1 थेस्लोनिकि 1:8 - Dhimal NT

⁸ हाइपालिपानु नेलाइ पाहासो परमेस्वरको बचन म्यासिडोनिया प्रदेसता कालाउ आखैया प्रदेसता खिनिङ हिङपाका माको, कालाउ जेता बुङ केलाइ हानिनाखे द्‍याङगेलाइ परमेस्वरता नेलाइको खाङधुरिको बारेता दोअ्का केलाइ हिङन्हाखे। ओदोङ भाअ्सिङ केलाइ आरु हासुहेङ बुङ नेलाइको बिसोइता हाइ दोङ दोअ्लि मागोइयाङ।

धिमाल

⁸ हाइदोनु नेलाइसो प्रभुको कथन माकेडोनिया रो अखैयाता खिनिङ पारचार जेङका माको, कालाउ परमेस्‍वरर्‍हुता नेलाइको पाका खान्‍धुर गोताङ थामेता फाइलेका हि। इदोइ बारेता केलाइहेङ बो हाइदोङ दोअ्‌लि दारकार मान्‍थु।

1 थेस्लोनिकि 1:8 Iomraidhean Croise

साल्न्हाका चात्या 18:12

जेलाउ गलियोन आखैया प्रदेसको हाकिम हिघाहि, कालाउ आधिमि यहुदिगेलाइ मिलितेङ पावल ह्रुता जाइ लागिहि, कालाउ ओबालाइ पावलहेङ आदालातता चुम्पुतेङ दोअ्हि,

रोमि 1:8

झाराङ खान्तेङ लाम्फा का काङको परमेस्वर येसु ख्रिस्ट पाहासो दोङ नेलाइ झाराङको भाअ्सिङ धन्यबाद पिखा, हाइपालिपानु नेलाइ येसु ख्रिस्टता खाङधुरि पाका काथा गोताङ थामेता द्‍याङगेलाइ काथा पातेङ हि।

रोमि 15:26

हाइपालिपानु यरुसेलेम सहरता हिका पबित्तरो जनगेलाइता जाइ गरिब हि, इम्बालाइको भाअ्सिङ म्यासिडोनिया प्रदेस कालाउ आखैया प्रदेसको मन्डलिगेलाइ भेति पिगिल्लि भोका हि।

रोमि 16:19

नेलाइको आग्याकारिता झाराङ द्‍याङगेलाइ हिङका हि, कालाउ नेलाइको कारनहोइ का आनान्द पाखा। कालाउ का चाहिखा, कि नेलाइ जेदोङ आसल हि इङको को भाअ्सिङ बुद्दिमान जेङसु, कालाउ जेदोङ आखेका हि इन्तासो दुसिका माजेङसिङ हिसु।

1 कोरिन्थि 14:36

हाइ पालि नेलाइ मध्ये हासु बुङ लाम्फा पिताइका व्यवस्था केम्लि माकिसुखेना? हाइ नेलाइहेङ लागिखे कि, परमेस्वरको बचन दोअ्का नेलाइ लाङ द्‍याङगेलाइ हिसुन्हा रो?

2 कोरिन्थि 2:14

कालाउ परमेस्वरहेङ धन्यबाद ज्याको, हाइपालिपानु केलाइको ख्रिस्ट दोफाको सामान्दा, परमेस्वर जेलाउ बुङ केलाइहेङ ख्रिस्ट दोफाङ थोङखे कालाउ बिजोइ जेङखे, याको माने या हि कि, केलाइ हिसो बुङ हानिन्हाखे, केलाइ सुसमाचार प्राचार पानाखे कालाउकि झाराङ द्‍याङगेलाइ परमेस्वरको बारेता हिनाको कालाउ ग्याको।

2 कोरिन्थि 3:4

ख्रिस्ट पाहासो परमेस्वरता केलाइको खाङधुरि हिका कारन केलाइ इदोइ गोताङ काथाको बारेता खाङधुरि पानाखे।

कलस्सि 3:16

ख्रिस्टको बचनहोइ नेलाइको बिचारता रेम्फासो कामगेलाइ पालि पिसु, कालाउ पुरा बुद्दिमानि जेङतेङ एमिसो-भेनेङहेङ धिरपासु कालाउ साल्लाहा पिसु, कालाउ परमेस्वरहेङ ताइको ह्रदयसोङ धन्यबाद पितेङ आत्मिक भजन लेसु।

2 थेस्लोनिकि 1:4

ओदोङ भाअ्सिङ इदोइ झोको, कि नेलाइ ह्रुता जाइ लागेका गोताङ साताइन्हाका, कालाउ कस्टगेलाइता बुङ माअ्थिसिङ नेलाइ बल्लियाका जेङतेङ हिकाता नेलाइको खाङधुरिको भाअ्सिङ परमेस्वरको मन्डलिगेलाइको माझाता केलाइ हेन्जाङ गर्ब पानाखे।

2 थेस्लोनिकि 3:1

खान्धुराइ ओनेगेलाइ, आखिरता केलाइको भाअ्सिङ प्रार्थाना पाअ्पिसु, कालाउ प्रभुको बचन धेमाङ द्‍यापाहाङ फाइलाइयाको कालाउ द्‍याङगेलाइ साम्मान पालि द्वाको जेसाङ नेलाइ बुङ साम्मान पाका हिघासुखेना।

1तिमोथि 2:8

का चाहिखा, कि जेलाउ बुङ नेलाइ परमेस्वरहेङ आराधाना पालि जोम्सुखेना, परमेस्वरहेङ ग्रहन योग्य जिबन जियाइका वाबालाइ ताइको पबित्तरो खुर तोल्हेतेङ बिना क्रोड कालाउ बिना माचेरसुसिङ प्रार्थाना पाको।

2 तिमोथि 2:9

कालाउ ओदोङ सुसमाचार हिङपाकानाङ का आपाराधि कोनिङ कस्ट भोगितेङ हिघा। इङको झोको खिनिङ माको आपाराधि कोनिङ झिन्झिरिहोइ धेउनातेङ झ्यालखानाता परिका हिघा। कालाउ द्‍याङगेलाइहेङ परमेस्वरको बचन प्राचार पालि हिदोइ बुङ काथाहोइ रोकिलि माद्वावा।

३ युहन्‍ना 1:12

मन्डलिता झाराङ दोअ्खे, कि डेमेतिरियस एमि रेम्का द्‍याङ दोङ हि, हाइपालिपानु वा सत्ये परमेस्वरको बचन आन्सार ताइको जिबन जियाइखे। कालाउ केलाइ बुङ दोअ्न्हाखे कि वा एमि रेम्का द्‍याङ हि, कालाउ नाअ् गिखेना कि केलाइको साक्सि सत्ये हि।

प्रकास 14:6

कालाउ का भेनेङ स्वर्गदुतहेङ बुङ आकास ह्रुता उराइतेङ हिका तिङघा। इङको स्वर्गदुत गोताङ कुल, भासा, रास्ट, कालाउ जाति-जातिको गोताङ द्‍याङगेलाइहेङ सुसमाचार चुम्तेङ हिङपालि हानिघाहि। इदोइ सुसमाचार जेलाउलाउको भाअ्सिङ माबदलियाङ।

प्रकास 22:17

परमेस्वरको आत्मा कालाउ थुमाको दारवाइनि येसुहेङ दोअ्खे, “नाअ् लोलिङ गोइयाना।” जाइ झाराङ इदोइ हिङखे वा बुङ एसा दोअ्ताको, “लोसु!” जाइ चि आम्लि किका हि वा इता लोलिङ गोयाङ। जिबन पिका चि आम, जाइ झाराङहेङ ए पाइसा माकोसिङ पिखे।