1 थेस्लोनिकि 1:5 - Dhimal NT

⁵ हाइपालिपानु केलाइ येसु ख्रिस्टको बिसोइता सुसमाचारको काथागेलाइता खिनिङ माको, कालाउ पबित्तरो आत्माको सरबुङसो या सत्ये हि दोअ्तेङ पुरा निसित दोफाङ लोका हि। नेलाइ दोफा हिलाउ केलाइको जिबन हिसिका हिघाहि नेलाइ गिसुखेना।

धिमाल

⁵ हाइदोनु केलाइ नेलाइहेङ हिङपाका रेम्‍काबानाल बिथाको काथा खिनिङ मान्‍थुघाहि। कालाउ पुनित हाङसा रो सरबङहोइ हिङपाका जातिङको कथन हिघाहि। नेलाइको माझाता हिलाउ नेलाइकोङ भाअ्‌सिङ केलाइ हिसिका खाल्‍को द्‍याङ हिघान्‍हाहि दोअ्‌तेङ इङको नेलाइ दोङ गेसुखेना।

1 थेस्लोनिकि 1:5 Iomraidhean Croise

मर्कुस 16:20

जेलाउ चात्यागेलाइ गोताङ थामेता द्‍याङगेलाइको माझाता हानितेङ सुसमाचार पाहि। प्रभु दोङ चात्यागेलाइहेङ साघाइहि कालाउ वाको सन्‍देस सत्ये हिघाहि इङको काथा साबित पालिको भाअ्सिङ, एसापा वाको पाहासो सरबुङसाइका चिन्हागेलाइको काम पाहि। आमेन।

लुका 1:1

आनाउ थियोफिलस, हाइपालिपानु हेन्जा द्‍याङगेलाइ केलाइको माझाता जेङका घाटानागेलाइको बिसोइता बिबरन लेखेलि कोसिस पाका हि।

साल्न्हाका चात्या 11:21

प्रभुको सरबुङ ओबालाइ दोफा हिघाहि, कालाउ हेन्जा गैर-यहुदिगेलाइ ओबालाइको सन्देसता खाङधुरि पातेङ प्रभु येसुता खाङधुरि पालि तेङहि।

साल्न्हाका चात्या 16:14

केलाइको काथा हिङकालाइ मध्ये लिडिया मिङ हिका एमि बेबाल हिघाहि, वा थिआटिरा सहरसो लोका हिघाहि, वा नेल्पा धाबाको ब्यापार पाघाहि। कालाउ वा परमेस्वरको आराधाना पाका बेबाल हिघाहि। पावलको दोअ्का काथाता ध्यान पातेङ हिनाको दोअ्तेङ प्रभु वाको मन खोलि पिहि।

साल्न्हाका चात्या 2:33

ओदोङ भाअ्सिङ वा स्वर्गता परमेस्वरको दाम्पाहा खुरता तोलिन्हाहि। कालाउ परमेस्वर वासेहेङ पबित्तरो आत्मा कालाउ आबासो जेदोङ वा प्याङका दोअ्तेङ बाचा पाका हिघाखे। कालाउ वा इङको पबित्तरो आत्मा हुपिहि, जेदोङ नेलाइ एला तिङस्वाना कालाउ हिङस्वाना।

रोमि 1:16

कालाउ का येसु ख्रिस्टको सुसमाचारता गर्ब पाङका। हाइपालिपानु खाङधुरि पाका झाराङको मुक्तिको भाअ्सिङ इदोइ परमेस्वरको सरबुङ हि, लाम्फा यहुदिगेलाइहेङ कालाउ गैर-यहुदिगेलाइको भाअ्सिङ बुङ हि।

रोमि 15:13

का प्रार्थाना पाखा कि आसको मुल परमेस्वर नेलाइको खाङधुरि पाहासो गोताङ आनान्द कालाउ सान्तिहोइ पोङघा पाप्यावाको, कालाउकि पबित्तरो आत्माको सरबुङहोइ नेलाइको आस झन हेन्जा बाढेयाको।

रोमि 2:16

या गोताङ काथागेलाइ ओदोङ दिना खिनिङ जेनावा, जेलाउ परमेस्वर येसु ख्रिस्ट पाहासो द्‍याङगेलाइको हृदयता म्होका काथागेलाइको न्याय जेनाङ। कालाउ या काथा का दोङ प्राचार पाका सुसमाचार आन्सार दोङ जेनाङ।

1 कोरिन्थि 1:24

कालाउ परमेस्वर दोङ काइका यहुदि कालाउ गैर-यहुदिगेलाइको भाअ्सिङ ख्रिस्ट दोङ परमेस्वरको सरबुङ कालाउ परमेस्वरको बुद्दि हि।

1 कोरिन्थि 10:33

जेसाङ का बुङ काङको पाका गोताङ कामता गोताङ द्‍याङगेलाइहेङ लेङचापालि कोसिस पाखा, नेलाइ बुङ का भाइपाङ पासु, हाइपालिपानु का काङको भाअ्सिङ खिनिङ रेम्का पालि कोसिस पाका मान्थुघा, भरु आरु द्‍याङगेलाइको भाअ्सिङ बुङ, कालाउकि इम्बालाइको बुङ मुक्ति जेनाको।

1 कोरिन्थि 3:16

नेलाइहेङ थाहा दोङ हि, नेलाइ परमेस्वरको मुन्दिर हिसुना, कालाउ पबित्तरो आत्मा नेलाइता बासा हिखे।

1 कोरिन्थि 3:6

का दोङ नेलाइहेङ लाम्फा सुसमाचार प्राचार पाघा, कालाउ न्हुसो आपुल्लोस ओदोङ काम जारि तातेङ नेलाइहेङ खाङधुरिता बल्लियाका जेङलि साघाइहि, कालाउ परमेस्वर दोङ नेलाइहेङ आत्माता बारालि साघाइहि।

1 कोरिन्थि 4:20

हाइपालिपानु परमेस्वरको सासन काथाता खिनिङ माको, भरु परमेस्वरको सरबुङ पाहासो जियाइलि हि।

1 कोरिन्थि 9:14

एन्सादोङ सुसमाचार प्राचार पाकालाइ सुसमाचार हिङका द्‍याङगेलाइसो दोङ ताइको जिबन चालाइयाको दोअ्का प्रभुको आग्या हि।

2 कोरिन्थि 3:6

नावा कारारको सेवकगेलाइ जेङलि वा केलाइहेङ खुबि पिहि, इदोइ चाहि पबित्तरो आत्माको कारार हि, व्यवस्थाहोइ तेअ्पाका कारार माको, हाइपालिपानु मोसा लेखेका व्यवस्था माकिलिको परिनाम सिलि दोङ, भरु पबित्तरो आत्माते आनान्त जिबन पिखे।

गलाति 2:2

परमेस्वर कासेहेङ इन्ता हाने दोअ्कानाङ का इन्ता हानिघा। जेलाउ का इन्ता हिघाखा का आधिमि मन्डलिको आगुवागेलाइ दोफा सिकापा भेतिघा, कालाउ जेलाउ इम्बालाइहेङ सुसमाचारको ब्याख्या पाघा जेदोङ का गैर-यहुदिगेलाइको माझाता बुङ प्राचार पाका हिघाखा, कालाउकि काङको लाम्फा पाका कामगेलाइ कालाउ एला पाका कामगेलाइ खेर मान्हाको।

गलाति 5:5

का एसा दोअ्खा हाइपालिपानु केलाइहेङ पबित्तरो आत्मासो पुरा खाङधुरि हि, कि परमेस्वर केलाइहेङ धर्मि कोनिङ सुइकार पावा, हाइपालिपानु केलाइ ख्रिस्टता खाङधुरि पान्हाखे।

एफिसि 2:10

हाइपालिपानु केलाइ परमेस्वरको सिरजाइन्हाका हिनाहि, कालाउ केलाइ येसु ख्रिस्ट दोफाको सम्बन्ध हिकालाइ नावा द्‍याङको रुपता एल्का काम पालिको भाअ्सिङ सिरजाइन्हाका हि। केलाइ इङको आसल कामगेलाइ पाइने दोअ्तेङ वा लाम्फा दोङ तियार पाका हिघाहि।

एफिसि 3:20

परमेस्वर केलाइको ह्रेका कालाउ सोचिका खान्तेङ हेन्जाङ पालि दोखे, हाइपालिपानु वाको सरबुङ केलाइ लिता काम पातेङ हि।

फिलिप्पि 2:13

हाइपालिपानु परमेस्वर नेलाइकोता काम पादोङखे, जेदोङ कामहोइ वासेहेङ लेङचापाखे इङको काम पाका इच्छा कालाउ सरबुङ नेलाइहेङ वा दोङ पिखे।

फिलिप्पि 4:9

नेलाइ जेदोङ काथागेलाइ कासो कालाउ काङको व्यवभारसो धिरसुन्हा कालाउ ग्रहन पासुन्हा, इङकोहेङ व्यवभारता चुमासु कालाउ सान्तिको परमेस्वर नेलाइ दोफा ह्यावा।

कलस्सि 2:2

का थाङका परिस्रोम पाखा हाइपालिपानु का इम्बालाइहेङ खाङधुरिता बल्लियाका बानाइलि भोखा, कालाउ इम्बालाइ ता-ताइमिको प्रेमहोइ इम्बालाइता एकता ता चुमावा। का चाहिखा कि इम्बालाइता पुर्न समझ ह्याको कालाउ परमेस्वरको रहस्यमय योजानाको पुरा जानकारि ह्याको, जाइ ख्रिस्ट ताइमिङ दोङ हि।

1 थेस्लोनिकि 2:13

ओदोङ भाअ्सिङ केलाइ बुङ परमेस्वरहेङ धन्यबाद पिनाखे, कि नेलाइ केलाइसो हिङका बचन जातिङकोङ परमेस्वरसो लोका बचन दोङ हि, इङको नेलाइ द्‍याङगेलाइसो लोका बचन भाइका माको, कालाउ परमेस्वरसो लोका बचन कोनिङ ग्रहन पासुन्हा, कालाउ इङको परमेस्वरको बचन एला नेलाइ ख्रिस्टता खाङधुरि पाकालाइता काम पातेङ हि।

2 थेस्लोनिकि 2:14

केलाइ नेलाइहेङ प्राचार पाका सुसमाचार पाहासो परमेस्वर नेलाइहेङ उद्दारको भाअ्सिङ काइहि। कालाउकि नेलाइ प्रभु येसु ख्रिस्टको साम्मानता झ्वाइनालि दोसु।

2 तिमोथि 2:10

ओदोङ भाअ्सिङ परमेस्वर चुनिका इङको झाराङ द्‍याङगेलाइको भालाइको भाअ्सिङ का एसापा गोताङ दुख सहियाङका, कालाउकि इम्बालाइ येसु ख्रिस्टता खाङधुरि पातेङ मुक्ति कालाउ आनान्त आदार निनाको।

2 तिमोथि 2:8

येसु ख्रिस्ट हासु हि दोअ्तेङ लागातार फोम पातेङ ताअ्सु, वा राजा दाउदको हारागुटियासो हि। कालाउ परमेस्वर येसुहेङ सिकासो न्हुसो सिन्हु पाका हिघाहि, कालाउ का द्‍याङगेलाइको माझाता प्राचार पाका सुसमाचार या दोङ हि।

हिब्रु 10:22

कालाउ वा ख्रिस्टको हिति सिरकाइतेङ केलाइको ह्रदयता हिका दुसिका लाअ्पापिका हि, कालाउ केलाइको जिउ सुद्द चिहोइ झाका हि, कालाउ केलाइ तियार जेङका हिनाहि। ओदोङ भाअ्सिङ सत्ये ह्रदय कालाउ बल्लियाका खाङधुरि दोफाङ परमेस्वरको भेरपा हानाइने।

हिब्रु 6:11

केलाइको बार्का चाहाना इदोइ हि कि, नेलाइ बान्चिपा भरि दाया कालाउ मायारुको कामगेलाइ पातेङ हिसु, इदोइ निसित पालिको भाअ्सिङ कि, नेलाइको आस पाका काथा पुरा जेनावा। कालाउ नेलाइ आल्सि माजेङस्वाना। भरु नेलाइ इङको द्‍याङगेलाइको उधारन आनुसरन पास्वाना, जाइ खाङधुरि कालाउ ह्रुमतेङ हिका कारन नेलाइ परमेस्वरको प्रतिग्या निङस्वाना।

1पतरुस 1:12

कालाउ परमेस्वर इङको बक्तागेलाइहेङ दोअ्हि कि इम्बालाइको सन्देसगेलाइ ताइको भाअ्सिङ माको भरु नेलाइको भाअ्सिङ दोङ हि। इङको सन्‍देस येसु ख्रिस्टको बारेता सुसमाचार दोङ जेदोङ नेलाइ एला हिङका हिसुना। परमेस्वर स्वर्गसो ताइको पबित्तरो आत्मा पाहासो द्‍याङगेलाइहेङ नेलाइको भाअ्सिङ सुसमाचार प्राचार पालि साघाइलि दिङगिल्हि। या गोताङ इदोइ झोको आचाम्माको हि कि स्वर्गदुतगेलाइ बुङ उत्सुकता दोफाङ इङको काथागेलाइ जेङका खाङतेङ हि।

1पतरुस 1:3

केलाइको प्रभु येसु ख्रिस्टको आबा कालाउ परमेस्वरको बाखानाइ ज्याको। परमेस्वर केलाइ दोफाको माहान क्रिपा होइ वा केलाइहेङ एनोङ नावा जिबन पिका हि। हाइपालिपानु परमेस्वर येसु ख्रिस्टहेङ सिकासो सिन्चाल पाका हि, वा दोङ केलाइहेङ धुक्कसो बान्चिलि दोका बानाइका हि, इङको दोअ्का वा केलाइहेङ प्रतिग्या पाका काथा निङका पुरा आस पाका हि।

1पतरुस 5:3

कालाउ ताइको द्‍याङगेलाइ ह्रुता हुकुम चालाइका सासक भाइका नेलाइको जिम्माता पिका द्‍याङगेलाइ ह्रुता हुकुम माचालाइसु। भरु इम्बालाइको भाअ्सिङ उधारन जेङसु।

२ पत्‍रुस 1:10

ओदोङ भाअ्सिङ खान्धुराइ ओनेगेलाइ, ताइमिहेङ कालाउ बो द्‍याङगेलाइहेङ इदोइ तिङपालि आझाइ आसल ब्यभार पालि कोसिस पासु कि परमेस्वर नेलाइहेङ ताइको द्‍याङ जेङलि साल्का कालाउ काइलि थानिका हि। जेसापा नेलाइ इन्सिका पासुखेना पानु नेलाइ पाक्का दोङ परमेस्वरसो हेलाउ बुङ माखेङन्हा स्वाना।

२ पत्‍रुस 1:19

ओदोङ भाअ्सिङ केलाइ परमेस्वरको बक्तागेलाइ पाहासो लेखेका धर्मसास्तरता आझाइ भरोसा ताअ्नाखे। जेसापा नेलाइ या सन्देसता ध्यान पिसुना पानु नेलाइ रेम्का काम पासुखेना, हाइपालिपानु इदोइ ह्रिमा माजेङपा भरि कितिकितिकाता जोल्तेङ हिका गेसा भाइपा का दोङ हिघा कालाउ ह्रिमाको झेङका होइ सुमिङता थाअ्साइका चुमाका भाइपाङ ख्रिस्टको थाअ्साइका नेलाइको ह्रदयगेलाइता जोलावा।