1 थेस्लोनिकि 2:15 - Dhimal NT

¹⁵ उङको यहुदिगेलाइ दोङ प्रभु येसुहेङ कालाउ परमेस्वरको बक्तागेलाइहेङ सेअ्हि। कालाउ इम्बालाइ केलाइहेङ बुङ केलाइको सारभि लाअ्लि बाध्येता बानाइहि। कालाउ परमेस्वर इम्बालाइ दोफा खुसि मान्थुहि। कालाउ इम्बालाइ गोताङ द्‍याङगेलाइको बिरोध पाखे।

धिमाल

¹⁵ इदोङ यहुदिगेलाइ प्रभु इसु ख्रिस्‍टहेङ रो आगाधुइकालाइहेङ सेअ्‌हि रो केलाइहेङ बुङ गिलगिल्‍हि। एम्‍बालाइ परमेस्‍वरहेङ मोन्‍दामाताका काम पाहि रो झाराङ द्‍याङको बिरोदि जेङहि।

1 थेस्लोनिकि 2:15 Iomraidhean Croise

मत्‍ति 23:37

ओइ यरुसेलेम सहरको द्‍याङगेलाइ! परमेस्वर दोङ दिङगिल्का बक्तागेलाइहेङ नाअ् उन्ठुइहोइ तोअ्तेङ सेअ्सुखेना। जेसाङ कियाको भुन्दि किचानगेलाइहेङ पोमावा का बुङ नाङको चान-चामिन्दिगेलाइहेङ बान्चिपालि खाङघा कालाउ नाअ् माकिन्हा।

मत्‍ति 27:25

झाराङ द्‍याङगेलाइ जोबाफ पितेङ दोअ्हि, वासेहेङ सेअ्का को दुसिका केलाइहेङ कालाउ केलाइको सान्तान ह्रुता परियाको।”

मत्‍ति 5:12

एन्सालाउ नेलाइ लेङचासु कालाउ आनान्द जेङसु, हाइपालिपानु नेलाइको भाअ्सिङ स्वर्गता बारका इनाम ताअ्का हि। हेन्जाङ सोमोइ लाम्फाको परमेस्वरको बक्तागेलाइहेङ द्‍याङगेलाइ एन्साङ दोङ साताइका हिघाखे।

लुका 24:20

कालाउ केलाइको मुलि पुजारिगेलाइ रिम्हि, कालाउ वासेहेङ सिका दन्ड पिहि कालाउ क्रुस्टा तोइलि चुम्पुहि।

साल्न्हाका चात्या 12:3

इदोइ कामहोइ यहुदिगेलाइ लेङचाका तिङतेङ पतरुसहेङ बुङ रिम्हि। या घाटाना यहुदिगेलाइको आखिमिरे तोलेको पार्बाको सोमोइता घातेका हिघाहि।

साल्न्हाका चात्या 2:23

परमेस्वर ताइको निस्चित योजाना कालाउ लाम्फाको ग्यान आन्सार वासेहेङ रिम्तेङ नेलाइहेङ सुम्पिका हिघाहि। कालाउ नेलाइ वासेहेङ दुस्ट द्‍याङगेलाइको साघाइ ह्रुतेङ नेलाइ येसुहेङ क्रुस्टता तोइतेङ सेअ्सुन्हा।

साल्न्हाका चात्या 3:15

कालाउ जाइ द्‍याङगेलाइहेङ आनान्त जिबन पिखे, नेलाइ वासेहेङ सेअ्सुन्हा वासेहेङ परमेस्वर दोङ सिकासो आरोङ सिन्हु पाहि, केलाइ या काथाको साक्सि हिनाहि।

साल्न्हाका चात्या 4:10

नेलाइ झाराङ कालाउ इस्राएलको गोताङ द्‍याङगेलाइहेङ थाहा जेनाको, कि इदोइ लेङग्रा द्‍याङ नासरतको येसु ख्रिस्टको मिङता एल्का बानाइका हि। जाइहेङ नेलाइ क्रुस्टा तोइका हिघासुन्हा कालाउ परमेस्वर वासेहेङ सिकासो सिन्हु पाहि। नानि या द्‍याङ वाकोङ मिङसो नेलाइको आगाता एल्तेङ जाअ्का हि।

साल्न्हाका चात्या 5:30

केलाइको पुर्खागेलाइको परमेस्वर येसुहेङ सिकासो सिन्हु पाहि, जाइहेङ नेलाइ क्रुस्टा तोइतेङ सेअ्सुन्हा।

साल्न्हाका चात्या 7:52

नेलाइको पुर्खागेलाइ गोताङ परमेस्वरको बक्तागेलाइहेङ साताइहि, कालाउ ख्रिस्ट जाइ धर्मि हि दोअ्तेङ बानाल हिङपाका परमेस्वरको बक्तागेलाइहेङ सुधाङ इम्बालाइ सेअ्हि। कालाउ जेलाउ ख्रिस्ट लोहि वासेहेङ बुङ धोका पितेङ नेलाइ सेअ्सुन्हा।

1 कोरिन्थि 10:5

कालाउ बुङ इम्बालाइ मध्ये हेन्जाङ दोफा परमेस्वर माहाउसा हि, कालाउ इम्बालाइ चाका-मान्दा थामेता दोङ सिहि।

2 कोरिन्थि 11:26

काङको बाराम्बारको पाक पाकाता झोरागेलाइको जोखिमता परेघा, डाकागेलाइको जोखिमता, ताइकोङ जातिको जोखिमता, कालाउ गैर-यहुदिगेलाइको जोखिमता, सहरको जोखिमता, चाका-मान्दाको जोखिमता, समुन्द्रको जोखिमता, धाताइका खान्धुराइगेलाइको जोखिमता।