1पतरुस 5:3 - Dhimal NT

³ कालाउ ताइको द्‍याङगेलाइ ह्रुता हुकुम चालाइका सासक भाइका नेलाइको जिम्माता पिका द्‍याङगेलाइ ह्रुता हुकुम माचालाइसु। भरु इम्बालाइको भाअ्सिङ उधारन जेङसु।

धिमाल

³ नेलाइको जिमाता हिकालाइर्‍हुता हाइकम चालाइतेङ माको, कालाउ एम्‍बालाइको भाअ्‌सिङ उपमा जेङसु।

1पतरुस 5:3 Iomraidhean Croise

युहन्‍ना 13:15

हाइपालिपानु का नेलाइहेङ उधाहरन तिङपाका हिघा, कालाउ जेसाङ का नेलाइको भाअ्सिङ पाघा, नेलाइ बुङ एन्साङ पासु।

साल्न्हाका चात्या 20:28

नेलाइ ताइको कालाउ ताइको गोताङ हुलको भाअ्सिङ चङख हिसु, पबित्तरो आत्मा नेलाइहेङ मन्डलिको आगुवा बानाइकानाङ हि। वा ताइकोङ हितिहोइ चोल्का परमेस्वरको मन्डलिहेङ नेलाइ सामाराइसु।

1 कोरिन्थि 11:11

कालाउ बुङ प्रभुता खाङधुरि पाकाको माझाता वाजानसो बेजान स्वतन्तरो माजेङखे, ना ते बेजानसो वाजान स्वतन्तरो जेङखे।

1 कोरिन्थि 3:5

आपुल्लोस हासु रो? कालाउ का पावल हासु रो? किधिन्हेमिते परमेस्वरको सेवक खिनिङ हिनाहि, जाइ नेलाइहेङ येसु ख्रिस्टको खाङधुरिता चुमाहि। केलाइ झाराङ ते परमेस्वर केलाइहेङ खाटाइका काम खिनिङ पान्हाखे।

1 कोरिन्थि 3:9

हाइपालिपानु केलाइ झाराङ काम पाका परमेस्वरको खेतालागेलाइ हिन्हाहि, कालाउ नाअ् कोरिन्थ सहरको खान्धुराइगेलाइ चाहि परमेस्वरको मिलिङ भाइका हिसुन्हा, कालाउ का नेलाइको तुलाना इङको साअ् दोफा पालि द्वाङका जेदोङ साअ् परमेस्वर धाम्लि तोम्का हि।

2 कोरिन्थि 1:24

नेलाइको खाङधुरि ह्रुता केलाइ खाबारा जामाइलि माचाहिनाखे, भरु नेलाइको आनान्दको भाअ्सिङ नेलाइ दोफा मिलितेङ काम पाङ। हाइपालिपानु नेलाइ ताइको खाङधुरिता सिकापा हिसुखेना।

2 कोरिन्थि 4:5

हाइपालिपानु केलाइ ताइकोङ प्राचार मापानाखे, कालाउ येसु ख्रिस्ट दोङ प्रभु हि दोअ्का काथा प्राचार पानाखे, कालाउ केलाइ चाहि येसुको भाअ्सिङ नेलाइको बान्धाइति हिनाहि।

फिलिप्पि 3:17

खान्धुराइ ओनेगेलाइ, नेलाइ का बान्चेका कोनिङ नेलाइ बुङ बान्चिसु। केलाइ इम्बालाइको भाअ्सिङ रेम्का उधारन जेङका हिनाहि, ओदोङ भाअ्सिङ इदोङ दोङ उधारन आन्सार बान्चिकागेलाइहेङ दोङ नेलाइ पिताइसु।

फिलिप्पि 4:9

नेलाइ जेदोङ काथागेलाइ कासो कालाउ काङको व्यवभारसो धिरसुन्हा कालाउ ग्रहन पासुन्हा, इङकोहेङ व्यवभारता चुमासु कालाउ सान्तिको परमेस्वर नेलाइ दोफा ह्यावा।

1 थेस्लोनिकि 1:7

कालाउ नाअ् म्यासिडोनिया प्रदेस कालाउ आखैया प्रदेसको गोताङ खान्धुराइगेलाइको भाअ्सिङ नेलाइ एनोङ उधाहरन जेङसुन्हा।

2 थेस्लोनिकि 3:9

साघाइ निङलि केलाइको होक मानिङका दोअ्तेङ माको, कालाउ केलाइ नेलाइको भाअ्सिङ नामुना जेनाइने दोअ्तेङ केलाइ थाङका परिस्रोम पान्हाहि।

1तिमोथि 4:12

इसिका ब्याभार पाअ्‌ कि, हासु बुङ नाअ् धाना हिना दोअ्तेङ हेला मापाको कालाउ नाङको आदार पाअ्को। कालाउ खान्धुराइगेलाइको आगाता बोलिचालि, बानिबेहुरा कालाउ प्रेमता कालाउ ख्रिस्टको खाङधुरिता, कालाउ सुद्दता जिबन जियाइतेङ नाअ् एनोङ नमुना जेङ।

तितस 2:7

नाअ् गोताङ काथाता जेलाउ बुङ आसल काम पाअ्‌ कालाउ आरुको भाअ्सिङ नामुना जेङतेङ तिङपा। जेलाउ नाअ् खान्धुराइगेलाइहेङ धिरपाना रेम्का मनसायहोइ धिरपा। कालाउकि इम्बालाइ नासेहेङ आदार पाको।

1पतरुस 2:9

कालाउ नेलाइ इन्सिका माको, हाइपालिपानु नेलाइ परमेस्वरको साल्न्हाका द्‍याङगेलाइ हिसुना, नेलाइ परमेस्वरको पुजारिगेलाइ हिसुना, जाइ राजा हि। नेलाइ परमेस्वरको सेवा पालि समरपित जेङका द्‍याङगेलाइ निजि प्रजा हिसुना। वा नेलाइहेङ कालाउ कितिकितिकासो ताइको आधभुत फाइसालामकाता चुमाका हि, कालाउकि नेलाइ परमेस्वरको भारभुसाइका कामगेलाइसो घोसाना पालि दोसु।