1 थेस्लोनिकि 2:4 - Dhimal NT

⁴ कालाउ परमेस्वर केलाइहेङ योग्य थानितेङ सुसमाचार हिङपालि जिम्मा पिहि, ओदोङ भाअ्सिङ केलाइ द्‍याङगेलाइहेङ लेङचापालि माको, भरु केलाइको ह्रदय जाचिका परमेस्वरहेङ लेङचापालि केलाइ उपदेस पिनाखे।

धिमाल

⁴ परमेस्‍वर केलाइहेङ खान्‍धुर पातेङ दोङ रेम्‍काबानाल हिम्‍पाका जिम्‍मा पिहि। इदोङखातिर केलाइ वाको लाल्‍साता धुइन्‍हाखे। केलाइ द्‍याङगेलाइहेङ माको कालाउ बुङ केलाइको मन जाचेका परमेस्‍वरहेङ लेङचा पालि भोन्‍हाखे।

1 थेस्लोनिकि 2:4 Iomraidhean Croise

लुका 12:42

कालाउ प्रभु दोअ्हि, एनोङ इमान्दार कालाउ बुद्दिमान चाकारिया इसिका हिखे: जाइहेङ साअ्को गिह्रि आरु चाकारियागेलाइहेङ खाङलि नियुक्त पाखे। गिह्रि वासेहेङ दोअ्खे ओबालाइहेङ ठिक-ठिक सोमोइता चालि-आम्लि प्यावाको। कालाउ न्हुसो ह्रिङका दामा चाहि।

लुका 16:11

जेसापा नाअ् सुमिङको धन सामाराइलि खाङधुरि योग्य जेङलि मादोअ्न्हा पानु, एन्सा जेङनु नाअ् पाक्कै बुङ स्वर्गिय सत्ये धनको भाअ्सिङ खाङधुरि योग्य जेङलि माद्वाना।

युहन्‍ना 21:17

येसु पतरुसहेङ सुम्खे दोअ्हि, ओइ युहान्नाको चान सिमोन, हाइ नाअ् कासेहेङ प्रेम पाखेना? कालाउ पतरुस दुखि जेङहि, हाइपालिपानु येसु सुम्खे, पतरुसहेङ दोअ्हि हाइ नाअ् कासेहेङ प्रेम पाखेना? पतरुस येसुहेङ दोअ्हि, प्रभु नाअ् गोताङ काथा गिखेना, का नासेहेङ प्रेम पाखा दोअ्का काथा थाहा दोङ हि। येसु उङकोहेङ दोअ्हि, काङको चात्यागेलाहेङ सामाराइ जेसाङ लाखुरिया भेडागेलाइहेङ सामाराइखे।

रोमि 8:27

कालाउ द्‍याङगेलाइको ह्रदय गिका परमेस्वर पबित्तरो आत्माको बिचार हाइ हि इङको गिखे, हाइपालिपानु पबित्तरो आत्मा खान्धुराइगेलाइको भाअ्सिङ परमेस्वरको इच्छा आन्सार वाको दोफा प्रार्थाना पापिखे।

1 कोरिन्थि 7:25

एला का धानिगेलाइको बिसोइता कासेहेङ प्रभुसो हिदोइ बुङ आग्या मिलिका मान्थु। कालाउ प्रभु कासेहेङ ताइको क्रिपासो पिका बुद्दि निङकानाङ का भोरोसा योग्य जेङतेङ नेलाइहेङ साल्लाहा प्याङका।

1 कोरिन्थि 9:17

हाइपालिपानु जेसापा का इदोइ काम ताइकोङ इच्छाहोइ पाकानु इदोइसो का हाइ दोङ इनाम निङका आस पाधाङका। कालाउ इदोइ कामहेङ काङको इच्छा माजेङतेङ भरु कर्तब्य सम्झितेङ पादोङखा, कालाउ परमेस्वर दोङ कासेहेङ इदोइ कामको जिम्मा पिकानु का हिदोइ बुङ इनामको आस मापाङका।

2 कोरिन्थि 2:17

हाइपालिपानु हेन्जाङ द्‍याङगेलाइ सरह केलाइ परमेस्वरको बचनको धनि जेङलिको भाअ्सिङ प्राचार मापानाखे भरु परमेस्वर पिगिल्का माधाताइसिङ द्‍याङको रुपता केलाइ जेलाउ बुङ ख्रिस्ट पाहासो परमेस्वरको लोकाता नुइ धुइनाखे।

2 कोरिन्थि 4:2

केलाइ लेदेर लुका कालाउ सिका-सिकापा म्होतेङ कामगेलाइ मापानाखे, केलाइ धाताइका माकुनु परमेस्वरको बचनहेङ सारफेर पाका काम बुङ मापानाखे। भरु केलाइ परमेस्वरको आगाता सत्ये खिनिङ धिरपानाखे कालाउ गोताङ द्‍याङगेलाइ परमेस्वरको साक्सि पितेङ हि कि या सत्ये हि।

2 कोरिन्थि 5:11

ओदोङ भाअ्सिङ प्रभुहेङ थिका हाइ दोअ्तेङ थाहा गितेङ केलाइ द्‍याङगेलाइहेङ सत्ये खाङधुरि पालि सेउपानाखे, कालाउ केलाइ जातिङकोङ हासु हिन्हाहि दोअ्तेङ परमेस्वर गिखे, कालाउ का आस पाखा कि नेलाइको बिबेकता नेलाइ बुङ केलाइहेङ रेम्फा नाल्सुखेना।

2 कोरिन्थि 5:16

ओदोङ भाअ्सिङ एलासो हासुहेङ बुङ द्‍याङको नजरसो माखानाङ, केलाइ बुङ लाम्फा ख्रिस्टहेङ द्‍याङको नजरहोइ खाङका हिघान्हाहि, कालाउ एलासो उसो वासेहेङ इन्सिका माखानाङ।

गलाति 1:10

आबस्य बुङ का द्‍याङगेलाइहेङ खुसि पालि माभोखा, भरु का परमेस्वरहेङ खिनिङ खुसि पालि भोखा। जेसापा आझाइ बुङ द्‍याङगेलाइहेङ खुसि पालि कोसिस पाकानु का येसु ख्रिस्टको सेवक माजेङधाङघा।

गलाति 2:7

कालाउ उङको आगुवागेलाइ तिङहि, कि परमेस्वर पतरुसहेङ जेसाङ यहुदिगेलाइहेङ सुसमाचार प्राचार पालि खाताइहि, एन्साङ दोङ परमेस्वर कासेहेङ गैर-यहुदिगेलाइको माझाता सुसमाचार प्राचार पालि खाताइहि।

एफिसि 3:8

परमेस्वरको जनगेलाइ मध्येसो का झाराङ खान्तेङ तुच्स हिघा, परमेस्वर ताइको आनुग्रह पाहासो गैर-यहुदिगेलाइहेङ प्राचार पालि इदोइ माउका कासेहेङ पिहि, कि ख्रिस्टसो केलाइ निङका आसिस केलाइको सोच कालाउ बुझिका खान्तेङ बार्का हि।

एफिसि 6:6

नेलाइको ग्रिहिहेङ खुसि बानाइलिको भाअ्सिङ माकुनु इम्बालाइ तिङका बेला खिनिङ आग्या माकेम्सु, भरु ख्रिस्टको दास भाइपा परमेस्वर जेदोङ चाहिखे इङकोङ काम ताइको पुरा ह्रदयहोइ पासु।

कलस्सि 3:22

बान्धाइतिगेलाइ, नेलाइ ताइको सुमिङको ग्रिहिगेलाइ दोअ्का गोताङ काथागेलाइ किसु। कालाउ ग्रिह्रिहेङ मिसियाँको आगाता खिनिङ आसल काम पातेङ खुसि बानाइका माको, भरु इम्बालाइ मातिङलाउ बुङ इमानदारि जेङतेङ प्रभुहेङ थितेङ रेम्का काम पासु।

1तिमोथि 6:20

तिमोथि, परमेस्वर नासेहेङ जेदोङ सुम्पिका हि, इङको रेम्फासो पाअ्‌। कालाउ हेथेते द्‍याङगेलाइ सुमिङको ब्यर्थको काथा जाइहेङ इम्बालाइ “ग्यान” दोअ्खे, इन्सिका धाताइका काथागेलाइसो फारापा हिसु।

2 तिमोथि 1:14

परमेस्वर पिका सत्ये सिक्स्याहेङ जोगाइतेङ ताअ्सु, कालाउ पबित्तरो आत्मा नासेहेङ इङको सिक्स्या जोगाइतेङ ताअ्लि साघाइयाङ, जेदोङ पबित्तरो आत्मा केलाइ दोफा हिखे।

2 तिमोथि 2:2

का हेन्जा साक्सिगेलाइको आगाता ख्रिस्टको बारेता दोअ्का सन्‍देस नाअ् हिङका हिघाखेना। एला का चाहिखा कि नाअ् बुङ ओदोङ सन्‍देस आरु खान्धुराइगेलाइहेङ हिङपा जाइहेङ नाअ् खाङधुरि योग्य थानिखेना, कालाउकि इम्बालाइ बुङ ओदोङ सन्‍देस आरु द्‍याङगेलाइहेङ हिङपालि द्वाको।

तितस 1:3

कालाउ एला ठिक सोमोइता परमेस्वर दोङ कासेहेङ इदोइ सुसमाचार देखाल पिहि। कालाउ केलाइको मुक्ति दाता परमेस्वर कासेहेङ इदोइ सुसमाचार हिङपालि आग्या पिका हि।

हिब्रु 4:13

परमेस्वरको नजरता हिदोइ बुङ द्‍याङ म्होन्हाका मान्थु। कालाउ वा दोङ हि, जाइहेङ केलाइको जिबन भरि पाका गोताङ कामको लेखाजोखा पिलि गोइखे, हाइपालिपानु वाको आगाता गोताङ काथा झालाफालापा कालाउ धाइधाइपा हि।

1पतरुस 4:11

उधारनको भाअ्सिङ, जेसापा नेलाइ दोफा प्राचार पाका बरदान हि पानु, नेलाइ परमेस्वरको बचन प्राचार पालि गोइखे। जेसापा नेलाइ दोफा आरु द्‍याङगेलाइहेङ साघाइका बरदान हि पानु, इङकोहेङ परमेस्वर नेलाइहेङ पिका तागतहोइ पासु। कालाउ येसु ख्रिस्ट पाहासो नेलाइहेङ परमेस्वर महिमाता चुमावा। गोताङ महिमा कालाउ सरबुङ जेलाउलाउ बुङ वाको दोङ हि! आमेन।

प्रकास 2:23

का वाको सिक्स्या पिताइकालाइहेङ सेअ्ताङका। कालाउ गोताङ मन्डलिगेलाइको खान्धुराइगेलाइ बुझियाङ कि का आवाङ हिघा जाइ झाराङको मन बिचारगेलाइ जाचिखे, कालाउ द्‍याङगेलाइ हाइ भोखे दोअ्तेङ गिखे। का नेलाइ झाराङहेङ नेलाइको पाका पाप आन्सार दन्ड प्याङका।