1पतरुस 5:6 - Dhimal NT

⁶ ओदोङ भाअ्सिङ परमेस्वरको आगाता मोनोइ जेङसु, जाइ सरबुङसाइका हि, कालाउकि वा चुनिका दिनाता नेलाइहेङ झाउका थामेता ह्रुता तोल्ह्यावाको।

धिमाल

⁶ इदोइखातिर सरबङहिका परमेस्‍वरको आधिनता हितेङ नोइका जेङसु। कालाउ वा नेलाइहेङ उचित पहरता तोल्‍ह्‍यावा।

1पतरुस 5:6 Iomraidhean Croise

मत्‍ति 23:12

हाइपालिपानु हासु बुङ ताइमिहेङ बारका बानाइखे, वासेहेङ लेता हु्ल्पावा, कालाउ ताइमिहेङ लेता हुल्पाका चाहि बारका बानाइयावा।

लुका 1:52

वा सासकगेलाइहेङ वाको सिङहासनसो लाअ्पाका हि, कालाउ मोनोइगेलाइहेङ वा दोङ तोल्हिका हि।

लुका 14:11

हाइपालिपानु हासु बुङ ताइमिहेङ बार्का बानाइखे, वासेहेङ लेता हु्ल्पावा, कालाउ ताइमिहेङ लेता हुल्पाका चाहि बार्का बानाइयावा।”

लुका 18:14

का नेलाइहेङ दोअ्खा, उङको फारिसि माको भरु पोत ल्होपाका द्‍याङ चाहि परमेस्वरको आगाता सहि थोहोराइतेङ ताइको साअ् घुरिहि। हाइपालिपानु हासु बुङ ताइमिहेङ बार्का बानाइखे, वासेहेङ लेता हु्ल्पावा, कालाउ ताइमिहेङ लेता हुल्पाका चाहि बार्का बानाइयावा।

रोमि 5:6

हाइपालिपानु केलाइ हुइका हिलाउ दोङ ख्रिस्ट आधर्मि द्‍याङगेलाइको भाअ्सिङ दोअ्का सोमोइता सिपिहि।

1 कोरिन्थि 10:22

जेसापा केलाइ एन्सा पान्हाहि पानु केलाइ प्रभुहेङ हेन्जा चेर ताम्पा प्याङ, कालाउ केलाइ प्रभु खान्तेङ बल्लियाका मान्थुन्हाहि।

1तिमोथि 2:6

ख्रिस्ट गोताङ द्‍याङगेलाहेङ पाप कालाउ सिकाको सरबुङसो लाअ्पालि मोल तिरितेङ ताइमिहेङ बलिदान पिहि। कालाउ वाको सिकासो परमेस्वर झाराङ द्‍याङ बान्च्याको दोअ्तेङ ठिक सोमोइता प्रमान पिहि।

तितस 1:3

कालाउ एला ठिक सोमोइता परमेस्वर दोङ कासेहेङ इदोइ सुसमाचार देखाल पिहि। कालाउ केलाइको मुक्ति दाता परमेस्वर कासेहेङ इदोइ सुसमाचार हिङपालि आग्या पिका हि।

याकुब 4:10

प्रभुको आगाता ताइमिहेङ मोनोइ बानाइ, कालाउ वा नेलाइहेङ साम्मान प्यावा।

याकुब 4:7

ओदोङ भाअ्सिङ ताइमिहेङ परमेस्वरको खाबाराता ताअ्सु। साइतानको बिरोध पासु, कालाउ इङको नेलाइसो थितेङ खातावा।

याकुब 5:10

खान्धुराइ ओनेगेलाइ, कस्ट भोगिका कालाउ धिरोजको उधाहरन हिसिका हिलि गोइका हि, इङको प्रभुको मिङता दोअ्का परमेस्वरको बक्तागेलाइहेङ खाङसु।