1 थेस्लोनिकि 2:16 - Dhimal NT

¹⁶ इम्बालाइ केलाइहेङ गैर-यहुदिगेलाइ दोफा मुक्तिको काथा दोअ्लि मापिहि। एसापा इम्बालाइ पापता पाप रुमभाइतेङ हानिखे जेलाउ थेकापा परमेस्वर इम्बालाइहेङ आम्तिमता दन्ड माप्याङ। कालाउ न्हुसो पाक्का बुङ परमेस्वर इम्बालाइ दोफा चेर तामपाका हि कालाउ दन्ड पिलि लागाइका हि।

धिमाल

¹⁶ बोजात्‍यागेलाइको छुटकारा ज्‍याको दोअ्‌तेङ एम्‍बालाइदोफा धुइलि केलाइहेङ खिचोला पिहि। एसापा एम्‍बालाइ झन झन हेन्‍जाङ कुकरम पाकाताङ हानेहि। कालाउ आखिरता परमेस्‍वरको चेर एम्‍बालाइर्‍हुता परेका हि।

1 थेस्लोनिकि 2:16 Iomraidhean Croise

मत्‍ति 12:45

कालाउ वा हानेतेङ झन ताइमि खान्तेङ सरबुङसाइका न्हि लोङ दुस्ट भुत-आत्मागेलाइ चुमातेङ उङको द्‍याङ लिता दुल्तेङ हिखे। कालाउ उङको द्‍याङको दासा लाम्फाको खान्तेङ न्हुसोको झन मारेम्का जेनावा। नानिको दुस्ट द्‍याङगेलाइ दोफा बुङ इसिकाङ जेनावा।”

मत्‍ति 23:32

ओदोङ भाअ्सिङ एला नेलाइ बुङ पुर्खागेलाइको जात्तरा पाका काम पुरा पास्वाना।

मत्‍ति 24:14

सुमिङ भरि दोङ परमेस्वरको सासनको बारेता सुसमाचार हिम्पाङ, कालाउकि गोताङ सारभिको द्‍याङगेलाइ इङको सुसमाचार खाङधुरि पालि द्वाको। कालाउ सुमिङको आन्त जेनावा।

मत्‍ति 24:6

जेलाउ नेलाइ धुम कालाउ धुमगेलाइको जोग्रेकालाइ हिङस्वाना कालाउ इङको बेला माअ्थिसु, इङको गोताङ घाटानागेलाइ जेङलि आवस्यक दोङ हि कालाउ सुमिङको आन्त चाहि एन्सालाउ दोङ माजेनाङ।

मत्‍ति 3:12

सिसा फाचिका रा वाकोङ खुरता हि, कालाउ ताइको खाइरामहेङ रेम्फा जाहाँपा फेकाङ कालाउ ताइको से उम फासितेङ भाकारता जोम्पावा, कालाउ पिताना चाहि हेलाउ बुङ मासिका मेता दुकावा।

मर्कुस 16:16

काङको सुसमाचार ह्रुता खाङधुरि पाका कालाउ एनोङ चिन्हाको रुपता बप्तिस्ता ह्रुकालाइ परमेस्वरसो ताइ-ह्रुता लोका पापगेलाइको साजाइसो बान्चि पावा, कालाउ जाइ हासु बुङ का ह्रुता खाङधुरि पालिसो इन्कार पावा वा परमेस्वरसो ताइको पापको साजाइ निनावा।

साल्न्हाका चात्या 13:45

कालाउ जेलाउ यहुदि आगुवागेलाइ इङको द्‍याङको जेरहेङ तिङतेङ मेनाङ डाहाहोइ भरिहि कालाउ पावलको दोअ्का काथाको बिरोध पालि तेङहि।

साल्न्हाका चात्या 13:50

कालाउ यहुदि आगुवागेलाइ पावल कालाउ बार्नाबासको बिरोधता बार्का इस्तरको भक्त बेबालाइ कालाउ सहरको मुलि-मुलि वाबालाइहेङ उस्काइहि, कालाउ इम्बालाइ पावल कालाउ बार्नाबासहेङ ताइको सिमानासो बाहार ओल्लापाहि।

साल्न्हाका चात्या 14:19

जेलाउ आधिमि यहुदिगेलाइ एन्तिओक सहर कालाउ आइकोनियम सहरसो इन्ता लोहि, जेरहेङ मानिपातेङ पावलहेङ उन्ठुइ तोअ्हि, कालाउ वा सिहि वाला दोअ्तेङ सहरसो बाहार घोघाराइतेङ चुम्पुहि।

साल्न्हाका चात्या 14:2

कालाउ आधेमि ख्रिस्टता खाङधुरि मापाका यहुदिगेलाइ चाहि गैर-यहुदिगेलाइहेङ तोङपातेङ खान्धुराइ ओनेगेलाइको बिरोधता इम्बालाइको मन खाका बानाइ पिहि।

साल्न्हाका चात्या 14:5

गैर-यहुदिगेलाइ कालाउ यहुदिगेलाइ न्हेमि दोङ इम्बालाइको आगुवागेलाइ दोफा मिलितेङ पावल कालाउ बार्नाबासहेङ साताइहि कालाउ उन्ठुइहोइ तोअ्तेङ सेअ्लि कोसिस पाहि।

साल्न्हाका चात्या 17:13

कालाउ जेलाउ थेसलोनिकि सहरता हिका यहुदिगेलाइ बिरिया नगरता बुङ पावल परमेस्वरको बचन प्राचार पादोङखे दोअ्का काथा हिङहि। कालाउ इम्बालाइ इन्ता बुङ द्‍याङगेलाइहेङ तोङपालि कालाउ उसकाइलि लोहि।

साल्न्हाका चात्या 19:9

कालाउ हेथेते राङतेङ खाङधुरि पालि माकिहि, कालाउ ओबालाइ प्रभुको दामाको बिसोइता हेन्जाङ आखेका निन्दनिय काथागेलाइ द्‍याङगेलाइको आगाता पाहि। पावल इम्बालाइसो खेङन्हाहि, कालाउ चात्यागेलाइहेङ दोफाङ चुम्तेङ हानिहि, कालाउ गोताङ दिनाङ-दिनाङ टुरान्नसको पाठसालाता धिरपालि तेङहि।

साल्न्हाका चात्या 21:21

कालाउ इङको यहुदि खान्धुराइगेलाइ नाङको बारेता हाइ दोङ काथा हिङका हि, कि नाअ् गैर-यहुदिगेलाइको माझाता हिका यहुदिगेलाइहेङ मोसाको व्यवस्थाहेङ लाअ्लि कालाउ इम्बालाइको जामालाइको खाताना मापालि कालाउ यहुदि मुन्धुम माकेम्लि दोअ्का काथा धिरपाका हिना रे।

साल्न्हाका चात्या 23:12

ह्रिमा झेङतेङ आधिमि यहुदि द्‍याङगेलाइ पावलहेङ सेअ्लि योजाना बानाइहि कालाउ इम्बालाइ एसा दोअ्तेङ केरा चाहि, “जेलाउ थेकापा पावलहेङ मासेपा थेकापा केलाइ हाइ दोङ माचाङ कालाउ चि बुङ आमाङ।”

साल्न्हाका चात्या 24:9

आरु यहुदिगेलाइ बुङ सहमति जेङहि कालाउ दोअ्हि, “इङको काथागेलाइ सत्ये दोङ हि।”

साल्न्हाका चात्या 25:2

मुलि पुजारिगेलाइ कालाउ यहुदि आगुवागेलाइ फेस्तस हाकिम दोफा भेतिहि कालाउ पावलको बिरोधता मुद्दा पेस पाहि।

साल्न्हाका चात्या 25:7

पावल लोतेङ न्हुसो यरुसेलेमसो लोका यहुदि आगुवागेलाइ वाको कोरपाहाङ जाअ्हि, कालाउ पावलको बिरोधता निकोङ दुसिहि, जाइको इम्बालाइ प्रमान पिलि मादोअ्हि।

साल्न्हाका चात्या 4:12

येसु बाहेक आरु हासुता बुङ मुक्ति मान्थु, हाइपालिपानु केलाइहेङ मुक्ति निङलि स्वर्ग लेता द्‍याङगेलाइकोता भेनेङ हिदोइ बुङ मिङ पिका मान्थु।”

साल्न्हाका चात्या 9:23

कालाउ हेन्जा दिना थेकापा साउल दमस्कस देराता हितेङ न्हुसो यहुदिगेलाइ साउलहेङ सेअ्लि योजनागेलाइ बानाइहि।

1 कोरिन्थि 10:33

जेसाङ का बुङ काङको पाका गोताङ कामता गोताङ द्‍याङगेलाइहेङ लेङचापालि कोसिस पाखा, नेलाइ बुङ का भाइपाङ पासु, हाइपालिपानु का काङको भाअ्सिङ खिनिङ रेम्का पालि कोसिस पाका मान्थुघा, भरु आरु द्‍याङगेलाइको भाअ्सिङ बुङ, कालाउकि इम्बालाइको बुङ मुक्ति जेनाको।

गलाति 5:11

खान्धुराइ ओनेगेलाइ, जेसापा का द्‍याङगेलाइको खाताना हिलि गोयाङ दोअ्तेङ प्राचार पाकानु, का समस्याता मापरिधाङका। कालाउ जेसापा का ख्रिस्टको क्रुसको बिसोइहेङ लाअ्तेङ द्‍याङगेलाइको खाताना हिलि गोयाङ दोअ्का बिसोइता प्राचार पाकानु, का यहुदिगेलाइहेङ चेर माताम्पापिधाङका।

एफिसि 3:13

एन्साङ दोङ का नेलाइहेङ सेउपाखा, कि नेलाइको भाअ्सिङ का दोङ कस्ट ल्होपाका तिङतेङ नेलाइ हारेस माचासु। हाइपालिपानु इदोइ गोताङ नेलाइको फाइदाको भाअ्सिङ हि।

एफिसि 3:8

परमेस्वरको जनगेलाइ मध्येसो का झाराङ खान्तेङ तुच्स हिघा, परमेस्वर ताइको आनुग्रह पाहासो गैर-यहुदिगेलाइहेङ प्राचार पालि इदोइ माउका कासेहेङ पिहि, कि ख्रिस्टसो केलाइ निङका आसिस केलाइको सोच कालाउ बुझिका खान्तेङ बार्का हि।

1 थेस्लोनिकि 1:10

कालाउ इम्बालाइ दोअ्खे नेलाइ हेसा वाको चान स्वर्गसो आरोङ ल्वाङ दोअ्तेङ नेलाइ दामा खाङतेङ हिसुना, जाइहेङ परमेस्वर सिकासो आरोङ सिन्हु पाका हि, येसु जाइ केलाइहेङ परमेस्वरसो लोलि तोम्का चेरचुङसो बान्चि पावा।

2 थेस्लोनिकि 2:10

कालाउ बिनासको दामाता तेअ्कालाइहेङ आनाइ बानाइलि वा गोताङ खाल्को दुस्ट कालाउ मारेम्का कामगेलाइ प्रयोग पावा, हाइपालिपानु इम्बालाइ सत्येहेङ खाङधुरि पालि इन्कार पाखे जेदोङहोइ इम्बालाइहेङ बान्चि पावा।

1तिमोथि 2:4

गोताङ द्‍याङगेलाइ मुक्ति निनाको कालाउ इम्बालाइ सत्येको ग्यानता ल्वाको दोअ्का इच्छा वा पाखे।

हिब्रु 6:8

बो द्‍याङगेलाइ इङको मिलिङ भाइकाङ हि, जाइ चुइ कालाउ चुइ हिका झुन्जिगेलाइ खिनिङ योपाहि पानु कालाउ इङको मिलिङ बेकारको हिखे। इन्सिका मिलिङता ते परमेस्वरको साराप परिलि द्वाङ कालाउ इङको मेहोइ नासाखे।

प्रकास 22:11

जाइ द्‍याङगेलाइ दुस्ट काम पाखे, वा दुस्ट काम पातेङ ह्याको। जेदोङ द्‍याङगेलाइ आसलिल काम पाखे, वा आसलिल काम पातेङ ह्याको। कालाउ जाइ द्‍याङगेलाइ रेम्का पाखे, वा रेम्का काम पातेङ हिलि गोइखे, जाइ झाराङ द्‍याङगेलाइ पबित्तरो हि वा लागातार पबित्तरो ह्याको।”