1 थेस्लोनिकि 1:3 - Dhimal NT

³ जेलाउ केलाइ आबा परमेस्वर दोफा प्रार्थाना पानाखे, केलाइ प्रभु येसु ख्रिस्ट नेलाइको खाङधुरिसो पाका काम, नेलाइ खान्धुराइगेलाइहेङ पाका प्रेम कालाउ साघाइ कालाउ नेलाइको थाङका परिस्रोम, कालाउ नेलाइ प्रभु येसु ख्रिस्ट आरोङ ल्वाङ दोअ्का आसता धर्य पातेङ लागातार फोम पानाखे।

धिमाल

³ केलाइको परमेस्‍वर आबाको आगाता नेलाइको खान्‍धुरसो पाका काम रो मायाहोइ पाका मिनेत कालाउ केलाइको प्रभु इसु ख्रिस्‍टता ताअ्‌का आसता तु: साहेका केलाइ दिनाङ फोमपातेङ हिन्‍हाखे।

1 थेस्लोनिकि 1:3 Iomraidhean Croise

युहन्‍ना 14:15

जेसापा नेलाइ कासेहेङ प्रेम पास्वाना पानु काङको आग्यागेलाइ केम्स्वाना।

युहन्‍ना 15:10

जेसापा नेलाइ काङको आग्यागेलाइ केम्सुना पानु, नेलाइ का दोफा काङको प्रेमता हितेङ हिस्वाना, जेसाङ का काङको आबाको आग्यागेलाइ केम्का हिघा, कालाउ वाको दोफा प्रेमता ह्याङका।

साल्न्हाका चात्या 10:31

कालाउ वा दोअ्हि, “कर्निलियस, परमेस्वर नाङको प्रार्थाना पाका हिङपिका हि, कालाउ नाअ् गरिब दुखियागेलाइहेङ साघाइका कामहेङ परमेस्वर फोम पाका हि।

साल्न्हाका चात्या 3:19

ओदोङ भाअ्सिङ पाप पालि लाअ्सु कालाउ परमेस्वर भारि घुरिसु, कि नेलाइको पाप स्यामा पाप्याको, कालाउकि नेलाइता परमेस्वरसो आत्मिक सरबुङको सोमोइ ल्वाको।

रोमि 12:12

नेलाइको निङका आसता आनान्द पासु, कस्टगेलाइता धर्य पासु कालाउ लागातार प्रार्थाना पातेङ हिसु।

रोमि 15:13

का प्रार्थाना पाखा कि आसको मुल परमेस्वर नेलाइको खाङधुरि पाहासो गोताङ आनान्द कालाउ सान्तिहोइ पोङघा पाप्यावाको, कालाउकि पबित्तरो आत्माको सरबुङहोइ नेलाइको आस झन हेन्जा बाढेयाको।

रोमि 15:4

जेथे काथागेलाइ लाम्फासोङ धर्मसास्तरता लेखेका हिघाहि, इङको काथागेलाइ केलाइको सिक्स्याको भाअ्सिङ लेखेका हिघाहि, कालाउकि धर्मसास्तरसो लोका धर्यता कालाउ हाउसा सो केलाइ आस निङलि द्वाइने।

रोमि 16:26

कालाउ एला आनान्तको परमेस्वरको आग्या आन्सार परमेस्वरको बक्तागेलाइ लेखेका काथा देखाल जेङका हि, कालाउकि गोताङ जातिगेलाइ खाङधुरि पाको कालाउ परमेस्वरको आग्या केमाको।

रोमि 16:6

मरियम जाइ नेलाइको माझाता ओसारापाङ मेहेनत पाहि, वासेहेङ बुङ सेउपासु।

रोमि 2:7

परमेस्वर इम्बालाइहेङ आनान्त जिबन प्याङ जाइ धर्य दोफाङ रेम्का काम पाखे, कालाउकि वा महिमा, इज्‍जत कालाउ आनान्त जिबन निनाको।

1 कोरिन्थि 13:13

ओदोङ भाअ्सिङ एला इदोइ सुम्लोङ काथागेलाइ चाहि केलाइ जेलाउ बुङ पालि गोइखे: परमेस्वरता खाङधुरि पाका, परमेस्वरको बाचागेलाइता आस ताअ्का कालाउ झाराङहेङ प्रेम पाका। कालाउ इङको सुम्लोङ मध्ये एनोङ झाराङ खान्तेङ बार्का काथा चाहि झाराङहेङ प्रेम पालि दोङ हि।

1 कोरिन्थि 15:58

ओदोङ भाअ्सिङ काङको आनाउ खान्धुराइ ओनेगेलाइ, ताइको खाङधुरिता बल्लियाका जेङसु कालाउ धाताइका सिक्स्यागेलाइता मालाइसु। कालाउ प्रभुको कामता जेलाउ बुङ लागितेङ हिसु। हाइपालिपानु नेलाइ गिसुखेना कि प्रभुता नेलाइको परिस्रोम ब्यर्थ माजेनाङ।

2 कोरिन्थि 2:17

हाइपालिपानु हेन्जाङ द्‍याङगेलाइ सरह केलाइ परमेस्वरको बचनको धनि जेङलिको भाअ्सिङ प्राचार मापानाखे भरु परमेस्वर पिगिल्का माधाताइसिङ द्‍याङको रुपता केलाइ जेलाउ बुङ ख्रिस्ट पाहासो परमेस्वरको लोकाता नुइ धुइनाखे।

गलाति 1:4

केलाइको परमेस्वर कालाउ आबाको इच्छा आन्सार येसु ख्रिस्ट केलाइको पापको भाअ्सिङ ताइमिहेङ बलि पिहि, कालाउकि केलाइहेङ इदोइ सुमिङको मारेम्का कामगेलाइसो लाअ्पाको।

गलाति 5:13

खान्धुराइ ओनेगेलाइ, परमेस्वर नेलाइहेङ स्वतन्तरो जेङलि काइका हि, ओदोङ भाअ्सिङ एला नेलाइहेङ मोसाको व्यवस्था मानितेङ हिलि मागोइयाङ। कालाउ इङको स्वतन्तरहेङ ताइको पापमय जिउको स्वभाव आन्सार काम पालि मापि, भरु ताइको स्वतन्तरोता एमिसो-भेनेङहेङ प्रेम पालि कालाउ साघाइलि प्रयोग पासु।

गलाति 5:6

जेसापा नेलाइ येसु ख्रिस्टको खान्धुराइगेलाइनु खाताना पालाउ बुङ मापालाउ बुङ हिदोइ बुङ फरक माजेङखे। कालाउ मुलि काथा या कि केलाइ ख्रिस्टता खाङधुरि पान्हाखे, कालाउ परमेस्वर कालाउ आरु द्‍याङहेङ बुङ प्रेम पान्हाखे।

गलाति 6:9

केलाइ रेम्का काम पालि निरास माजेनाइने, हाइपालिपानु जेसापा केलाइ हिम्मत माहारेहे पानु, परमेस्वरको ताइको सोमोइता केलाइ इनाम निनाङ।

1 थेस्लोनिकि 3:6

कालाउ तिमोथि नेलाइसो एलाङ खिनिङ घुरितेङ थुकालि लोका हि, कालाउ नेलाइको खाङधुरि कालाउ प्रेमको बानाल केलाइहेङ हिङपाहि। नेलाइ केलाइहेङ जेलाउ बुङ फोम पासुखेना कालाउ केलाइहेङ भेतिलि बार्का इच्छा पासुखेना दोअ्का काथा केलाइहेङ दोअ्हि। केलाइ बुङ नेलाइहेङ ओसाङ भाइपा भेतिलि चाहाना पानाखे।

2 थेस्लोनिकि 1:11

ओदोङ भाअ्सिङ एसाङ दोङ केलाइ नेलाइ झाराङको भाअ्सिङ जेलाउलाउ बुङ प्रार्थाना पातेङ ह्याङ, कालाउकि केलाइको परमेस्वर नेलाइहेङ काइतेङ ताइको योग्यको बानाइयाको, जाइको भाअ्सिङ नेलाइहेङ काइका हि, कालाउ वाको सरबुङसो गोताङ रेम्का काम पाका इच्छा कालाउ खाङधुरि योग्य कामगेलाइ पालि साघाइयाको।

2 थेस्लोनिकि 1:3

खान्धुराइ ओनेगेलाइ, नेलाइको भाअ्सिङ परमेस्वरहेङ जेलाउ बुङ धन्यबाद पिनाखे। एन्सा पालि केलाइहेङ ठिक हि, हाइपालिपानु नेलाइको खाङधुरि येसु ख्रिस्टता बाढेतेङ हानिका हि। कालाउ नेलाइको प्रेम बुङ एमिसो-भेनेङ दोफा झन बाढेतेङ हि।

1तिमोथि 1:14

कालाउ केलाइको प्रभु कासेहेङ वाको आसिम आनुग्रह लागातार तिङपाहि। वा दोङ कासेहेङ वा ह्रुता खाङधुरि पाका बानाइहि, कालाउ आरुहेङ प्रेम पालि धिरपाहि, हाइपालिपानु का येसु ख्रिस्ट दोफा ए जेङतेङ हिघाखा।

1तिमोथि 2:3

इसिका प्रार्थाना ठिक हि, कालाउ केलाइको मुक्ति दाता परमेस्वर बुङ इदोइ दोङ काथा मन्दा ताअ्खे।

हिब्रु 10:36

एला नेलाइ धैर्य हिलि गोइस्वाना, कालाउकि नेलाइ लागातार परमेस्वरको इच्छा आन्सार काम पालि दोसु। कालाउ खिनिङ नेलाइ परमेस्वरको प्रतिग्या पाका गोताङ काथा निङस्वाना।

हिब्रु 11:17

खाङधुरि पाहासो ताइको जाच जेङलाउ आब्राहाम ताइको चान इसाहाकहेङ भोग पिहि, जेलाउ कि परमेस्वर आब्राहामहेङ जेदोङ चानको प्रतिग्या पाका हिघाखे, कालाउ बुङ वा ताइको एमि खिनिङ चानहेङ भोग पिलि राजि जेङहि।

हिब्रु 4:11

ओदोङ भाअ्सिङ केलाइ झाराङ इङको माइसा चाका थामेता दुल्लि कोसिस पाइने, कालाउ हासु बुङ परमेस्वरको आग्या केम्लि इन्कार पाका द्‍याङगेलाइहेङ नामुना मा-मान्याको। कालाउ खिनिङ केलाइ इङको माइसा चाका थामेता दुल्लि द्वाङ।

हिब्रु 6:15

आब्राहाम सुकापा ह्रुम्तेङ परमेस्वरको पाका प्रतिग्याको काथा पुरा पालि ह्रुम्हि कालाउ वा इङको निङहि।

1पतरुस 3:4

नेलाइ ताइमिहेङ रेम्का गुनगेलाइहोइ कोइनाका बानाइलि गोइखे जेदोङ राम्खे, इङको मोनोइ कालाउ सान्ति ब्यभार दोङ हि, जेदोङ परमेस्वरको भाअ्सिङ ओसारापाङ जाङका हि।

१ युहन्‍ना 3:18

नेलाइ जाइ काङको आनाउ जामाललाइ भाइकाङ हिसुन्हा, केलाइ एमिसो-भेनेङहेङ काथाता खिनिङ प्रेम पानाखे मादोअ्ताइने, भरु केलाइको प्रेम काम पाहासो खाचोता परिकालाइहेङ साघाइका पाहासो तिनाको।

१ युहन्‍ना 3:21

आनाउ सानाइतिगेलाइ, केलाइको मनहोइ केलाइहेङ मादुसिखे पानु परमेस्वरको आगाता केलाइहेङ प्रार्थाना पालि साहास जेङखे।

१ युहन्‍ना 3:3

कालाउ जेसाङ ख्रिस्टता हिदोइ बुङ पाप मान्थु, हासु बुङ ख्रिस्ट भाइपाङ जेङलि भोखे वा पाप मापाको।

१ युहन्‍ना 5:3

परमेस्वरहेङ प्रेम पालि दोअ्का चाहि वाको आग्यागेलाइ केम्लि दोङ। कालाउ वाको आग्यागेलाइ केम्लि मुस्किल मान्थु।

प्रकास 2:19

कासेहेङ नेलाइको काम थाहा हि कि, नाअ् एमिसो भेनेङहेङ प्रेम पाखेना, नाअ् काङकोता ओसारापाङ भोरोसा ताअ्खेना। कालाउ कासेहेङ थाहा हि कि, नाअ् एमिसो भेनेङहेङ हेसा साघाइका हिना, कालाउ नाङको धैर्यको स्यमता। कालाउ का गिखा कि, नेलाइ एला बुङ लाम्फाङ खान्तेङ आसल कामगेलाइ पासुखेना, जेलाउ नाअ् का ह्रुता लाम्फा खाङधुरि पाका हिघाखेना।

प्रकास 3:10

कस्ट भोगिलाउ नाअ् धर्य ताअ्तेङ काङको सन्देसहेङ आनुसरन पाअ्‌, ओदोङ भाअ्सिङ का नासेहेङ जाचिकाको सोमोइसोङ नासेहेङ बान्चि पाङका। इदोइ जाचिकाको सोमोइ इदोइ सुमिङको गोताङ द्‍याङगेलाइता ल्वाङ।