1पतरुस 5:13 - Dhimal NT

¹³ नेलाइ भाइकाङ परमेस्वर पाहासो चुनिका बेबिलोन सहरको खान्धुराइगेलाइ नेलाइहेङ सेउपाखा पिगिल्का हि। मर्कुस बुङ नेलाइहेङ सेउपाखा पिगिल्का हि, जाइ काङको चान भाइका हि।

धिमाल

¹³ नेलाइ भाइपा परमेस्‍वरसो सालन्‍हाका बेबिलोनको मन्‍डलिको खान्‍धुरि रो काङको खान्‍धुरि चान मरकुस बुङ नेलाइहेङ सेउपाका पिगिल्‍का हि।

1पतरुस 5:13 Iomraidhean Croise

साल्न्हाका चात्या 12:12

परमेस्वर ताइमिहेङ बान्चिपाका थाहा गितेङ, पतरुस, मर्कुस दोअ्न्हाका युहान्नाको आमाइ मरियमको साअ्ता हानिहि। इन्ता हेन्जा खान्धुराइगेलाइ जोम्तेङ प्रार्थाना पातेङ हिघाहि।

साल्न्हाका चात्या 12:25

जेलाउ बार्नाबास कालाउ साउल यहुदिया जिल्लाको खान्धुराइगेलाइहेङ ताका पिपुका काम पुरा पाहि, कालाउ इम्बालाइ यरुसेलेम सहरसो एन्टिओक सहरता घुरिहि। कालाउ न्हुसो इम्बालाइ दोफा मर्कुस दोअ्न्हाका युहान्‍ना बुङ हानिहि।

साल्न्हाका चात्या 15:37

बार्नाबास मर्कुस दोअ्का युहान्नाहेङ बुङ दोफाङ चुम्पुलि इच्छा फ़पाहि।

साल्न्हाका चात्या 15:39

पावल कालाउ बार्नाबासको माझाता इङको बिसोइता बार्का मि तुपासुका जेङहि, कालाउ इम्बालाइ लाअ्सुहि। बार्नाबास चाहि मर्कुसहेङ चुम्पुतेङ समुन्द्रको दामा पाहासो साइप्रस टापुता हानिहि।

कलस्सि 4:10

काङको दोफाङको कैदि, आरिस्ताखर्स नेलाइहेङ सेउपाखा पिगिल्का हि। कालाउ बार्नाबासको भागेना मर्कुसको बुङ सेउपाखा पिगिल्का हि। नेलाइ मर्कुसको बिसोइता लाम्फा दोङ पात्तारा निङलि दोसुहोइना, वा नेलाइकोता लोहे पानु वासेहेङ स्‍वागत पासु।

फिलेमोन 1:24

एन्सा पातेङ का दोफा प्रभुको काम पाका मर्कुस, आरिस्ताखर्स, डेमास कालाउ लुका को बुङ नासेहेङ सेउपाखे।

२ युहन्‍ना 1:1

का युहान्‍ना मन्डलिको आगुवा इदोइ पात्तारा परमेस्वरको छाल्का बेबालहेङ कालाउ वाको जामालाइहेङ लेखेदोङखा। जाइहेङ का जातिङको प्रेम पाखा कालाउ का खिनिङ माको, कालाउ सत्येहेङ नाल्का झाराङ दोङ प्रेम पाखे।

२ युहन्‍ना 1:13

परमेस्वर पाहासो साल्न्हाका नाङको बेजान ओनेको जामाललाइ बुङ नासेहेङ सेउपाखा पिगिल्खे।

प्रकास 17:5

वाको कापालता, म्होन्हाका को आर्था ताअ्का एनोङ मिङ इसिका लेखेका हिघाहि, “का माहान सहर बेबिलोन हिघा। का गोताङ वेस्यागेलाइको आमाइ हिघा कालाउ सुमिङता हिका गोताङ द्‍याङगेलाइहेङ का सिद्रिका कामगेलाइ पापाका।”

प्रकास 18:2

वा बारका गालाहोइ दोअ्हि, “एला या नासा हि। माहान बेबिलोन सहर हेन्जा नासा हि। हाइपालिपानु गोताङ खाल्को भुत-आत्मागेलाइ, इन्ता हिलि तेङहि। इन्ता सिकाका न्हाम्का जिहाँ जुइलेङगेलाइ ताइको बासा ज्वाङ।