नेलाइहेङ हेन्जाङ मायारु पान्हाखे, ओदोङ भाअ्सिङ नेलाइ परमेस्वरको सुसमाचार खिनिङ माको। भरु केलाइ ताइको प्रानबुङ नेलाइहेङ पिलि भोघान्हाखे, हाइपालिपानु नेलाइ केलाइको आनाउ जेङका हिघासुखेना।

धिमाल

⁸ जातिङको केलाइ नेलाइहेङ हेन्‍जा दाया पानाङसिङ परमेस्‍वरको रेम्‍काबानाल खिनिङ माको, कालाउ केलाइको ज्‍यान सुदाङ नेलाइहेङ पिलि त्‍यार जेङका हिघान्‍हाहि। हाइपानु नेलाइ केलाइको भाअ्‌सिङ हेन्‍जा मोन्‍दा ताका हिघासुन्‍हा।

1 थेस्लोनिकि 2:8 Iomraidhean Croise

लुका 7:2

कर्फनहुम सहरता एमि कप्तान हिघाहि वाको एमि मायारु बान्धाइति मासाधितेङ सिलिना हिलि जेङका हिघाहि।

रोमि 1:1

का पावल येसु ख्रिस्टको दास हिघा, कालाउ परमेस्वर कासेहेङ ताइको साल्न्हाका चात्या जेङलि छाल्हि, कालाउ झाराङ द्‍याङगेलाइहेङ परमेस्वरको सुसमाचार प्राचार पालिको भाअ्सिङ खेङहि।

रोमि 10:1

खान्धुराइ ओनेगेलाइ, काङको हृदयसोङ इच्छा हि, कि परमेस्वर काङको इस्राएललि द्‍याङगेलाइहेङ उद्दार प्याको, ओदोङ भाअ्सिङ का इम्बालाइ बान्चिलि निनाको दोअ्तेङ परमेस्वर दोफा प्रार्थाना पाखा।

रोमि 15:29

कालाउ का गिखा कि, जेलाउ का नेलाइकोता ल्वाङका, ख्रिस्टको प्रसस्त आसिस नेलाइ दोफा बाखाराइ याङका।

2 कोरिन्थि 12:15

का नेलाइहेङ खुसिसोङ काङको दोफा जेदोङ हि कालाउ ताइको जिबन बुङ पिलि तियार हिघा, कालाउकि नेलाइहेङ परमेस्वरको आनुसरन पालि साघाइयाङका, का नेलाइहेङ हेन्जाङ प्रेम पाङका, भरु इन्सिका लागिखे नेलाइ कासेहेङ आतुइसा प्रेम पासुखेना!

2 कोरिन्थि 6:1

परमेस्वरहेङ साघाइका द्‍याङ हिनाङ केलाइ नेलाइहेङ सेउपानाखे, कि वाको आनुग्रह व्‍यर्थ जेङलि मापि।

गलाति 4:19

काङको आनाउ जामाललाइ, जेसाङ एमि बेबाल जामालहेङ जोलोम पिलाउ तु-निन्चाखे एन्साङ दोङ का आरोङ नेलाइको भाअ्सिङ दुख ल्होपातेङ हिघा। जेलाउ थेकापा नेलाइ ख्रिस्टता परिपक्का माजेङस्वाना एन्सालाउ थेकापा का इङको कस्टता ह्याङका।

फिलिप्पि 1:8

हाइपालिपानु परमेस्वर काङको साक्सि हि, कि हेसापा ख्रिस्ट येसुको प्रेमता का नेलाइ झाराङहेङ भेतिलि भोखा।

फिलिप्पि 2:17

जेलाउ का नेलाइहेङ सुसमाचार प्राचार पाघा, नेलाइ प्रभु येसुता खाङधुरि पासुन्हा कालाउ ताइको जिबन वाको बलिदानको रुपता वाको सेवाता पिसुन्हा, ओदोङ भाअ्सिङ इङको कासेहेङ सुसमाचार प्राचार पाकानाङ इम्बालाइ कासेहेङ सेअ्न्हालाउ बुङ का नेलाइ झाराङ दोफा खुसि कालाउ आनान्दित जेनाङका।

फिलिप्पि 2:20

तिमोथि भाइका नेलाइको जातिङको मनहोइ वास्ता पाका आरु द्‍याङ का दोफा हासु बुङ मान्थु।

फिलिप्पि 4:1

ओदोङ भाअ्सिङ काङको खान्धुराइ ओनेगेलाइ, का नेलाइहेङ हेन्जा मायारु पाङका कालाउ नेलाइहेङ भेतिलि चाहिखा। नेलाइ काङको आनन्द कालाउ हाउसा दोङ, काङको आनाउगेलाइ, काङको दोअ्का आन्सार लागातार प्रभुता भरोसा ताअ्काताङ वाको आग्या केम्सु।

कलस्सि 1:28

केलाइ गोताङ द्‍याङगेलाइहेङ ख्रिस्टको बारेता हिङपान्हाखे, झाराङ द्‍याङहेङ चेताउनि कालाउ सारा बुद्दिहोइ धिरपाहान्खे जेदोङ परमेस्वर केलाइहेङ पिका हि। कालाउकि केलाइ निसित जेङलि द्वाको कि झाराङ द्‍याङ ख्रिस्टता परिपक्का जेनावा जेलाउ इम्बालाइ परमेस्वरको आगाता जाअ्तावा।

कलस्सि 1:7

जेदोङ काथा नेलाइ केलाइको आनाउ दोफाङको सानाइति बान्धाइति इपाफ्राससो धिर्का हिसुन्हा। वा केलाइको सङकटता ख्रिस्टता खाङधुरि योग्य सेवक हि।

कलस्सि 4:12

नेलाइको नगरसो लोका येसु ख्रिस्टको दास इपाफ्रास बुङ ताइको आभिबादन पिगिल्का हि। वा लगनसिल जेङतेङ प्रार्थानाता परिस्रोम दोफाङ जेलाउ बुङ नेलाइहेङ फोम पातेङ हिखे। कालाउकि नेलाइ परिपक्क जेङसु कालाउ परमेस्वरको गोताङ इच्साता गोताङ रुपहोइ आग्याकारि हिनाङ निर्धक्क हिलि दोसु।

फिलेमोन 1:1

का पावल इदोइ पात्तारा लेखेदोङखा, का झ्याल्खानाता हिघा हाइपालिपानु का येसु ख्रिस्टको बारेता प्राचार पाघा। का कालाउ का दोफाङ काम पाका खान्धुराइ सानाइति तिमोथिसो नाअ् फिलेमोन केलाइको आनाउ सानाइति कालाउ साघाइकाहेङ सेउपाखा।

हिब्रु 13:17

नेलाइको आगुवागेलाइको आग्या केम्सु कालाउ इम्बालाइको आधिनता हिसु, इम्बालाइको काम नेलाइको आत्मागेलाइहेङ रक्स्या पालि दोङ हि, कालाउ इम्बालाइ नेलाइको बारेता परमेस्वरहेङ लेखा पिलि गोयाङ, इदोइ काम इम्बालाइ आनान्दसो पाको, दुख मानितेङ माको, माकुनुते नेलाइहेङ हिदोइ बुङ फाइदा माजेनाङ।

१ युहन्‍ना 3:16

एसा पासोङ प्रेम हाइ वाला केलाइ थाहा गिनाखे, कि येसु ख्रिस्ट दोङ केलाइको भाअ्सिङ सिपिहि। ओदोङ भाअ्सिङ केलाइ बुङ आरु खान्धुराइगेलाइको भाअ्सिङ सिलि गोइलाउ बुङ तियार हिलि गोइखे।