1पतरुस 5:5 - Dhimal NT

⁵ एन्साङ पातेङ धानागेलाइ, कालाउ वाराङ द्‍याङगेलाइको आधिनता हिसु। नेलाइ झाराङ मोमोइसोङ एमिसो भेनेङहेङ साघाइलि गोइखे। हाइपालिपानु धर्मसास्तरता लेखेका हि, “परमेस्वर घमन्डिगेलाइको बिरोध पाखे, कालाउ मोनोइगेलाइहेङ आनुग्रह पाखे।”

धिमाल

⁵ एन्‍साङ पातेङ धानागेलाइ, नेलाइ बुङ मन्‍डलिको आगुवागेलाइको आधिनता हिसु रो नोइतेङ एमि भेनेङको चाकर पासु। हाइपानु धरमकिताबता इसिका लेखेन्‍हाका हिः “परमेस्‍वर तुजुकिगेलाइको खिलाप पावा, कालाउ नोइकालाइहेङ निगाहा पावा।”

1पतरुस 5:5 Iomraidhean Croise

लुका 22:26

कालाउ नेलाइ चाहि इन्सिका माजेङसु। नेलाइ मध्येसो जाइ बार्का हि, उङको म्हुइका दोङ जेनाको, कालाउ जाइ आगुवा हिकालाइ चाहि सेवा पाको।

रोमि 12:10

ताइको जाहान भाइपाङ एमिसो-भेनेङहेङ मायारु पासु। कालाउ नाअ् ताइमिहेङ खान्तेङ हेन्जा बो गेलाइहेङ आदार पाअ्‌।

रोमि 13:14

कालाउ प्रभु येसु ख्रिस्ट कोनिङ जेङसु, कालाउ पापमय स्वभाबको लान्सा पुरा पाका काथाता ध्यान मापासु।

एफिसि 5:21

केलाइको ख्रिस्ट दोफाको भक्तिको कारनसो एमिसो भेनेङको आधिनता हिसु।

फिलिप्पि 2:3

स्वार्थ कालाउ घमन्डता हाइ दोङ मापासु, कालाउ मोनोइता एमिसो-भेनेङहेङ ताइमिहेङ खान्तेङ हेन्जा महत्व पुर्न थानेसु।

कलस्सि 3:12

ओदोङ भाअ्सिङ परमेस्वर नेलाइहेङ ताइको द्‍याङगेलाइ दोअ्तेङ साल्का हि, कालाउ वा नेलाइहेङ प्रेम पाखे। ओदोङ भाअ्सिङ नेलाइ करुना, दाया, सोझा, मोनोइ कालाउ सहिका सरबुङ धारान पासु।

1तिमोथि 5:1

ताइमि खान्तेङ बार्का उमेरको वाबालाइहेङ मानाइ, कालाउ वासेहेङ आबाहेङ भाइपाङ आदार पातेङ सम्झाइ। ताइमि खान्तेङ म्हुइकालाइ दोफा ताइको खान्धुराइ ओने भाइपा ब्यभाहार पाअ्‌।

हिब्रु 13:17

नेलाइको आगुवागेलाइको आग्या केम्सु कालाउ इम्बालाइको आधिनता हिसु, इम्बालाइको काम नेलाइको आत्मागेलाइहेङ रक्स्या पालि दोङ हि, कालाउ इम्बालाइ नेलाइको बारेता परमेस्वरहेङ लेखा पिलि गोयाङ, इदोइ काम इम्बालाइ आनान्दसो पाको, दुख मानितेङ माको, माकुनुते नेलाइहेङ हिदोइ बुङ फाइदा माजेनाङ।

याकुब 4:6

कालाउ वा झन हेन्जाङ आनुग्रह पिखे ओदोङ भाअ्सिङ पबित्तरो धर्मसास्तरता एसा लेखेका हि, “परमेस्वर घमन्डिगेलाइको बिरोध पाखे, कालाउ मोनोइगेलाइहेङ आनुग्रह पाखे।”

1पतरुस 3:8

आन्ताता, का नेलाइहेङ या दोअ्लि चाहिखा, कि ए जेङतेङ हिसु, एमिसो भेनेङहेङ सामाराइसु, एनोङ दोङ जाहानको सदस्यगेलाइ भाइपाङ झाराङ एमिसो भेनेङहेङ प्रेम पासु। एमिसो-भेनेङ दोफा दायाका जेङसु, कालाउ एमिसो भेनेङ दोफा मोनोइ जेङसु।

1पतरुस 4:1

ओदोङ भाअ्सिङ ख्रिस्ट इदोइ प्रिथिबिता हिलाउ दुख भोगिहि, कालाउ नेलाइ बुङ वा भाइपा बिचार ताअ्तेङ दुख भोगिलि तियार हिलि गोइखे। हाइपालिपानु जेसापा नेलाइ ख्रिस्टको भाअ्सिङ दुख भोगिलि इच्छा पासुखेना पानु, नेलाइ पाप पालि लाअ्लि निर्नय पाका हिसुना।

1पतरुस 4:5

कालाउ इन्सिका सोमोइ ल्वाङ, जेलाउ उङको द्‍याङगेलाइ उङको दुस्ट कामगेलाइको बारेता परमेस्वरको प्रस्न उत्तारा पिलि गोइयाङ। हाइपालिपानु परमेस्वर गोताङ द्‍याङगेलाइको न्याय पालि तियार हि, चाहे जाइ आझाइ सिन्हुका हि माकुनु जाइ सिलि दोका हि।