1पतरुस 5:10 - Dhimal NT

¹⁰ परमेस्वर, जाइ पुर्न रुपता आनुग्रहकारि हि केलाइको ख्रिस्ट येसु दोफाको सम्बन्धको कारन ताइको आनान्त महिमाता केलाइहेङ हकदार जेङलि काइका हि। नेलाइ कोम्हा सोमोइ थेकापा कस्ट भोगितेङ परमेस्वर नेलाइहेङ आसल बानाइयाङ कालाउकि नेलाइता हिदोइ बुङ गल्ति माज्याको कालाउ वा नेलाइको ह्रदयहेङ बल्लियाका बानाइयाङ कालाउ इस्थिर जेङलिको भाअ्सिङ वाकोता खाङधुरि पाका बानाइयाङ।

धिमाल

¹⁰ हेन्‍जाङ निगाहा हिका परमेस्‍वर ख्रिस्‍टता ताइको असिम प्रतापको भाअ्‌सिङ नेलाइहेङ काइका हि। नेलाइ आतुइसा पहर तु: भोगेकान्‍हुअ्‌सो वा दोङ नेलाइहेङ आरोङ नावा बान्‍हाइतेङ अचल बान्‍हाइयावा रो सरबङहिका बान्‍हाइयावा।

1पतरुस 5:10 Iomraidhean Croise

लुका 22:32

कालाउ का प्रार्थाना पाका हिघा कि, नाङको खाङधुरि का ह्रुता नेलाइको खाङधुरि मागुमाइयाको दोअ्तेङ पाप पालि लाअ्सु कालाउ का दोफा घुरितेङ लोलाउ नाअ् इम्बालाइको का ह्रुता खाङधुरि पालि दादा-ओनेगेलाइहेङ बल्लियाका बानाइ।

रोमि 15:13

का प्रार्थाना पाखा कि आसको मुल परमेस्वर नेलाइको खाङधुरि पाहासो गोताङ आनान्द कालाउ सान्तिहोइ पोङघा पाप्यावाको, कालाउकि पबित्तरो आत्माको सरबुङहोइ नेलाइको आस झन हेन्जा बाढेयाको।

रोमि 15:5

का प्रार्थाना पाखा कि परमेस्वर नेलाइहेङ धर्य कालाउ हाउसाइ प्याको कालाउकि नेलाइ येसु ख्रिस्टको आनुसरन पाकाताङ एमिसो-भेनेङ दोफा मिलितेङ जुलितेङ हिलि दोअ्सु।

रोमि 16:25

एला वासेहेङ, जाइ नेलाइहेङ का हिङपाका सुसमाचार येसु ख्रिस्टको बिसोइता नेलाइहेङ खाङधुरिता बल्लियाका बानाइखे, इङको रहस्यको थाअ्साइका जेदोङ जुगौजुगसोङ म्होनाका हिघाहि।

रोमि 9:11

कालाउ जाउथ्या जामाललाइ जोलोमलि खान्तेङ लाम्फासोङ, इम्बालाइ हिदोइ बुङ रेम्का कालाउ मारेम्का काम पालि खान्तेङ लाम्फा दोङ, परमेस्वर जाउथ्यागेलाइ मध्ये एमिहेङ चुनितेङ रेबिकाहेङ दोअ्हि, “जेठा चाहि कान्छाको सेवा पावा।” एसापा परमेस्वरको चुनिका काम द्‍याङगेलाइको काम खाङतेङ माको, भरु वाको ताइकोङ इच्छा आन्सार जेनाङ वा पाक्का पाहि।

रोमि 9:24

यहुदि ह्याको चाहे गैर-यहुदि ज्याको, केलाइते वाको चुनिका द्‍याङगेलाइ हिनाहि।

1 कोरिन्थि 1:10

एला खान्धुराइ ओनेगेलाइ, केलाइको प्रभु येसु ख्रिस्टको खाबारासो का नेलाइहेङ बिन्ति पाखा, कि नेलाइ झाराङ एमिसो-भेनेङ दोफा सहमति जेङसु कालाउ ए-जेङसु कालाउ नेलाइ ता-ताइमिता मिलिसु। कालाउ नेलाइ एनोङ दोङ बिचार कालाउ एनोङ दोङ मनको जेङतेङ हिसु।

1 कोरिन्थि 1:9

परमेस्वर इसिका पावा, हाइपालिपानु वा ताइमि दोअ्का काथा पालि खाङधुरि योग्य हि, कालाउ वा दोङ नेलाइहेङ ताइको चान येसु ख्रिस्ट दोफा सङगतिता काइका हि।

2 कोरिन्थि 13:11

आम्तिमता खान्धुराइ ओनेगेलाइ, एला बिदा पिसु, सिद्द जेङलि कोसिस पासु। ताइको लक्स्य ताअ्सु, काङको सुझाब हिङसु सान्तिता हिसु, कालाउ सान्ति कालाउ प्रेमको परमेस्वर नेलाइ दोफा ह्यावा।

2 कोरिन्थि 4:17

केलाइको दुखगेलाइ एला आतुइसा हि कालाउ ह्रिङका सोमोइ थेकापा माहियाङ, हाइपालिपानु इङको दुखगेलाइहोइ केलाइहेङ आनान्त महिमा पिखे, जेदोङ केलाइ कल्पाना पालि दोका खान्तेङ हेन्जा हि।

फिलिप्पि 4:13

ख्रिस्ट जाइ कासेहेङ सरबुङ पिखे वाकोसो दोङ का गोताङ काम पालि द्वाङका।

कलस्सि 2:7

धन्यबाद पिकाताङ ख्रिस्टता ताइको खाङधुरिता बल्लियाका जेङतेङ हिसु, जेसाङ सिङको जारि भोनोइहेङ जोतेङ ताअ्खे। कालाउ लागातार ख्रिस्ट ह्रुता ताइको खाङधुरिहेङ बाढेपातेङ हानेसु कालाउ जेलाउ बुङ परमेस्वरहेङ धन्यबाद पिसु।

1 थेस्लोनिकि 2:12

केलाइ नेलाइहेङ हाउसाइ कालाउ सान्तावाना पिन्हाहि कालाउ बिन्ति पानाहि कि परमेस्वरहेङ मन परिका जिबन जियाइसु, जाइ नेलाइहेङ ताइको सासन कालाउ महिमाता काइयावा।

2 थेस्लोनिकि 2:14

केलाइ नेलाइहेङ प्राचार पाका सुसमाचार पाहासो परमेस्वर नेलाइहेङ उद्दारको भाअ्सिङ काइहि। कालाउकि नेलाइ प्रभु येसु ख्रिस्टको साम्मानता झ्वाइनालि दोसु।

2 थेस्लोनिकि 2:17

केलाइ या बुङ प्रार्थाना पाङ, कि इम्बालाइ नेलाइको हृदयहेङ सान्तावाना प्याको, कालाउ गोताङ रेम्का काम कालाउ बचनता नेलाइहेङ बल्लियाका बानाइयाको।

2 थेस्लोनिकि 3:3

कालाउ नेलाइ परमेस्वरता भोरोसा पालि दोस्वाना। कालाउ वा दोङ नेलाइहेङ आत्मिक रुपता बल्लियाका बानाइयावा कालाउ साइतानसो जोगाइतेङ ताअ्ताङ। कालाउकि साइतान नेलाइहेङ हिदोइ बुङ हान्ति मापाको।

1तिमोथि 6:12

परमेस्वरता खाङधुरि पालि मालाअ्सु कालाउ वाको आग्या केम्सु जेसाङ एमि आसल आर्मि धुम पालि हार मामानिखे। कालाउ इङको आनान्त जिबनहेङ चातेङ ताअ्सु, हाइपालिपानु याकोङ भाअ्सिङ परमेस्वर नासेहेङ काइका हि। कालाउ नाअ् बुङ हेन्जा द्‍याङगेलाइको आगाता नाङको खाङधुरिको रेम्का साक्सि पिका हिघाखेना।

2 तिमोथि 1:9

परमेस्वर केलाइहेङ बान्चिपाहि कालाउ पबित्तरो जिबन जियाइलि काइहि। केलाइ रेम्का काम पाकानाङ काइका माको, भरु ताइको योजाना कालाउ आनुग्रहहोइ परमेस्वर केलाइहेङ बान्चिपाहि। जेदोङ आनुग्रह वा येसु ख्रिस्ट पाहासो सुमिङहेङ सिरजाइका खान्तेङ लाम्फा पिका हिघाहि।

2 तिमोथि 2:10

ओदोङ भाअ्सिङ परमेस्वर चुनिका इङको झाराङ द्‍याङगेलाइको भालाइको भाअ्सिङ का एसापा गोताङ दुख सहियाङका, कालाउकि इम्बालाइ येसु ख्रिस्टता खाङधुरि पातेङ मुक्ति कालाउ आनान्त आदार निनाको।

हिब्रु 9:15

ओदोङ भाअ्सिङ ख्रिस्ट द्‍याङगेलाइ दोफा नावा कारार धेउका हि, कालाउकि परमेस्वर पाहासो काइन्हाका द्‍याङगेलाइ वाको पाका प्रतिग्यासो आनान्तको भाअ्सिङ आसिस निङलि द्वाको। एसा बुङ जेङलि द्वाङ कि, हाइपालिपानु इम्बालाइ लाङ कारारता हिलाउ पाका पापको दन्डसो स्वतन्तरो पालिको भाअ्सिङ ख्रिस्ट सिहि।

1पतरुस 1:15

नेलाइको पाका गोताङ काथाता ताइमिहेङ मारेम्का काथासो खेङसु, हाइपालिपानु परमेस्वर जाइ नेलाइहेङ चुनिहि वा पबित्तरो हि।

1पतरुस 4:10

झाराङ द्‍याङ परमेस्वरसो बरदान निङका हि कालाउ इम्बालाइ इङको बरदान आरुगेलाइहेङ साघाइलि प्रयोग पालि गोइखे। इम्बालाइ ताइको बरदानगेलाइ परमेस्वरको रेम्का बान्धाइतिगेलाइ जेसाङ रेम्फासो प्रयोग पालि गोइखे।

1पतरुस 4:11

उधारनको भाअ्सिङ, जेसापा नेलाइ दोफा प्राचार पाका बरदान हि पानु, नेलाइ परमेस्वरको बचन प्राचार पालि गोइखे। जेसापा नेलाइ दोफा आरु द्‍याङगेलाइहेङ साघाइका बरदान हि पानु, इङकोहेङ परमेस्वर नेलाइहेङ पिका तागतहोइ पासु। कालाउ येसु ख्रिस्ट पाहासो नेलाइहेङ परमेस्वर महिमाता चुमावा। गोताङ महिमा कालाउ सरबुङ जेलाउलाउ बुङ वाको दोङ हि! आमेन।

२ पत्‍रुस 1:3

केलाइ परमेस्वरहेङ नाल्कानाङ वा केलाइहेङ वाको दोफा हिका इङको सरबुङ पिका हि। ओदोङ भाअ्सिङ केलाइ वासेहेङ लेङचापाका जिबन जियाइलि गोइका गोताङ काथा हि। वाको ताइकोङ पुर्न कालाउ महिमा पुर्न चरित्तरोको कारन वा केलाइहेङ ताइकोङ द्‍याङ जेङलि छाल्का हि।

१ युहन्‍ना 2:25

परमेस्वर केलाइहेङ प्रतिग्या पाका हि, कि वा केलाइहेङ आनान्त जिबन प्याङ।

यहुदा 1:24

परमेस्वर नेलाइहेङ बान्चिपालि द्वाङ कालाउकि नेलाइ पापता जिबन जियाइलिको भाअ्सिङ धोकाता मापरिसु। वा महिमित परमेस्वर नेलाइहेङ निस्कलङ कालाउ आनान्दहोइ भरिका बानाइलि नेलाइहेङ ताइमिकोता घुरिपातेङ चुमालि द्वाङ।