1 थेस्लोनिकि 2:10 - Dhimal NT

¹⁰ जेलाउ केलाइ नेलाइ खान्धुराइगेलाइ दोफा हिघानाहि केलाइको जिबन परमेस्वरहेङ मन परिका, आसल काम पालि कालाउ हासु बुङ मादुसि घानाहि। इदोइ काथाको नेलाइ कालाउ परमेस्वर ताइमिङ साक्सि हि।

धिमाल

¹⁰ खान्‍धुरिगेलाइको आगाता हेसापा केलाइको चालचलन पुनित, धरमाति रो दुसमान्‍थुका हिघाहि दोअ्‌तेङ परमेस्‍वर रो नेलाइ ताइमिङ दासि हिसुन्‍हा।

1 थेस्लोनिकि 2:10 Iomraidhean Croise

लुका 23:41

केलाइको दन्डते न्याय उचित हि, हाइपालिपानु केलाइको काम आन्सार उचित दन्ड निङन्हाहि। कालाउ वाते हिदोइ बुङ मारेम्का काम पाका मान्थुघाहि।

साल्न्हाका चात्या 20:18

जेलाउ एल्डरगेलाइ लोहि, पावल इम्बालाइहेङ दोअ्हि, का एसिया प्रदेसता लाङ चोति लोका दिनासोङ नानिको दिना थेकापा का नेलाइको माझाता हिदोइ किसिमहोइ सोमोइ बितिपाघा इङको नेलाइहेङ थाहा दोङ हि।

साल्न्हाका चात्या 20:26

ओदोङ भाअ्सिङ नानिको दिना का नेलाइहेङ साक्सि पितेङ दोअ्दोङखा, कि जेसापा नेलाइ मध्ये हासु बुङ येसुहेङ खाङधुरि मापासिङ सिहि पानु इङको काङको गोल्ति माको।

साल्न्हाका चात्या 24:16

ओदोङ भाअ्सिङ का जेलाउ बुङ परमेस्वरको कालाउ द्‍याङगेलाइको आगाता का काङको बिचारहेङ सुद्द पालि कोसिस पाङका।

2 कोरिन्थि 1:12

हाइपालिपानु केलाइ गर्ब पानाखे कि केलाइको बिबेक झालाफालापा हि, सुमिङता कालाउ बिसेस पातेङ नेलाइ दोफाको केलाइको सम्बन्ध नेलाइ दोफा कालाउ सुमिङको द्‍याङगेलाइ दोफा पबित्तरो कालाउ सत्ये हि, जेदोङ चाहि परमेस्वरसो लोखे, इदोइ चाहि मानिमुइ बुद्दिहोइ माको, भरु परमेस्वरको आनुग्रह पाहासो हि।

2 कोरिन्थि 11:11

हाइ पालि का नेलाइको ताका माचुम्पुघा? हाइ का नेलाइहेङ माया मापानाङ एसा पाघा रो? परमेस्वर गिखे कि का नेलाइहेङ हेथे मायारु पाखा।

2 कोरिन्थि 11:31

परमेस्वर, केलाइको प्रभु येसुको आबा हि, जाइ जेलाउलाउको बुङ धन्यको हि, वा गिखे, कि का माधाताइखा।

2 कोरिन्थि 4:2

केलाइ लेदेर लुका कालाउ सिका-सिकापा म्होतेङ कामगेलाइ मापानाखे, केलाइ धाताइका माकुनु परमेस्वरको बचनहेङ सारफेर पाका काम बुङ मापानाखे। भरु केलाइ परमेस्वरको आगाता सत्ये खिनिङ धिरपानाखे कालाउ गोताङ द्‍याङगेलाइ परमेस्वरको साक्सि पितेङ हि कि या सत्ये हि।

2 कोरिन्थि 5:11

ओदोङ भाअ्सिङ प्रभुहेङ थिका हाइ दोअ्तेङ थाहा गितेङ केलाइ द्‍याङगेलाइहेङ सत्ये खाङधुरि पालि सेउपानाखे, कालाउ केलाइ जातिङकोङ हासु हिन्हाहि दोअ्तेङ परमेस्वर गिखे, कालाउ का आस पाखा कि नेलाइको बिबेकता नेलाइ बुङ केलाइहेङ रेम्फा नाल्सुखेना।

2 कोरिन्थि 7:2

केलाइहेङ नेलाइको पुरा ह्रदयहोइ प्रेम पासु, केलाइ हासुको बुङ मारेम्का ब्यभार पाका मान्थुन्हाहि, केलाइ हासुहेङ बुङ भ्रस्ट पाका मान्थुन्हाहि, केलाइ हिदोइ बुङ द्‍याङसो फाइदा ल्होपाका मान्थुन्हाहि।

1 थेस्लोनिकि 1:5

हाइपालिपानु केलाइ येसु ख्रिस्टको बिसोइता सुसमाचारको काथागेलाइता खिनिङ माको, कालाउ पबित्तरो आत्माको सरबुङसो या सत्ये हि दोअ्तेङ पुरा निसित दोफाङ लोका हि। नेलाइ दोफा हिलाउ केलाइको जिबन हिसिका हिघाहि नेलाइ गिसुखेना।

1 थेस्लोनिकि 2:5

नेलाइहेङ थाहा दोङ हि, कि केलाइ नेलाइ दोफा हेलाउ बुङ द्वालिघासि चेका काथा मापान्हाहि, ना ते ताका निङलिको भाअ्सिङ केलाइ इन्सिका पान्हाहि, हाइपालिपानु केलाइ चिचाहा मान्थुन्हाहि कालाउ याको साक्सि परमेस्वर दोङ हि।

2 थेस्लोनिकि 3:7

हाइपालिपानु, नेलाइ दोङ हेसा केलाइको भाइपाङ जियाइलि गोइखे इङको गोताङ नेलाइ ताइमिङ गिसुखेना, हाइपालिपानु जेलाउ केलाइ नेलाइ दोफा हिलाउ कुरिया मान्थु घानाहि भरु काम पातेङ हिन्हाहि।

1तिमोथि 4:12

इसिका ब्याभार पाअ्‌ कि, हासु बुङ नाअ् धाना हिना दोअ्तेङ हेला मापाको कालाउ नाङको आदार पाअ्को। कालाउ खान्धुराइगेलाइको आगाता बोलिचालि, बानिबेहुरा कालाउ प्रेमता कालाउ ख्रिस्टको खाङधुरिता, कालाउ सुद्दता जिबन जियाइतेङ नाअ् एनोङ नमुना जेङ।

2 तिमोथि 3:10

कालाउ तिमोथि नाअ् गि, कि का हाइ धिरपाखा, कालाउ का हेसा जिबन जियाइखा, काङको योजाना हाइ हि, कालाउ का हाइ खाङधुरि पाखा। कालाउ नासेहेङ थाहा दोङ हि, का गोताङ खालको द्‍याङगेलाइ दोफा धर्यता कालाउ मायारु ब्यभार पाका हिघा, कालाउ कस्टगेलाइ बुङ सहिका हिघा।

1पतरुस 5:3

कालाउ ताइको द्‍याङगेलाइ ह्रुता हुकुम चालाइका सासक भाइका नेलाइको जिम्माता पिका द्‍याङगेलाइ ह्रुता हुकुम माचालाइसु। भरु इम्बालाइको भाअ्सिङ उधारन जेङसु।