1पतरुस 4:3 - Dhimal NT

³ लाम्फा नेलाइ खाङधुरि मापाकालाइहेङ मन परिका काम पातेङ हेन्जाङ सोमोइ बार्बाद पासुन्हा। नेलाइको जिबन आनैतिक्ता, लान्सा, भोज, मधपान, मजमज्जा, कालाउ मुर्ति पुजाता बितिहि, जाइहेङ परमेस्वर मन्दा माताखे।

धिमाल

³ लाम्‍फा नेलाइ बोजात्‍याको द्‍याङगेलाइ भाइपाङ मारेम्‍का चालामालाता चले घासुन्‍हा। कालाउ नेलाइ सारा हिघासुन्‍हा, जिउको लाल्‍साआन्‍सार चलेघासुन्‍हा, म्‍हातेङ हिगिल्‍घासुन्‍हा, मोजमाजा पाघासुन्‍हा, गोराको भतेर चालाइघासुन्‍हा रो आखेका दिरगेलाइहेङ पुजिसुघाना।

1पतरुस 4:3 Iomraidhean Croise

मर्कुस 7:22

दिका, दुस्ट, धाताइका, भानाइदारि, बोमिहेङ मि तुपाका, खाङलि माकिका, मन्दा माताका काथा दोअ्गिल्का, घमन्ड कालाउ मुर्खता काम पाका।

साल्न्हाका चात्या 17:30

ओदोङ भाअ्सिङ लाम्फा द्‍याङगेलाइ मागिसिङ पाका कामहेङ परमेस्वर वास्ता मापापिहि। कालाउ एला परमेस्वर गोताङ थामेता हिका झाराङ द्‍याङगेलाइहेङ पाप पालि लाअ्लि आग्या पिका हि।

रोमि 13:13

केलाइ कितिकितिकाता माको भरु नितिमा रेम्का काम पाका द्‍याङगेलाइ भाइपा ब्यभार पाइने। मोज्मज्जा पालि, आम्लि, कासिबिरि पालि, आखेका काम पालि, चेरसुका कालाउ बोमिको मि तु पालि लाअ्ताइने।

1 कोरिन्थि 12:2

नेलाइहेङ थाहा दोङ हि कि, जेलाउ नेलाइ खान्धुराइ मान्थु घासुखेना, कालाउ नेलाइ हिदोइ बुङ प्रकारहोइ प्रभाबित जेङतेङ नुइ धुइलि मादोका मुर्ति पुजा भारि लागिका हिघासुखेना।

1 कोरिन्थि 6:11

नेलाइ हेथेते इन्सिकाङ हिघासुखेना, कालाउ परमेस्वर नेलाइको पाप झाअ्पिहि, कालाउ प्रभु येसु ख्रिस्टको मिङता केलाइहेङ पबित्तरो आत्मासो धर्मि कालाउ पबित्तरो बानाइहि।

2 कोरिन्थि 12:21

का थिका, कि का आरोङ लोलाउ काङको परमेस्वर कासेहेङ नेलाइको आगाता थुचु पाप्यावा, कालाउ हेन्जाङ झनाको भाअ्सिङ का सोक पालि गोयाङका, जाइगेलाइ लाम्फा पाप पाका हिघाहि, कालाउ ताइमि पाका आसुद्ता, कासिबिरि, कालाउ छाडा कामसो पासताइ पाका मान्थु वाला।

गलाति 5:19

जिउको पापमय स्वभाबको कामगेलाइ इदोइ दोङ हि: कासिबिरि, मारेम्का काम, माएल्का बिचार,

गलाति 5:21

डाहा, गोरा चि आम्तेङ म्हाका, मोजमाज्जा पाका, कालाउ इन्सिकाङ माएल्का काम पाका। इन्सिका काम पाकालाइ परमेस्वरको सासनको हकवाला जेङलि मानिनाङ दोअ्तेङ का लाम्फा बुङ चेताउनि पिका हिघाखा कालाउ एला बुङ पिदोङखा।

एफिसि 5:18

गोरा-चि आम्तेङ माम्हासु, हाइपालिपानु इङकोहोइ द्‍याङगेलाइहेङ आसब्भय आनियन्तिरित तरिकाहोइ ब्याभार पाका बानाइखे, भरु पबित्तरो आत्माहोइ पोङघातेङ हिसु।

1 थेस्लोनिकि 4:5

कालाउ परमेस्वरहेङ मानाल्का द्‍याङगेलाइ भाइपा नेलाइ ताइको जिउको मारेम्का इच्छा आन्सार काम मापासु।

तितस 3:3

हाइपालिपानु केलाइ खान्धुराइ जेङलि खाङतेङ लाम्फा केलाइ मुर्ख, परमेस्वरको आग्या माकिका कालाउ द्‍याङगेलाइ केलाइहेङ धोका पिघाहि। कालाउ केलाइ गोताङ मारेम्का इच्छा कालाउ मारेम्का कामगेलाइको काबुता हिघान्हाहि, कालाउ केलाइ बो गेलाइहेङ डाहा, मन्दा माताघान्हाहि कालाउ एमिसो-भेनेङहेङ हेला पाघान्हाखे।

1पतरुस 1:14

ताइको आबाको आग्या केम्का केलाइको जामाललाइ भाइपा परमेस्वरको आग्या केम्सु, नेलाइ परमेस्वरको सत्येताहेङ मागिका बेला कोनिङ इच्छा जेङका मारेम्का काम मापासु।

यहुदा 1:4

का इदोइ लेखेदोङखा हाइपालिपानु आधिमि द्‍याङगेलाइ नेलाइको मन्डलिता नेलाइ दोफा झ्वाइनाका हि, जाइ येसु ख्रिस्टता खान्धुराइ जेङका तिङपाखे। इम्बालाइ परमेस्वरको आदार मापाखे कालाउ इम्बालाइ गलत धिरपाखे कि, हाइपालिपानु परमेस्वर ताइको आनुग्रह पाहासो केलाइको पाप स्यामा पाखे। केलाइ आनाइतिक जिबन बितिपालि द्वाङ। इम्बालाइ येसु ख्रिस्टहेङ इन्कार पाखे, जाइ केलाइको एमि खिनिङ ग्रिहि कालाउ प्रभु हि, हेन्जा सोमोइ लाम्फा, धर्मसास्तर दोअ्खे कि परमेस्वर इन्सिका द्‍याङगेलाइहेङ साजाइ प्याङ।