1पतरुस 4:2 - Dhimal NT

² परिनाम स्वरुप उङको द्‍याङ इदोइ प्रिथिबिता ताइको बाकि जिबन ताइकोङ पापि मानिमुइ इच्छागेलाइ पुरा पातेङ माबान्चियाङ, कालाउ वा परमेस्वरको गोइका काथा पावा।

धिमाल

² एलासो इदोइ ज्‍यान हिपाधाउ द्‍याङको भाइपा मारेम्‍का लाल्‍साआन्‍सार माको, कालाउ परमेस्‍वरको लाल्‍साआन्‍सार ताइको ज्‍यान दोपासु।

1पतरुस 4:2 Iomraidhean Croise

मत्‍ति 12:50

हाइपालिपानु जाइ स्वर्गता हिका काङको परमेस्वर आबाको मन भाइपा पाखे, वा दोङ काङको ओनेगेलाइ, कालाउ काङको बेजान ओनेगेलाइ, कालाउ काङको आमाइ।

मत्‍ति 20:4

कालाउ वा इम्बालाइहेङ दोअ्हि, नेलाइ बुङ काङको आङगुरको बारिता हानेसु, का नेलाइहेङ निङलि गोइका ज्याला प्याङका। कालाउ इम्बालाइ बुङ काम पालि हानिहि।

मत्‍ति 21:31

एला इदोइ न्हेमि चानगेलाइसो हासु चाहि ताइको आबाको आग्या केम्हि। इम्बालाइ जोबाफ पिहि, जेठा चाहि। कालाउ येसु इम्बालाइहेङ दोअ्हि, जातिङको का नेलाइहेङ दोअ्खा, पोत ल्होपाकागेलाइ कालाउ कासिबिरिगेलाइ ते नेलाइ खान्तेङ लाम्फा परमेस्वरको सासनता दुल्लावा।

मत्‍ति 7:21

कासेहेङ प्रभु-प्रभु, दोअ्का गोताङ द्‍याङ परमेस्वरको सासनता दुल्लि मानिनाङ। कालाउ जाइ दोङ स्वर्गता हिका काङको परमेस्वर आबाको इच्छा पाखे। इम्बालाइ दोङ इन्ता दुल्लि निनावा।

मर्कुस 3:35

हाइपालिपानु जाइ परमेस्वरको मन भाइपाङ पाखे, वा दोङ काङको बेजान ओनेगेलाइ, कालाउ वाजान ओनेगेलाइ कालाउ काङको आमाइ।”

मर्कुस 7:21

हाइपालिपानु गोताङ खाल्को खाराब मुल मन लिता सोङ ओल्लेतेङ लोखे। जेसाङ: कासिबिरि, खुगिल्का, मारा पाका, उलिगिल्का,

युहन्‍ना 1:13

इम्बालाइ ताइको आमाइ-आबासो जोलोम जेङका माको, ना ते हिदोइ बुङ द्‍याङको इच्छासो, ना ते द्‍याङको सान्तान निङलिको इच्साहोइ, कालाउ परमेस्वर पाहासो जोलोम जेङखे।

युहन्‍ना 7:17

परमेस्वरको इच्छा आन्सार काम पालि भोकालाइ चाहि ग्यावा कि, काङको सिक्स्या परमेस्वर पाहासो हि, या काङको ताइको सिक्स्या दोङ वा थाहा निनावा।

रोमि 12:2

इदोइ सुमिङको द्‍याङगेलाइ भाइपा माजेङसु, कालाउ परमेस्वर नाङको स्वभाबहेङ परिबर्तन पातेङ नेलाइको बिचारहेङ नावा बानाइलि द्वाङ। कालाउ परमेस्वरको आसल ग्रहन योग्य कालाउ सिद्द इच्छा हाइ हि, इङको नेलाइ गिलि दोसु।

रोमि 14:7

केलाइ झाराङ प्रभुको हिनाहि ओदोङ भाअ्सिङ केलाइ मध्ये हासु बुङ ताइको भाअ्सिङ खिनिङ माबान्चियाइने, कालाउ जेसापा केलाइ मध्ये हासु बुङ सिहे पानु, वा ताइको भाअ्सिङ खिनिङ मासिखे।

रोमि 6:11

एन्साङ पातेङ नेलाइ बुङ ता-ताइमिहेङ पापको आधिनसो सिका, कालाउ ख्रिस्ट येसुता परमेस्वरको सेवाको भाअ्सिङ सिन्हुका दोअ्का थानिलि गोइखे।

रोमि 6:2

एन्सा माज्याको! केलाइते पापको भाअ्सिङ सिलि दोनाहोइ, ओदोङ भाअ्सिङ केलाइ एला लागातार जिबनता पाप पालि माएल।

रोमि 7:4

एसापा दोङ काङको खान्धुराइ ओनेगेलाइ, एला नेलाइ ख्रिस्ट दोफा सिसुन्हा, नेलाइ व्यवस्थाको भाअ्सिङ बुङ सिका हिसुना। कालाउ एला ख्रिस्टको हिसुना जाइ सिकासो सिन्चाल्का हि, कालाउकि नेलाइ परमेस्वरको भाअ्सिङ आसल जिबन जियाइलि दोसु।

2 कोरिन्थि 5:15

ख्रिस्ट झाराङको भाअ्सिङ सिहि, कालाउकि बान्चिका द्‍याङगेलाइ एला उसो ताइमिहेङ खुसि पालिको भाअ्सिङ बान्चिलि माको। भरु इम्बालाइ वाको भाअ्सिङ बान्चिलि गोइखे। वा इम्बालाइको भाअ्सिङ सिहि, कालाउ आरोङ परमेस्वर वासेहेङ सिन्हु पातेङ ल्होपाहि।

एफिसि 2:3

केलाइ बुङ एखे इम्बालाइ भाइपाङ हिघानाहि, मारेम्का इच्छा कालाउ जिउको इच्छा पुरा पातेङ ताइको पापमय स्वभाबता जियाइका हिघान्हाहि। कालाउ बो द्‍याङगेलाइ भाइपाङ केलाइ बुङ परमेस्वरको चेरचुङता परिलि गोइधाङ।

एफिसि 4:17

ओदोङ भाअ्सिङ प्रभुको पिका खाबारासो का या दोअ्खा, कि परमेस्वरहेङ मानाल्का द्‍याङगेलाइ कोनिङ उदेस्य मान्थुका जिबन माजियाइने।

एफिसि 5:17

ओदोङ भाअ्सिङ मुर्ख माजेङसु, भरु बुद्दिमानि जेङसु कालाउ प्रभु नेलाइसो हाइ भोअ्खे इङको बुझिलि कोसिस पासु।

एफिसि 6:6

नेलाइको ग्रिहिहेङ खुसि बानाइलिको भाअ्सिङ माकुनु इम्बालाइ तिङका बेला खिनिङ आग्या माकेम्सु, भरु ख्रिस्टको दास भाइपा परमेस्वर जेदोङ चाहिखे इङकोङ काम ताइको पुरा ह्रदयहोइ पासु।

कलस्सि 1:9

नेलाइको बारेता इदोइ गोताङ काथागेलाइ केलाइ हिङका दिनासोङ, केलाइ नेलाइको भाअ्सिङ लागातार प्रार्थाना पातेङ हिनाहि। कालाउकि परमेस्वर नेलाइहेङ बुझिका ग्यान प्याको कालाउ नेलाइ वाको इच्छाहेङ पुरा रुपहोइ बुझिलि दोसु, वा नेलाइहेङ आत्मिक ग्यानता बुद्दिमानि बानाइयाको।

कलस्सि 3:3

हाइपालिपानु नेलाइ ताइको पापमय स्वभाबता सिका हिसुना, कालाउ एला नेलाइ परमेस्वरता ख्रिस्ट दोफा ए जेङतेङ हिसुन्हा, कालाउ द्‍याङगेलाइ नेलाइको इदोइ नावा जिबनको बिसोइता माबुझिखे।

कलस्सि 4:12

नेलाइको नगरसो लोका येसु ख्रिस्टको दास इपाफ्रास बुङ ताइको आभिबादन पिगिल्का हि। वा लगनसिल जेङतेङ प्रार्थानाता परिस्रोम दोफाङ जेलाउ बुङ नेलाइहेङ फोम पातेङ हिखे। कालाउकि नेलाइ परिपक्क जेङसु कालाउ परमेस्वरको गोताङ इच्साता गोताङ रुपहोइ आग्याकारि हिनाङ निर्धक्क हिलि दोसु।

1 थेस्लोनिकि 5:18

गोताङ आबास्थाता परमेस्वरहेङ धन्यबाद पिसु। हाइपालिपानु ख्रिस्ट येसुता नेलाइ पालि गोइका परमेस्वरको इच्छा इदोइ दोङ हि।

याकुब 1:18

वा ताइकोङ इच्छासो सत्येको बचनसो केलाइहेङ नावा जिबन पिहि, कालाउकि केलाइ वा दोङ सिरजाइका सेकाको लाङ फल भाइपा जेङलि द्वाइने।

1पतरुस 1:14

ताइको आबाको आग्या केम्का केलाइको जामाललाइ भाइपा परमेस्वरको आग्या केम्सु, नेलाइ परमेस्वरको सत्येताहेङ मागिका बेला कोनिङ इच्छा जेङका मारेम्का काम मापासु।

1पतरुस 2:1

ओदोङ भाअ्सिङ गोताङ खाल्को मारेम्का ब्यभार पालि इन्कार पासु। आरुहेङ धोका मापि, कपटि माजेङसु। आरुको डाहा मापासु। बो द्‍याङको बिरुद्द मारेम्का काथा मापासु।

१ युहन्‍ना 2:17

सुमिङ कालाउ इङकोता हिका द्‍याङगेलाइहेङ गोइका गोताङ काथा मोतेङ हानावा, कालाउ परमेस्वरको आग्या केम्का द्‍याङ चाहि जेलाउको भाअ्सिङ ह्यावा।