1 थेस्लोनिकि 1:1 - Dhimal NT

¹ इदोइ पात्तारा का पावल थेसलोनिकि सहरता हिका खान्धुराइगेलाइहेङ लेखेदोङखा, जेदोङ आबा परमेस्वर कालाउ प्रभु येसु ख्रिस्टता हि। कालाउ सिलास कालाउ तिमोथि बुङ नेलाइहेङ सेउपाखा पिगिल्का हि, का प्रार्थाना पाखा, कि परमेस्वर दोङ नेलाइहेङ आनुग्रह कालाउ सान्ति प्याको।

धिमाल

¹ परमेस्‍वर आबा रो प्रभु इसु ख्रिस्‍टता थेसलोनिकिता हिका मन्‍डलिगेलाइहेङ केलाइ पावल, सिलास रो तिमोथिसो इदोइ चिठि लेखेदोङन्‍हाखे। परमेस्‍वर नेलाइहेङ निगाहा रो सान्‍ति प्‍याको।

1 थेस्लोनिकि 1:1 Iomraidhean Croise

साल्न्हाका चात्या 15:22

कालाउ छाल्न्हाका चात्यागेलाइ, मन्डलिको आगुवागेलाइ कालाउ यरुसेलेमको गोताङ मन्डलि मिलितेङ ताइको माझासो निर्नय आधिमि द्‍याङगेलाइहेङ चुनितेङ पावल कालाउ बार्नाबास दोफा एन्तिओक सहरको मन्डलिता दिङगिल्लि उचित थानिहि। कालाउ खान्धुराइ ओनेगेलाइ मध्ये आगुवागेलाइ, यहुदा दोन्हाका बार्नाबास कालाउ सिलासहेङ चुनिहि जाइहेङ चाहि खान्धुराइगेलाइ हेन्जा आदार पाघाखे।

साल्न्हाका चात्या 15:27

ओदोङ भाअ्सिङ केलाइ यहुदा कालाउ सिलासहेङ दिङगिल्का हिन्हाहि। इम्बालाइ ताइमिङ दोङ सहि काथागेलाइ दोअ्तावा।

साल्न्हाका चात्या 15:40

कालाउ पावल चाहि सिलासहेङ चुनिहि, कालाउ खान्धुराइ ओनेगेलाइसो परमेस्वरको आनुग्रहता आर्पन पातेङ एन्टिओक सहरसो बिदा जेङहि।

साल्न्हाका चात्या 16:19

कालाउ उङको बेबालको ग्रिहिर गेलाइ इम्बालाइको कामाइका आस बिफल जेङका तिङतेङ पावल कालाउ सिलासहेङ रिम्तेङ बाजारको चोकता हाकिमगेलाइको आगाता ताअ्निकाताङ चुम्पुहि।

साल्न्हाका चात्या 16:25

कालाउ आधा न्हिसिन्ता पावल कालाउ सिलास प्रार्थाना पाकाताङ परमेस्वरको लेगेलाइ लेतेङ हिघाहि। कालाउ आरु कैदिगेलाइ हिङतेङ हिघाहि।

साल्न्हाका चात्या 16:29

इदोइ काथा हिङतेङ झ्यालखानाको हाकिम गेसा ह्रेतेङ धाअ्तेङ लिता लोहि, कालाउ थिकासो फिरकाताङ पावल कालाउ सिलासको आगाता तुघुरहि।

साल्न्हाका चात्या 17:11

इताको यहुदिगेलाइ थेसलोनिकि सहरको द्‍याङगेलाइ खान्तेङ हेन्जा आसल हिघाहि। हाइपालिपानु इम्बालाइ मेनाङ चासो पातेङ पावल कालाउ सिलासको दोअ्का बचन हिङतेङ हिघाहि। कालाउ इङको काथागेलाइ ठिक हि कि मान्थु दोअ्तेङ दिनाङ-दिनाङ धर्मसास्तर पढेतेङ जाचिघाखे।

साल्न्हाका चात्या 18:5

जेलाउ सिलास कालाउ तिमोथि म्यासिडोनिया प्रदेससो थुकालि लोहि, कालाउ पावल पाल बानाइलि काम लाअ्तेङ ताइको पुरा सोमोइ बचनको प्राचारता। कालाउ यहुदिगेलाइ येसु दोङ ख्रिस्ट हि दोअ्तेङ वा सिक्स्या पिदोङघाहि।

साल्न्हाका चात्या 19:22

कालाउ न्हुसो पावल ताइको साघाइका सानाइति तिमोथि कालाउ इरासतसहेङ म्यासिडोनिया प्रदेसता ताइमि हानिलि खान्तेङ लाम्फाङ दिङगिल्हि, कालाउ ताइमि चाहि आले सोमोइ थेकापा एसिया प्रदेसको एफिस सहरता हि।

साल्न्हाका चात्या 20:4

इदोइ पाक पाकाता बेरिया सहरता हिका पुरुसको चान सोपातोरोस, थेसलोनिकि सहरसो आरिस्ताखर्स कालाउ सिकन्दस, डर्बि सहरसो गायस, कालाउ लुस्तारा सहरसो तिमोथि कालाउ एसिया प्रदेससो तुखिकस कालाउ तोरोफिमस केलाइको दोफाङ हिघाहि।

रोमि 1:7

का या पात्तारा रोम सहरता हिका गोताङ खान्धुराइगेलाइहेङ लेखेदोङखा, जाइहेङ परमेस्वर प्रेम पाखे कालाउ ताइको पबित्तरो जन जेङलि काइका हि। नेलाइहेङ केलाइको आबा परमेस्वर कालाउ प्रभु येसु ख्रिस्ट आनुग्रह कालाउ सान्ति प्याको।

1 कोरिन्थि 1:2

का इदोइ पात्तारा नाअ् कोरिन्थि सहरता हिका खान्धुराइगेलाइहेङ लेखेदोङखा, जाइहेङ परमेस्वर ताइको द्‍याङगेलाइ जेङलि येसु ख्रिस्टता खेङका हि। वा दोङ नेलाइहेङ येसु ख्रिस्टता वाको पबित्तरो द्‍याङगेलाइ जेङलि काइका हि, जेसाङ वा येसु ख्रिस्टता हिका खान्धुराइगेलाइहेङ पबित्तरो पाहि। हाइपालिपानु गोताङ थामेता वा केलाइ झाराङको प्रभु हि।

2 कोरिन्थि 1:1

का, पावल केलाइको खान्धुराइ ओने तिमोथि दोफाङ इदोइ पात्तारा लेखेदोङखा, का परमेस्वरको इच्छा पाहासो येसु ख्रिस्टको छाल्न्हाका चात्या हिघा, का इदोइ पात्तारा कोरिन्थि सहरता हिका परमेस्वरको मन्डलिहेङ, कालाउ गोताङ आखैया प्रदेसता हिका झाराङ पबित्तरो जनगेलाइहेङ लेखेदोङखा।

2 कोरिन्थि 1:19

हाइपालिपानु सिलास, तिमोथि कालाउ का नेलाइको माझाता प्राचार पाका परमेस्वरको चान येसु ख्रिस्ट धातुवा मान्थुघाहि, भरु वाकोता जेलाउ बुङ सत्ये खिनिङ हि।

गलाति 1:2

का या पात्तारा का दोफा हिका झाराङ खान्धुराइ ओनेगेलाइसो गलातिया इलाकाता हिका खान्धुराइगेलाइको समुहहेङ लेखेदोङखा।

गलाति 1:22

कालाउ यहुदिया जिल्लाको मन्डलिको खान्धुराइगेलाइ कासेहेङ भेतिका मान्थुघाहि।

एफिसि 1:2

का प्रार्थाना पाखा, कि केलाइको आबा परमेस्वर कालाउ प्रभु येसु ख्रिस्ट नेलाइ झाराङहेङ आनुग्रह कालाउ सान्ति प्याको।

फिलिप्पि 1:1

ख्रिस्ट येसुको बान्धाइतिगेलाइ, का पावल तिमोथि दोफा इता पात्ताराता फिलिप्पि सहरता हिका मन्डलिको आगुवागेलाइ कालाउ खान्धुराइगेलाइहेङ साघाइका दोफाङ गोताङ परमेस्वरको जनगेलाइहेङ लेखेदोङखा, जाइ ख्रिस्ट येसुको दोङ हि।

कलस्सि 1:1

परमेस्वरको साल्न्हाका द्‍याङ जेङलि चुनिका का पावल, इदोइ पात्तारा लेखेदोङखा, का येसु ख्रिस्टको छाल्न्हाका चात्या दोङ हिघा। का कालाउ केलाइको खान्धुराइ ओने तिमोथिसो झाराङहेङ सेउपाखा।

2 थेस्लोनिकि 1:1

इदोइ पात्तारा का पावल, थेसलोनिकि सहरता हिका खान्धुराइगेलाइहेङ लेखेदोङखा, जाइ आबा परमेस्वर कालाउ प्रभु येसु ख्रिस्टता हि। कालाउ सिलास कालाउ तिमोथि बुङ नेलाइहेङ सेउपाखा पिगिल्का हि।

1तिमोथि 1:2

का इदोइ पात्तारा तिमोथिहेङ लेखेदोङखा, नाअ् काङको ताइकोङ चान भाइका हिना हाइपालिपानु नाअ् बुङ येसु ख्रिस्टता खाङधुरि पाखेना। का प्रार्थाना पाखा, कि केलाइको आबा परमेस्वर कालाउ येसु ख्रिस्ट नासेहेङ आनुग्रह, क्रिपा कालाउ सान्ति प्याको।

2 तिमोथि 1:2

का इदोइ पात्तारा तिमोथिहेङ लेखेदोङखा नाअ् काङको ताइकोङ चान भाइका हिना का प्रार्थाना पाखा, कि आबा परमेस्वर कालाउ केलाइको प्रभु येसु ख्रिस्ट नासेहेङ आनुग्रह, क्रिपा कालाउ सान्ति प्याको।

हिब्रु 13:23

नेलाइहेङ इदोइ थाहा पिलि भोखा, कि केलाइको खान्धुराइ ओने तिमोथि झ्यालखानासो छुतिका हि, जेसापा वा मारफाङ लोहि पानु का वाको दोफा नेलाइहेङ भेतिलि ल्वाङका।

1पतरुस 5:12

सिलासको साघाइसो का या पोटोका चिट्ठि नेलाइहेङ लेखेतेङ पिगिल्का हिघा। ख्रिस्टता का वासेहेङ खाङधुरि योग्य ओने सम्झिखा। काङको चिट्ठि लेखेलिको उदेस्य नेलाइहेङ हाउसा पिलि कालाउ निसित पालि दोङ हि, कि नेलाइ आनुभब पातेङ हिका नेलाइको भाअ्सिङ परमेस्वरको आनुग्रह हि। इदोइ आनुग्रहता बल्लियाका जेङतेङ हिसु।

१ युहन्‍ना 1:3

ओदोङ भाअ्सिङ जेदोङ येसुको बारेता केलाइ तिङका कालाउ हिङका हिनाहि, इङको केलाइ नेलाइहेङ हिङपाङ, कालाउकि केलाइ दोफा नेलाइको सङगति जेनाको। जेसाङ केलाइको सङगति आबा कालाउ वाको चान येसु ख्रिस्ट दोफा हि।

यहुदा 1:1

इदोइ पात्तारा का यहुदासो हि, का येसु ख्रिस्टको बान्धाइति कालाउ याकुबको ओने हिघा। का इदोइ पात्तारा परमेस्वरता खाङधुरि पाका वाको पाहासो काइका द्‍याङगेलाइहेङ लेखेदोङखा। नेलाइहेङ परमेस्वर केलाइको आबा प्रेम पाखे कालाउ येसु ख्रिस्टता रेम्फा ताअ्का हि।