1 थेस्लोनिकि 2:3 - Dhimal NT

³ हाइपालिपानु केलाइको उपदेस भुल माकुनु मारेम्का बिचारसो माको, ना ते इदोइ धाताइकासो।

धिमाल

³ केलाइको धिरपाका बिद्‍याता असत काथा, मारेम्‍का बिचार माकोनु हिदिङ छलकपट मान्‍थुघाहि।

1 थेस्लोनिकि 2:3 Iomraidhean Croise

साल्न्हाका चात्या 13:15

कालाउ मोसाको व्यवस्था कालाउ परमेस्वरको बक्ताको किताप पढेलि दोतेङ न्हुसो यहुदिगेलाइको चाउघारा साअ्को सासकगेलाइ ओबालाइकोता एसा दोअ्तेङ दिङगिल्हि, “ओइ ओनेगेलाइ, नेलाइ दोफा द्‍याङगेलाइको भाअ्सिङ आर्तिको बचन हाइ दोङ हिनु दोअ्सु।”

साल्न्हाका चात्या 4:36

इन्ता एमि युसुफ मिङ हिका द्‍याङ हिघाहि। वा लेबि कुलको हिघाहि कालाउ साइप्रस टापुसो लोका हिघाहि। छाल्न्हाका चात्यागेलाइ वासेहेङ बार्नाबास दोअ्घाहि (जाइको आर्था आरुहेङ हाउसाइपाका द्‍याङ)।

2 कोरिन्थि 11:13

हाइपालिपानु इन्सिका द्‍याङगेलाइ जातिङको छाल्न्हाका चात्यागेलाइ माको कालाउ छलिका काम पाकालाइ दोङ, कालाउ ख्रिस्टको छाल्न्हाका चात्यागेलाइको भेस गुअ्तेङ हिगिल्कागेलाइ खिनिङ हि।

2 कोरिन्थि 2:17

हाइपालिपानु हेन्जाङ द्‍याङगेलाइ सरह केलाइ परमेस्वरको बचनको धनि जेङलिको भाअ्सिङ प्राचार मापानाखे भरु परमेस्वर पिगिल्का माधाताइसिङ द्‍याङको रुपता केलाइ जेलाउ बुङ ख्रिस्ट पाहासो परमेस्वरको लोकाता नुइ धुइनाखे।

2 कोरिन्थि 4:2

केलाइ लेदेर लुका कालाउ सिका-सिकापा म्होतेङ कामगेलाइ मापानाखे, केलाइ धाताइका माकुनु परमेस्वरको बचनहेङ सारफेर पाका काम बुङ मापानाखे। भरु केलाइ परमेस्वरको आगाता सत्ये खिनिङ धिरपानाखे कालाउ गोताङ द्‍याङगेलाइ परमेस्वरको साक्सि पितेङ हि कि या सत्ये हि।

2 कोरिन्थि 4:5

हाइपालिपानु केलाइ ताइकोङ प्राचार मापानाखे, कालाउ येसु ख्रिस्ट दोङ प्रभु हि दोअ्का काथा प्राचार पानाखे, कालाउ केलाइ चाहि येसुको भाअ्सिङ नेलाइको बान्धाइति हिनाहि।

2 कोरिन्थि 6:8

द्‍याङगेलाइ केलाइको बाखिन पालाउ माकुनु इम्बालाइ केलाइहेङ सिकालाउ, द्‍याङगेलाइ बो गेलाइहेङ केलाइ मारेम्का हिनाहि दोअ्लाउ, माकुनु रेम्का हिनाहि दोअ्नु, केलाइ इमान्दार हिनाहि, कालाउ इम्बालाइ दोअ्खे कि केलाइ धातुवा हिनाहि।

2 कोरिन्थि 7:2

केलाइहेङ नेलाइको पुरा ह्रदयहोइ प्रेम पासु, केलाइ हासुको बुङ मारेम्का ब्यभार पाका मान्थुन्हाहि, केलाइ हासुहेङ बुङ भ्रस्ट पाका मान्थुन्हाहि, केलाइ हिदोइ बुङ द्‍याङसो फाइदा ल्होपाका मान्थुन्हाहि।

1 थेस्लोनिकि 2:11

जेसाङ नेलाइहेङ थाहा दोङ हि, आबा ताइको जामाललाइ दोफा ब्यभार पाका भाइपाङ केलाइ नेलाइ दोफा ब्यभार पानाहि।

1 थेस्लोनिकि 4:7

हाइपालिपानु परमेस्वर केलाइहेङ आपबित्तरो जिबन माको, भरु पबित्तरो जिबन जियाइलि काइका हि।

2 थेस्लोनिकि 2:11

ओदोङ भाअ्सिङ इम्बालाइहेङ धाताइका काथा धुइका दुस्ट द्‍याङ खाङधुरि पाको दोअ्तेङ परमेस्वर दोङ इम्बालाइहेङ झुकिपाका बार्का सरबुङहेङ पिगिल्लाङ।

२ पत्‍रुस 1:16

जेलाउ केलाइ छाल्का चात्यागेलाइ नेलाइहेङ केलाइको प्रभु येसु ख्रिस्टको सरबुङ कालाउ आगामनको बारेता दोअ्का हिघानाहि, जेलाउ चङख जेङतेङ केलाइ नेलाइहेङ बानाइका दन्त्य काथागेलाइ दोअ्का मान्थु घानाहि। भरु केलाइ ताइमिङ ख्रिस्टको बार्का महिमा तिङका हिनाहि।