1पतरुस 4:9 - Dhimal NT

⁹ द्‍याङगेलाइहेङ नेलाइको साअ्ता स्‍वागत पासु कालाउ हिदोइ बुङ गुनासो मापासिङ इसिका पाका पासु।

धिमाल

⁹ ताइको साअ्‌ता लोकालाइहेङ लेङचातेङ बान्‍साबुझाइसु।

1पतरुस 4:9 Iomraidhean Croise

रोमि 12:13

परमेस्वरको जनगेलाइहेङ खाचोता साघाइसु, कालाउ साअ्ता लोका बान्सालाइहेङ रेम्फा चापासु-आम्पासु।

रोमि 16:23

गायस बुङ नेलाइहेङ सेउपाखा पिगिल्का हि। का वाको साअ्ता हिखा जेता सङगति बुङ जेङखे। सहरको कोस आध्यक्स्य इरासतस कालाउ केलाइको खान्धुराइ ओने क्वार्ट्स बुङ नेलाइहेङ सेउपाखा पिगिल्का हि।

2 कोरिन्थि 9:7

कालाउ झाराङ द्‍याङगेलाइ ताइको मनता भाकल पाका आन्सार प्याको, कालाउ इच्छा माजेङसिङ माको, ना ते करकापता परितेङ, हाइपालिपानु खुसिसोङ पिकाहेङ परमेस्वर प्रेम पाखे।

फिलिप्पि 2:14

गोताङ काम गनगन माकुनु झर्क मामानिसिङ पासु।

1तिमोथि 3:2

ओदोङ भाअ्सिङ इदोइ आव्यस्यक हि, कि आगुवागेलाइ चाहि दुसिका मान्थुका हिलि गोइखे। वाको एमि खिनिङ बे ह्याको। ताइमिहेङ काबुता ताअ्लि दोका, साम्मान निङका, समझदार, कालाउ ताइको साअ्ता लोकालाइहेङ सेवा सात्कार पाका कालाउ परमेस्वरको बचन रेम्फासो धिरपाका द्‍याङ हिलि गोइखे।

तितस 1:8

कालाउ मन्डलिको आगुवा ताइको साअ्ता लोका बान्सालाइहेङ सेवा सात्कार पाका, आरुको भलाइ पाका, ताइमिहेङ काबुता ताअ्का, आसाल काम पाका, परमेस्वर दोफा समरपित हिका कालाउ आनुसासनता हिका हिलि गोइखे।

फिलेमोन 1:14

कालाउ नाङको आनुमति बिना का इङको हाइ दोङ पालि माचाहिखा। कालाउकि नाङको साघाइ करकापहोइ माको, भरु नाङकोङ इच्छाहोइ जेनाको।

हिब्रु 13:16

भलाइ पालि ताइमि दोफा हिका आमेने आवस्यकता परिकालाइहेङ बाख्राइलि मानिल्सु, हाइपालिपानु इसिकाङ भोगगेलाइता परमेस्वर खुसि जेङखे।

हिब्रु 13:2

जेदोङ खान्धुराइ ओनेगेलाइहेङ नाअ् लाम्फा हेलाउ बुङ भेतिका मान्थुना इम्बालाइहेङ ताइको साअ्ता बान्साको रुपता स्‍वागत पालि निल्लि माएल। हाइपालिपानु एसापा दोङ आधिमिते थाहा मानिङसिङ स्वर्गदुतगेलाइको स्‍वागत पाका हि।

याकुब 5:9

ओइ खान्धुराइ ओनेगेलाइ, एमिसो-भेनेङहेङ मादुसिसु, माकुनुते नेलाइ दुसिका जेङस्वाना, खाङसु, प्रभु झाराङको न्याय पालि लोलिको भाअ्सिङ तियार हि।