1पतरुस 4:13 - Dhimal NT

¹³ याको बारेता लेङचासु, कालाउकि नेलाइ ख्रिस्ट भोगिका क्रुस्टता झ्वाइनाका हिसुना। ओदोङ भाअ्सिङ जेलाउ ख्रिस्ट गोताङ द्‍याङगेलाइहेङ ताइको महिमाता देखाल पिलि आरोङ ल्वाङ, कालाउ नेलाइको आनान्द जातिङकोङ बार्का जेनाङ।

धिमाल

¹³ कालाउ ख्रिस्‍टको तु:ता नेलाइ बुङ भागर्‍हुलि निङलाउ लेङचासु। वाको प्रताप देखाल जेङलाउ नेलाइ बुङ हेन्‍जाङ लेङचालि दोस्‍वाना।

1पतरुस 4:13 Iomraidhean Croise

मत्‍ति 16:27

ताइ आबाको महिमा दोफाङ का द्‍याङको चान ताइ स्वर्गदुतगेलाइ दोफा ल्वाङ। एन्सालाउ द्‍याङको चान गोताङ द्‍याङगेलाइहेङ ताइको काम आन्सारको इनामगेलाइ प्यावा।

मत्‍ति 25:21

“गिह्रि वासेहेङ दोअ्हि, नाअ् रेम्का पाना नाअ् आसल चाकारिया नासेहेङ खाङधुरि पालि द्वाङ। आतुइसा ताकाता बुङ नाअ् खाङधुरि योग्य हिना। ओदोङ भाअ्सिङ नासेहेङ आरु हेन्जा जिम्माबारि पिलि द्वाङका लौउ का दोफा लेङचा।”

मत्‍ति 25:23

वाको ग्रिह्रि दोअ्हि, नाअ् रेम्का पाना नाअ् आसल चाकारिया हिना, जाइहेङ खाङधुरि पालि द्वाङ। आतुइसा थुरिसो बुङ ताअ्लि खाङधुरि योग्य हिना। ओदोङ भाअ्सिङ का नासेहेङ आरु हेन्जा जिम्माबारि प्याङका नाअ् बुङ लौउ कालाउ का दोफा लेङचा।

मत्‍ति 25:31

जेलाउ का द्‍याङको चान आरोङ महिमाता जेङतेङ ल्वाङका, कालाउ गोताङ स्वर्गदुतगेलाइ बुङ का दोफाङ ल्वाङ, कालाउ का महिमाको सिङहासनता योम्तेङ झाराङ द्‍याङगेलाइको न्याय पाङका।

मत्‍ति 25:34

कालाउ का राजा ताइको दाम्पाहा योम्कालाइहेङ दोअ्ताङका, लोसु काङको आबा परमेस्वर नेलाइहेङ आसिरबाद पिका हि। लोसु कालाउ परमेस्वर नेलाइको भाअ्सिङ प्रतिग्या पाका सासनता आधिकारि हिसुना। सुमिङ सिरजाइकाको लाम्फासोङ इदोइ नेलाइको भाअ्सिङ तियार पाका हिघाहि।

मत्‍ति 5:12

एन्सालाउ नेलाइ लेङचासु कालाउ आनान्द जेङसु, हाइपालिपानु नेलाइको भाअ्सिङ स्वर्गता बारका इनाम ताअ्का हि। हेन्जाङ सोमोइ लाम्फाको परमेस्वरको बक्तागेलाइहेङ द्‍याङगेलाइ एन्साङ दोङ साताइका हिघाखे।

मर्कुस 8:38

इदोइ सोमोइता पापि कालाउ खाङधुरि मापाका पुसतागेलाइ जाइ कासेहेङ परमेस्वरको रुपता सुइकार पालि कालाउ काङको सिक्स्यागेलाइ केम्लि इन्कार पाखे, का द्‍याङको चान बुङ आबाको महिमा चुम्तेङ पबित्तरो स्वर्गदुतगेलाइ दोफा लोलाउ, वासेहेङ ताइको दोअ्लि इन्कार पाङका।

लुका 17:30

जेलाउ का द्‍याङको चान थाहा माजेङका सोमोइता आरोङ ल्वाङका।

साल्न्हाका चात्या 16:25

कालाउ आधा न्हिसिन्ता पावल कालाउ सिलास प्रार्थाना पाकाताङ परमेस्वरको लेगेलाइ लेतेङ हिघाहि। कालाउ आरु कैदिगेलाइ हिङतेङ हिघाहि।

साल्न्हाका चात्या 5:41

कालाउ छाल्न्हाका चात्यागेलाइ येसुको भाअ्सिङ आपमानित सहिलि योग्यको जेङकाता ओबालाइ आनान्द मानिपाकाताङ इम्बालाइ माहासभासो ओल्लेतेङ हानिहि।

रोमि 5:3

इदोइ झोको खिनिङ माको, कालाउ केलाइ ताइको सङकटता बुङ हाउसाइनाखे, इदोइ गितेङ कि सङकटहोइ सहनसिलता उब्जाइपाखे,

रोमि 8:17

कालाउ केलाइ परमेस्वरको सान्तान नुते उत्ताराधिकारि बुङ हिनाहि, परमेस्वरको उत्ताराधिकार कालाउ ख्रिस्ट दोफा साझा-उत्ताराधिकारि। कालाउ जेसापा केलाइ ख्रिस्ट भाइपाङ दुख पिडागेलाइ भोगिन्हाखे पानुते केलाइ बुङ ख्रिस्ट दोफाङ महिमित जेनाङ।

रोमि 8:18

का पाक्का हिघा, कि इङको महिमा जेदोङ परमेस्वर केलाइहेङ प्याङ, इङको केलाइ एला भोगेका कस्टगेलाइ खान्तेङ बार्का जेनाङ।

2 कोरिन्थि 1:5

हाइपालिपानु जेसाङ ख्रिस्ट कस्ट भोगिहि एसा पासोङ केलाइ बुङ कस्ट भोगिलि गोइखे, कालाउ परमेस्वर ख्रिस्ट पाहासो केलाइहेङ सान्तावाना प्याङ।

2 कोरिन्थि 1:7

नेलाइको भाअ्सिङ केलाइको आस बल्लियाका हि, हाइपालिपानु केलाइ गिनाखे कि, जेसाङ नेलाइ केलाइको दुखता झ्वाइनाका हिसुना। एन्साङ दोङ केलाइको सान्तावानाता बुङ नेलाइ जोम्स्वाना।

2 कोरिन्थि 4:10

केलाइ जेलाउ बुङ येसुको भाइपा सिकाको लागातार खाताराता बान्चितेङ हिनाहि, कालाउकि द्‍याङगेलाइ येसुको जिबनहेङ केलाइको पाका कामता तिङलि द्वाको।

2 कोरिन्थि 4:17

केलाइको दुखगेलाइ एला आतुइसा हि कालाउ ह्रिङका सोमोइ थेकापा माहियाङ, हाइपालिपानु इङको दुखगेलाइहोइ केलाइहेङ आनान्त महिमा पिखे, जेदोङ केलाइ कल्पाना पालि दोका खान्तेङ हेन्जा हि।

फिलिप्पि 3:10

का ख्रिस्टहेङ खिनिङ माको कालाउ परमेस्वर जाइ वासेहेङ सिकासो सिन्चाल पाहि वाको सरबुङहेङ गिलि भोखा। का येसुको कस्टको भागेदार जेङलि भोखा कालाउ वाको सिकाता वाको भाइपाङ भाइलि खाङखा।

कलस्सि 1:24

हाइपालिपानु का नेलाइहेङ सुसामाचारगेलाइ प्राचार पाकानाङ, एला का नेलाइको भाअ्सिङ कस्ट भोगिदोङखा, कालाउ ख्रिस्टको तर्फसो का ताइकोङ खुसिहोइ इदोइ कस्टगेलाइ भोगिदोङखा, कालाउकि वाको द्‍याङगेलाइहेङ साघाइलि द्वाको जेदोङ वाको जिउ मन्डलि दोङ हि।

2 तिमोथि 2:12

जेसापा केलाइ वाको भाअ्सिङ दुख सहिन्हाखे पानु, केलाइ बुङ वाको दोफाङ राजा भाइपाङ सासन पाङ, कालाउ केलाइ वासेहेङ इन्कार मापानु, वा बुङ केलाइहेङ इन्कार मापावा।

1पतरुस 1:13

ओदोङ भाअ्सिङ, नेलाइ हाइ पादोङ सुखेना दोअ्का बारे रेम्फा सोचिसु कालाउ आत्माहेङ तहता ताअ्सु मुक्ति निङका आस पासु, जेदोङ आनुग्रहसो लोखे, जाइ नेलाइहेङ येसु ख्रिस्ट इदोइ सुमिङता धुरितेङ लोका दिनाता प्यावा।

1पतरुस 2:21

परमेस्वर नेलाइहेङ काइका को कारन एनोङ कारन इदोइ हि कि नेलाइ वाको भाअ्सिङ कस्ट भोगिलि गोइस्वाना। ख्रिस्ट, जाइ नेलाइको भाअ्सिङ कस्ट भोगिहि। वा नेलाइको उधारन हि। ओदोङ भाअ्सिङ नेलाइ वाको पाका काम आनुकरन पालि गोइखे।

1पतरुस 5:1

का नाअ् इन्ताको मन्डलिको आगुवागेलाइहेङ हाइ दोङ दोअ्लि भोखा, हाइपालिपानु का बुङ नेलाइ भाइकाङ एमि आगुवा हिघा। का ताइमिङ ख्रिस्टको हेन्जाङ सोमोइ लाम्फा निङका कस्ट तिङका हिघा। जेलाउ वा आरोङ धुरितेङ ल्वाङ, का बुङ वाको महिमाता साझेदार जेनाङका। एला का नेलाइहेङ आग्राह पाङका।

1पतरुस 5:10

परमेस्वर, जाइ पुर्न रुपता आनुग्रहकारि हि केलाइको ख्रिस्ट येसु दोफाको सम्बन्धको कारन ताइको आनान्त महिमाता केलाइहेङ हकदार जेङलि काइका हि। नेलाइ कोम्हा सोमोइ थेकापा कस्ट भोगितेङ परमेस्वर नेलाइहेङ आसल बानाइयाङ कालाउकि नेलाइता हिदोइ बुङ गल्ति माज्याको कालाउ वा नेलाइको ह्रदयहेङ बल्लियाका बानाइयाङ कालाउ इस्थिर जेङलिको भाअ्सिङ वाकोता खाङधुरि पाका बानाइयाङ।

यहुदा 1:24

परमेस्वर नेलाइहेङ बान्चिपालि द्वाङ कालाउकि नेलाइ पापता जिबन जियाइलिको भाअ्सिङ धोकाता मापरिसु। वा महिमित परमेस्वर नेलाइहेङ निस्कलङ कालाउ आनान्दहोइ भरिका बानाइलि नेलाइहेङ ताइमिकोता घुरिपातेङ चुमालि द्वाङ।

प्रकास 1:7

हिङसु, वा बादेलगेलाइ दोफा लोदोङखे, कालाउ झाराङ वासेहेङ तिनावा। ओबालाइ बुङ जाइ वासेहेङ भालाहोइ बाहि कालाउ वासेहेङ सेअ्हि। कालाउ प्रिथिबिता हिका गोताङ द्‍याङगेलाइ जेलाउ वासेहेङ तिनावा, इम्बालाइ जिउधाइ लोपाङ खारावा कालाउ तुम्ता थेकावा। एसाङ जेनाको। आमेन।

प्रकास 1:9

का युहान्‍ना, नाङको दोफाङ खान्धुराइ, नेलाइ येसुता हिकागेलाइ झाराङ परमेस्वरको सासनको सहभागि जेङस्वाना, कालाउ केलाइ झाराङ दुख-कस्ट भोगिन्हाखे कालाउ येसुको भाअ्सिङ धैर्य दोफा सहिलि बुङ गोइखे। परमेस्वरको बचन कालाउ येसु ख्रिस्टको साक्सि दोअ्नाङ का पत्मोस दोअ्का टापुता हिघा।