1 थेस्लोनिकि 2:13 - Dhimal NT

¹³ ओदोङ भाअ्सिङ केलाइ बुङ परमेस्वरहेङ धन्यबाद पिनाखे, कि नेलाइ केलाइसो हिङका बचन जातिङकोङ परमेस्वरसो लोका बचन दोङ हि, इङको नेलाइ द्‍याङगेलाइसो लोका बचन भाइका माको, कालाउ परमेस्वरसो लोका बचन कोनिङ ग्रहन पासुन्हा, कालाउ इङको परमेस्वरको बचन एला नेलाइ ख्रिस्टता खाङधुरि पाकालाइता काम पातेङ हि।

धिमाल

¹³ केलाइ परमेस्‍वरहेङ दिनाङ च्‍याबास चार्‍हाइन्‍हाखे। हाइदोनु नेलाइ केलाइसो हिङका परमेस्‍वरको कथन द्‍याङगेलाइको काथा भाइपा माको, कालाउ परमेस्‍वरको कथन दोङ दोअ्‌तेङ र्‍हुसुन्‍हा। जातिङको दोङ इदोइ परमेस्‍वरको कथन रो इदोइ कथन दोङ खान्‍धुर पाकालाइता काम पातेङ हि।

1 थेस्लोनिकि 2:13 Iomraidhean Croise

मत्‍ति 10:20

हाइपालिपानु जेदोङ काथा दोअ्लि गोइका नेलाइ मादोस्वाना, परमेस्वरको आत्मा दोङ नेलाइ पाहासो वा धुइयावा।

मत्‍ति 10:40

नेलाइहेङ जाइ स्‍वागत पाखे, कासेहेङ बुङ स्‍वागत पावा, जाइ दोङ कासेहेङ स्‍वागत पाखे। कालाउ कासेहेङ दिङगिल्काहेङ बुङ आदार पावा।

लुका 11:28

कालाउ वा दोअ्हि, “धन्य द्‍याङगेलाइ जाइ परमेस्वरको बचनगेलाइ हिङखे, कालाउ केम्खे।”

लुका 5:1

येसु एनि गेनेसरेत समुन्द्रको (या गालिल समुन्द्र भेनेङ मिङ) काम्भेता जाअ्तेङ हिघाहि, वाको द्‍यापाहाङ द्‍याङगेलाइ चेसुमेसुपा जोमदोङघाखे, इम्बालाइ परमेस्वरको बचन हिङलि खाङघाखे।

लुका 8:11

एला निङपिका या, चालाइ चाहि परमेस्वरको बचन।

लुका 8:21

येसु इम्बालाइ झाराङहेङ जोबाफ पिहि, “काङको आमाइ कालाउ काङको ओनेगेलाइ ओबालाइ दोङ जाइ परमेस्वरको बचन हिङखे कालाउ इङकोहेङ किखे।”

युहन्‍ना 15:3

का दोङ नेलाइहेङ दोअ्का काङको सिक्स्याहोइ नेलाइ लाम्फा दोङ सुद्द जेङलि दोअ्का हिसुना।

युहन्‍ना 17:17

इम्बालाइहेङ सत्येसो पबित्तरो पाअ्पि, हाइपालिपानु नाङको बचन सत्ये हि।

युहन्‍ना 17:19

इम्बालाइको फाइदाको भाअ्सिङ का ताइमिहेङ दोङ पबित्तरो बानाइखा, कालाउकि इम्बालाइ बुङ सत्येसो पबित्तरो जेनाको।

साल्न्हाका चात्या 10:33

ओदोङ भाअ्सिङ का एन्सालाउ दोङ नासेहेङ काइलि दोअ्तेङ द्‍याङगेलाइ दिङगिल्घा कालाउ नाअ् लोपिन्हा। एला प्रभुसो नासेहेङ आग्या जेङका गोताङ काथागेलाइ हिङलि केलाइ झाराङ परमेस्वरको आगाता इता लोका हिनाहि।”

साल्न्हाका चात्या 13:48

जेलाउ गैर-यहुदिगेलाइ इन्सिका दोअ्का काथा हिङहि, इम्बालाइ लेङचाहि, कालाउ परमेस्वरको बचनको बाखिन पाहि। कालाउ आनान्त जिबनको भाअ्सिङ चुनिकालाइ येसु ख्रिस्ट ह्रुता खाङधुरि पाहि।

साल्न्हाका चात्या 16:14

केलाइको काथा हिङकालाइ मध्ये लिडिया मिङ हिका एमि बेबाल हिघाहि, वा थिआटिरा सहरसो लोका हिघाहि, वा नेल्पा धाबाको ब्यापार पाघाहि। कालाउ वा परमेस्वरको आराधाना पाका बेबाल हिघाहि। पावलको दोअ्का काथाता ध्यान पातेङ हिनाको दोअ्तेङ प्रभु वाको मन खोलि पिहि।

साल्न्हाका चात्या 17:11

इताको यहुदिगेलाइ थेसलोनिकि सहरको द्‍याङगेलाइ खान्तेङ हेन्जा आसल हिघाहि। हाइपालिपानु इम्बालाइ मेनाङ चासो पातेङ पावल कालाउ सिलासको दोअ्का बचन हिङतेङ हिघाहि। कालाउ इङको काथागेलाइ ठिक हि कि मान्थु दोअ्तेङ दिनाङ-दिनाङ धर्मसास्तर पढेतेङ जाचिघाखे।

साल्न्हाका चात्या 17:32

जेलाउ इम्बालाइ सिकासो सिन्हुहि दोअ्का बारेता हिङहि, कालाउ हेथेते खुजालाइहि। कालाउ आरुगेलाइ चाहि दोअ्हि, “केलाइ आरोङ या काथाको बिसोइता दोअ्लाउ नेलाइ इम्बालाइको काथा हिङस्वाना।”

साल्न्हाका चात्या 2:41

कालाउ जाइ-जाइ पतरुसको काथा साअ्हि कालाउ इम्बालाइ झाराङ बप्तिस्ता ह्रुहि, कालाउ कोकोङ दिना माकुलाउ बुङ सुम हाजार खान्धुराइगेलाइ ओबालाइको सङख्याता थोपिन्हाहि।

साल्न्हाका चात्या 8:14

सामारिया जिल्लाको द्‍याङगेलाइ परमेस्वरको बचनहेङ सुइकार पाहि दोअ्का काथा हिङतेङ यरुसेलेम सहरता हिका छाल्न्हाका चात्यागेलाइ पतरुस कालाउ युहान्नाहेङ इम्बालाइकोता दिङगिल्हि।

रोमि 10:17

ओदोङ भाअ्सिङ खाङधुरि एन्सालाउ लोखे जेलाउ नाअ् बचन हिङखेना, कालाउ इङको बचन ख्रिस्टको बचन दोङ हि।

2 कोरिन्थि 3:18

केलाइ झाराङ आइना कोनिङ नोसोइ मान्थुका ह्राइगेलाइता प्रभुको महिमा तिङपान्हाखे, कालाउ केलाइ वाको भाइपाङ परिबरतन जेङन्हाखे कालाउ केलाइको महिमा झन-झन हेन्जा बाढेका महिमाता वा भाइपाङ बानाइदोङखे, इदोइ प्रभुको काम दोङ, जेदोङ पबित्तरो आत्मा हि।

गलाति 4:14

ओदोङ बेला काङको मिसाहोइ नेलाइहेङ आप्थ्यारोता पाका हिघाहि वाला कालाउ बुङ नेलाइ कासेहेङ मासिकासुन्हा माकुनु मालाअ्सुन्हा। कालाउ परमेस्वरको स्वर्गदुत माकुनु येसु ख्रिस्टहेङ भाइपा कासेहेङ बुङ स्‍वागत पासुन्हा।

कलस्सि 1:6

इङको सुसमाचार नेलाइकोता लोका हि कालाउ गोताङ सुमिङता फाइलाइका हि कालाउ हेन्जा द्‍याङगेलाइ खान्धुराइ जेङका हि, कालाउ इम्बालाइको जिबन बद्लिका हि। जेसाङ इदोइहोइ नेलाइको जिबन बदलिहि, जेलाउ नेलाइ लाङ पोल्ति नेलाइ सन्‍देस हिङका हिघासुन्हा। कालाउ इदोइ सत्ये बुझेका हिसुन्हा, कि परमेस्वर ताइको आनुग्रह पाहासो ख्रिस्टता खाङधुरि पाकालाइको पाप स्यामा पापिखे।

हिब्रु 4:12

परमेस्वरको बचन ते काम पातेङ हिका कालाउ हुसि हिका हि, कालाउ वाको बचन न्हेपाहाङ धार हिका कात्ति खान्तेङ बुङ चुका हि। इङकोहोइ लिता हानितेङ प्रान कालाउ आत्माहेङ खेङन्हा पापिखे। इङकोहोइ जोरनि कालाउ हारा सुधाङ पाल्खे। इङको परमेस्वरको बचनहोइ द्‍याङगेलाइको ह्रदयको बिचार कालाउ इच्छाहेङ झोअ्तेङ जाचिखे।

हिब्रु 4:2

जेसाङ केलाइ बुङ येसु ख्रिस्टको बारेता सुसमाचार हिङका हिन्हाहि। इन्सिकाङ एस्राएल सारभिको द्‍याङगेलाइ बुङ परमेस्वरको माइसाका थामेता दुल्का “सुसमाचार” हिङका हिघाहि, कालाउ बुङ इम्बालाइ इङकोता खाङधुरि मापाहि। ओदोङ भाअ्सिङ इङको सन्‍देस इम्बालाइको भाअ्सिङ हाइ दोङ काम मालागिका जेङहि।

याकुब 1:18

वा ताइकोङ इच्छासो सत्येको बचनसो केलाइहेङ नावा जिबन पिहि, कालाउकि केलाइ वा दोङ सिरजाइका सेकाको लाङ फल भाइपा जेङलि द्वाइने।

1पतरुस 1:23

हाइपालिपानु नेलाइ परमेस्वरसो नावा जिबन निङका हिसुन्हा। कालाउ या जिबन नासाका काथासो निङका मान्थु सुन्हा कालाउ जेलाउलाउको भाअ्सिङ हिका काथासो निङका हिसुन्हा। केलाइ या नावा जिबन सिन्हुका कालाउ आनान्त परमेस्वरको बचनसो निङका हिनाहि।

1पतरुस 1:25

कालाउ प्रभुको बचन जेलाउलाउ बुङ हितेङ हिखे।” कालाउ नेलाइहेङ प्राचार पाका सुसमाचारको बचन इदोइ दोङ हि।

1पतरुस 2:2

जेसाङ भरखङ जोलोम जेङका जामाललाइ ताइको आमाइको सुद्द दुधे भोखे, नेलाइ परमेस्वरको बचन धिरलि भोलि गोइखे, कालाउकि नेलाइ आत्मिक रुपता परिपक्क जेङलि दोसु। कालाउ आम्तिमता परमेस्वर नेलाइहेङ इदोइ सुमिङको खाराका आमेनेगेलाइसो पुरा रुपता बान्चि पावा।

२ पत्‍रुस 3:2

का एसा पाखा, हाइपालिपानु परमेस्वरको पबित्तरो बक्तागेलाइ हेन्जा सोमोइ लाम्फा धुइका बचन कालाउ केलाइको प्रभु येसु ख्रिस्ट, केलाइको मुक्ति दाताको सिक्स्याहेङ नेलाइ फोम पासुना दोअ्का का चाहिखा, जेदोङ नेलाइकोता लोका साल्न्हाका चात्यागेलाइ नेलाइहेङ धिरपाका हिघाहि।

१ युहन्‍ना 3:3

कालाउ जेसाङ ख्रिस्टता हिदोइ बुङ पाप मान्थु, हासु बुङ ख्रिस्ट भाइपाङ जेङलि भोखे वा पाप मापाको।