1पतरुस 5:2 - Dhimal NT

² जेसाङ लाखुरिया ताइको भेडाहेङ सामाराइखे, नेलाइ बुङ झाराङहेङ सामाराइलि गोइस्वाना, जाइहेङ परमेस्वरको नेलाइको जिम्माता पिका हि। इङको ताइकोङ इच्छाहोइ पासु, हाइपालिपानु इङको दोङ परमेस्वर नेलाइ पाका चाहिखे। इङको कामहेङ करकापहोइ मापासु। इङको काम ताका निङलिको भाअसिङ मापासु, कालाउ परमेस्वर कालाउ द्‍याङगेलाइको सेवा पालि इच्छाहोइ या पासु।

धिमाल

² परमेस्‍वर नेलाइको जिमाता पिका वाको जनगेलाइहेङ रेम्‍फा खाङकाखुङका पाका जेङसु। करकापता माको, कालाउ ताइ मनहोइ लेङचातेङ पासु। टाका कामाइका हिसाबसो माको, कालाउ परमेस्‍वरको लाल्‍साआन्‍सार चाकर जेङतेङ पासु।

1पतरुस 5:2 Iomraidhean Croise

लुका 12:32

नेलाइ म्हुइका भेडाको हुलगेलाइ भाइका जेङ, माअ्थिसु, हाइपालिपानु नेलाइको भाअ्सिङ आबा परमेस्वर नेलाइहेङ सासन पिलि लेङचाखे।

साल्न्हाका चात्या 20:29

हाइपालिपानु कासेहेङ थाहा हि, कि का हानिलि दोतेङ न्हुसो धातुवा सिक्स्यकगेलाइ नेलाइको माझाता ल्वावा कालाउ खान्धुराइगेलाइहेङ बार्का हान्ति पावा। कालाउ इम्बालाइको भेडागेलाइहेङ सेअ्का थिलि गोइका स्याइलेगेलाइ भाइका जेनावा।

साल्न्हाका चात्या 21:13

कालाउ पावल दोअ्हि, “नेलाइ हाइ पालि एसापा खारतेङ काङको मनहेङ तुपापिसुखेना? हाइपालिपानु का यरुसेलेमता जिङन्हालि खिनिङ माको, कालाउ प्रभु येसुको भाअ्सिङ सिलि तियार हिघा।”

रोमि 1:15

ओदोङ भाअ्सिङ का दोका थेकापा नेलाइहेङ कालाउ रोम सहरता हिकालाइहेङ बुङ सुसमाचार प्राचार पालि इच्छा हि।

1 कोरिन्थि 9:7

सिपालाइ सेनाता हिलाउ ताइको खर्च ताइमिङ तिरिलि मागोइखे। आङगुर थिङका द्‍याङ आङगुर चालि निङखे। कालाउ लाखुरिया ताइको भेडा पोसितेङ दुधे आम्लि द्वाङ।

1तिमोथि 3:3

वाको हेन्जा गोरा चि माआम्का बानि माह्याको, कालाउ हेन्जा चेरचुङ माहिका, कालाउ वा मोनोइ कालाउ सान्त स्वभाबको, माफेसुका, कालाउ ताकाको लोभ पाका माह्याको।

1तिमोथि 3:8

एन्सा पातेङ मन्डिलिहेङ साघाइकालाइ बुङ भलादमि हिलि गोइखे, इमान्दार, हेन्जा गोरा चि-माआम्का कालाउ ताकाको लोभ मापाका ह्याको।

तितस 1:11

इसिका धाताइका सिक्स्या द्‍याङगेलाइहेङ धिरपालि मापि। हाइपालिपानु इम्बालाइ धिरपालि मागोइका धिरपातेङ पुराङ साअ्को जाहानको खाङधुरिहेङ नासा पापिका हि। इम्बालाइ ताका कामाइलिको भाअ्सिङ इन्सिका पाखे।

तितस 1:7

हाइपालिपानु मन्डलिको आगुवा परमेस्वरको कामको जिम्मा ह्रुका हिखे, ओदोङ भाअ्सिङ वाकोता हिदोइ बुङ दुसिका हिलि माएल। वा ताइकोङ काथाता जिद्दि पाका, धेमाङ चेर ताम्पाका, गोरा चि आमका, बल दिका कालाउ ताकाको लोभ मापाका द्‍याङ हिलि गोइखे।

तितस 2:14

केलाइहेङ पापको सरबुङसो बान्चिपालि कालाउ पबित्तरो बानाइलि येसु ख्रिस्ट ताइमिहेङ बलिदान पिहि, कालाउकि केलाइ वाकोङ द्‍याङ जेङलि द्वाको। कालाउ आसल कामगेलाइ पालि द्वाको।

तितस 3:1

सासकगेलाइ कालाउ आधिकारिगेलाइको आदार पाअ्‌ कालाउ इम्बालाइको आग्या किलि दोअ्तेङ इन्ताको खान्धुराइगेलाइहेङ फोम पा-पाअ्‌, कालाउ आरुको भाअ्सिङ रेम्का काम पालि दोअ्।

फिलेमोन 1:14

कालाउ नाङको आनुमति बिना का इङको हाइ दोङ पालि माचाहिखा। कालाउकि नाङको साघाइ करकापहोइ माको, भरु नाङकोङ इच्छाहोइ जेनाको।

हिब्रु 12:15

चङख हिसु, कि हिदोइ बुङ द्‍याङ परमेस्वरको आनुग्रह निङलिसो आसफल माजेनाको, “कालाउ हासु बुङ नेलाइको माझाता समस्या माचुमाको, इन्सिका खाल्को द्‍याङ नेलाइ हेन्जाङहेङ झुकिपावा।”

२ पत्‍रुस 2:3

इदोङ सिक्स्यकगेलाइ चिचाहा जेनावा, कालाउ नेलाइसो ताका निङलिको भाअ्सिङ नेलाइहेङ दन्त्य काथागेलाइ हिङपातेङ इम्बालाइ नेलाइहेङ धोका प्यावा। परमेस्वर इम्बालाइहेङ साजाइ प्याङ दोअ्तेङ हेन्जाङ लाम्फा दोङ निर्नय पालि दोका हि कालाउ वा इङको पालि तियार हि। वा निसित इम्बालाइहेङ नासा पाङ।