1 थेस्लोनिकि 1:4 - Dhimal NT

⁴ परमेस्वरको आनाउ खान्धुराइ ओनेगेलाइ, केलाइहेङ इदोइ काथा थाहा दोङ हि, कि परमेस्वर नेलाइहेङ ताइको द्‍याङ जेङलि छाल्का हि।

धिमाल

⁴ परमेस्‍वरको दायाका दादाओने बाइओनेगेलाइ, नेलाइहेङ वादोङ ताइको द्‌याङ बान्‍हाइलि साल्‍का दोअ्‌तेङ केलाइ गिन्‍हाखे।

1 थेस्लोनिकि 1:4 Iomraidhean Croise

रोमि 1:7

का या पात्तारा रोम सहरता हिका गोताङ खान्धुराइगेलाइहेङ लेखेदोङखा, जाइहेङ परमेस्वर प्रेम पाखे कालाउ ताइको पबित्तरो जन जेङलि काइका हि। नेलाइहेङ केलाइको आबा परमेस्वर कालाउ प्रभु येसु ख्रिस्ट आनुग्रह कालाउ सान्ति प्याको।

रोमि 9:25

गैर-यहुदिगेलाइको बिसोइता परमेस्वर ताइको बक्ता होसेको कितापता दोअ्का हि, “जेदोङ काङको द्‍याङगेलाइ मान्थुघाहि, इम्बालाइहेङ का काङको द्‍याङगेलाइ बानाइ याङका। कालाउ जाइहेङ का प्रेम पाका मान्थुघाखा, उङकोहेङ का काङको प्रिय द्वाङका।

एफिसि 1:4

परमेस्वर सुमिङ सिरजाइका खान्तेङ लाम्फा केलाइको ख्रिस्ट दोफाको सम्बन्धको कारन केलाइहेङ चुनिहि। कालाउकि केलाइ वाको आगाता पबित्तरो कालाउ निस्कलङ जेङलि द्वाको।

कलस्सि 3:12

ओदोङ भाअ्सिङ परमेस्वर नेलाइहेङ ताइको द्‍याङगेलाइ दोअ्तेङ साल्का हि, कालाउ वा नेलाइहेङ प्रेम पाखे। ओदोङ भाअ्सिङ नेलाइ करुना, दाया, सोझा, मोनोइ कालाउ सहिका सरबुङ धारान पासु।

1 थेस्लोनिकि 1:3

जेलाउ केलाइ आबा परमेस्वर दोफा प्रार्थाना पानाखे, केलाइ प्रभु येसु ख्रिस्ट नेलाइको खाङधुरिसो पाका काम, नेलाइ खान्धुराइगेलाइहेङ पाका प्रेम कालाउ साघाइ कालाउ नेलाइको थाङका परिस्रोम, कालाउ नेलाइ प्रभु येसु ख्रिस्ट आरोङ ल्वाङ दोअ्का आसता धर्य पातेङ लागातार फोम पानाखे।

2 थेस्लोनिकि 2:13

प्रभुको प्रेम पाका खान्धुराइ ओनेगेलाइ, नेलाइको भाअ्सिङ केलाइ परमेस्वरता जेलाउ बुङ धन्यबाद पिनाखे, हाइपालिपानु परमेस्वर नेलाइहेङ बान्चिपालिको भाअ्सिङ सुमिङहेङ सिरजाइका खान्तेङ लाम्फा छाल्हि। वा दोङ पबित्तरो आत्माको काम पाहासो नेलाइहेङ पबित्तरो बानाइहि, कालाउ येसु ख्रिस्टको सत्येको सन्देसहेङ खाङधुरि पानाङ नेलाइहेङ बान्चिपाहि।

1पतरुस 1:2

आबा परमेस्वर लाम्फाङ नेलाइहेङ वाको द्‍याङ जेङलि कालाउ पबित्तरो आत्माको काम पाहासो नेलाइहेङ पबित्तरो बानाइलि चुनिलि निर्नय पाका हिघाहि। वा इसिका पाहि कालाउकि नेलाइ येसु ख्रिस्टको आग्या केम्सु कालाउ वाको हिति पाहासो सुद्द जेङलि दोसु। का प्रार्थाना पाखा कि परमेस्वर नेलाइहेङ नुगामारि थेकापा आनुग्रह कालाउ सान्ति प्याको।

२ पत्‍रुस 1:10

ओदोङ भाअ्सिङ खान्धुराइ ओनेगेलाइ, ताइमिहेङ कालाउ बो द्‍याङगेलाइहेङ इदोइ तिङपालि आझाइ आसल ब्यभार पालि कोसिस पासु कि परमेस्वर नेलाइहेङ ताइको द्‍याङ जेङलि साल्का कालाउ काइलि थानिका हि। जेसापा नेलाइ इन्सिका पासुखेना पानु नेलाइ पाक्का दोङ परमेस्वरसो हेलाउ बुङ माखेङन्हा स्वाना।