1पतरुस 5:11 - Dhimal NT

¹¹ वा आदारको योग्य हि, हाइपालिपानु वाको सरबुङको हिदोइ बुङ आन्त माजेनाङ। आमेन।

धिमाल

¹¹ परमेस्‍वर ताइको सरबङसो दिनादिनाङ राज पातेङ ह्‍याको। आमेन।

1पतरुस 5:11 Iomraidhean Croise

रोमि 11:36

हाइपालिपानु गोताङ आमेने परमेस्वर पाहासो लोखे, कालाउ वा दोङ गोताङ आमेने बानाइका हि, कालाउ गोताङ आमेने वाकोङ भाअ्सिङ दोङ हि। वासेहेङ दोङ जेलाउलाउ बुङ महिमा ह्याको! आमेन।

1पतरुस 4:11

उधारनको भाअ्सिङ, जेसापा नेलाइ दोफा प्राचार पाका बरदान हि पानु, नेलाइ परमेस्वरको बचन प्राचार पालि गोइखे। जेसापा नेलाइ दोफा आरु द्‍याङगेलाइहेङ साघाइका बरदान हि पानु, इङकोहेङ परमेस्वर नेलाइहेङ पिका तागतहोइ पासु। कालाउ येसु ख्रिस्ट पाहासो नेलाइहेङ परमेस्वर महिमाता चुमावा। गोताङ महिमा कालाउ सरबुङ जेलाउलाउ बुङ वाको दोङ हि! आमेन।

प्रकास 5:13

कालाउ स्वर्गता, प्रिथिबिता, प्रिथिबि लिता, समुन्द्र कालाउ इन्ता हिका गोताङ प्रानिगेलाइ एसा दोअ्काताङ पाका का हिङघा, “केलाइ सिङहासनता योम्तेङ हिका द्‍याङको बाखिन पाइने। लोसु, थुमाको बाखानाइ पाइने केलाइ वासेहेङ जेलाउ बुङ आदार तिङपाइने, वासेहेङ जेलाउलाउ बुङ महिमा पि, हाइपालिपानु वा झाराङ खान्तेङ सरबुङसाइका हि।”