1पतरुस 4:17 - Dhimal NT

¹⁷ हाइपालिपानु परमेस्वरको ताइकोङ जाहान दोफा न्याय सुरु जेङका सोमोइ लोलि दोका हि। जेसापा परमेस्वर लाम्फा केलाइ खाङधुरि पाकालाइको न्याय पाङ, कालाउ वाकोसो लोका सुसमाचार माकिकालाइहेङ हिसिका हि वाला इङको काथाको बारेता सोचेसु।

धिमाल

¹⁷ हाइदोनु निया जेङका पहर जेङहोइ रो परमेस्‍वर लाम्‍फा ताइकोङ द्‌याङगेलाइको निया पावा। एदि निया केलाइसो दोङ थालनि जेङखे पानु परमेस्‍वरको रेम्‍काबानालहेङ खान्‍धुर मापाकालाइको झन हिसिका दासा ज्‍याङ वाला?

1पतरुस 4:17 Iomraidhean Croise

लुका 23:31

जेसापा हिदोइ बुङ धर्मि द्‍याङ दोफा इसिका जेङखे पानु कालाउ कल्पाना पाअ्‌ कि उङको द्‍याङगेलाइ दोफा हाइ जेनावा जाइ या दन्ड निङलि योग्य हि।

रोमि 1:1

का पावल येसु ख्रिस्टको दास हिघा, कालाउ परमेस्वर कासेहेङ ताइको साल्न्हाका चात्या जेङलि छाल्हि, कालाउ झाराङ द्‍याङगेलाइहेङ परमेस्वरको सुसमाचार प्राचार पालिको भाअ्सिङ खेङहि।

रोमि 2:9

कालाउ दुस्ट काम पाकालाइ झाराङ द्‍याङगेलाइ ह्रुता दुख कालाउ कस्ट आइ लागियाङ, लाम्फा यहुदिगेलाइता कालाउ न्हुसो गैर-यहुदिगेलाइता।

गलाति 3:1

नेलाइ गलातिको खान्धुराइगेलाइ, हाइ नेलाइ ताइको बुद्दि राम्पासुन्हा, हासु नेलाइहेङ थोगिहि? येसु ख्रिस्ट हेसा क्रुस्टता सिहि, का नेलाइहेङ इङको गोताङ काथा झालाफालापा दोअ्काङ हिघाखा।

गलाति 5:7

नेलाइ ख्रिस्टको खाङधुरिता रेम्कासो बाराकाताङ हानिघा सुखेना। एला हासु नेलाइहेङ सत्ये मानिलिसो रोकिदोङखे?

गलाति 6:10

ओदोङ भाअ्सिङ माउका मिलिनासाङ केलाइ झाराङ द्‍याङगेलाइहेङ साघाइलि गोइखे, बिसेस पातेङ ख्रिस्टता खाङधुरि पाकालाइहेङ।

2 थेस्लोनिकि 1:8

परमेस्वरहेङ इन्कार पाकालाइहेङ कालाउ केलाइको प्रभु येसुको सुसमाचार माकिकालाइहेङ वा दोङ दन्ड प्यावा।

1तिमोथि 3:15

कालाउकि हिसो बुङ का न्हुलाउ बुङ, नेलाइ गिसु कि केलाइ हेसा परमेस्वरको जाहानको रुपता जिबन जियाइलि गोइखे, जेदोङ चाहि परमेस्वरको मन्डलि बुङ हि। इदोइ खान्धुराइगेलाइ सत्ये सिक्स्याहेङ जोगाइतेङ ताअ्खे। जेसाङ जोग कालाउ खाम्बाहोइ साअ्हेङ आड् पिखे।

हिब्रु 11:8

खाङधुरि पाहासो आब्राहाम दोअ्का द्‍याङ परमेस्वर दोङ काइका बेला वाको आग्या केम्हि कालाउ हाने दोअ्का थामे भारि हानिहि, जेदोङ थामे परमेस्वर उत्तराधिकारको रुपता वासेहेङ न्हुसो पिधावा, कालाउ हिसो हानेलि थाहा मानिङसिङ वा ताइको सारभि लाअ्तेङ हानिहि।

हिब्रु 2:2

परमेस्वर स्वर्गदुतगेलाइ पाहासो दोअ्का व्यवास्था जेलाउ बुङ सत्ये साबित जेङका हि, जाइ वाको आनुसरन मापाहि माकुनु आग्या माकेम्हि, वा परमेस्वरसो निङलि गोइका दन्ड निङहि।

हिब्रु 2:4

कालाउ परमेस्वर ताइको इच्छा आन्सार इदोइ सन्देसहेङ चिन्हागेलाइ कालाउ आचाम्माको कामगेलाइ पाहासो कालाउ हेन्जाङ खाल-खाल्को सरबुङसाइका कामगेलाइ पातेङ कालाउ पबित्तरो आत्माको बरदानगेलाइ पितेङ सत्ये साबित पाहि।

हिब्रु 3:6

कालाउ येसु ख्रिस्ट चाहि परमेस्वरको साअ्को द्‍याङगेलाइ दोफा चानको रुपता खाङधुरि योग्य हिघाहि, कालाउ जेसापा केलाइ केलाइको आसता साहास ताअ्तेङ हिनाहि पानु, कालाउ केलाइ परमेस्वरको द्‍याङगेलाइ दोङ हिनाहि।

हिब्रु 5:9

परमेस्वर येसुहेङ मल्किसेदेक प्राधान पुजारिको लाहारिपा साम्मान पिहि। कालाउ जेलाउ येसु पुराङ सिद्द जेङहि वाको आग्या किका झाराङको भाअ्सिङ वा आनान्तको मुक्तिको मुलि जेङहि।

1पतरुस 2:8

कालाउ आरोङ धर्मसास्तरता लेखेका हि, इदोइ उन्ठुइ द्‍याङगेलाइहेङ भोनोइता थुन्हा पावा, इदोइ एनोङ उन्ठुइ हि, “जाइ नेलाइहेङ थुन्हा पावा।” इम्बालाइ एन्सा थुन्हावा, हाइपालिपानु इम्बालाइ परमेस्वरको बचन केम्लिसो इन्कार पाखे। इदोइ दोङ परमेस्वर इम्बालाइको भाअ्सिङ परमेस्वरको योजाना पाका हि।