1पतरुस 4:10 - Dhimal NT

¹⁰ झाराङ द्‍याङ परमेस्वरसो बरदान निङका हि कालाउ इम्बालाइ इङको बरदान आरुगेलाइहेङ साघाइलि प्रयोग पालि गोइखे। इम्बालाइ ताइको बरदानगेलाइ परमेस्वरको रेम्का बान्धाइतिगेलाइ जेसाङ रेम्फासो प्रयोग पालि गोइखे।

धिमाल

¹⁰ परमेस्‍वरको निगाहाता झाराङ खाल खाल्‍को बर निङका हि। ताइमिको निङका बरहेङ एमि भेनेङको भालाइको भाअ्‌सिङ चालाइसु।

1पतरुस 4:10 Iomraidhean Croise

मत्‍ति 20:28

जेसाङ का द्‍याङको चान, बोगेलाइको सेवा पालि इदोइ सुमिङता लोघा। कालाउ का एसापा लोका माको कि बोगेलाइ दोङ काङको सेवा पाको। का हेन्जाङ झनाहेङ काङको पापसो लाअ्पालि दोअ्तेङ ताइको जिउ पिलि लोका हिघा।

मत्‍ति 24:14

सुमिङ भरि दोङ परमेस्वरको सासनको बारेता सुसमाचार हिम्पाङ, कालाउकि गोताङ सारभिको द्‍याङगेलाइ इङको सुसमाचार खाङधुरि पालि द्वाको। कालाउ सुमिङको आन्त जेनावा।

मत्‍ति 24:21

हाइपालिपानु एन्सालाउ ओसारापा दुख जेनावा सिरजाइकाको लाम्फासो एला थेकापा सुमिङता इसिका खालको दुख जेङका मान्थु, न्हुसो हेलाउ बुङ इन्सिका दुख माल्वाङ।

मत्‍ति 24:45

एनोङ इमान्दार कालाउ बुद्दिमान चाकारिया इसिका हिखे: जाइहेङ साअ्को गिह्रि आरु चाकारियागेलाइहेङ खाङलि नियुक्त पाखे। गिह्रि वासेहेङ दोअ्खे इम्बालाइहेङ ठिक-ठिक सोमोइता चालि-आम्लि प्यावाको।

मत्‍ति 25:17

ए पावा सोनाको थुरि निङका बुङ एन्साङ पातेङ आरु ए पावा सोनाको थुरि कामाइहि।

मत्‍ति 25:44

कालाउ इम्बालाइ बुङ जोबाफ प्यावा प्रभु, केलाइ नासेहेङ हेलाउ म्हितुका, चि आम्लि किका, परदेसि जेङका, नाङघाङ हिका, मासाधेका हिका कालाउ झ्यालखानाता परेका तिङन्हाहि कालाउ मासाघाइन्हाहि रो?

मर्कुस 10:45

का इसिका ओदोङ भाअ्सिङ दोअ्तेङ हिघा, हाइपालिपानु का द्‍याङको चान, बोगेलाइको सेवा पालि इदोइ सुमिङता लोघा। कालाउ का एसापा लोका माको कि बोगेलाइ दोङ काङको सेवा पाको। का हेन्जाङ झनाहेङ आरु द्‍याङगेलाउको पापसो लाअ्पालिको भाअ्सिङ ताइको जिउ पिलि लोका हिघा।”

लुका 12:42

कालाउ प्रभु दोअ्हि, एनोङ इमान्दार कालाउ बुद्दिमान चाकारिया इसिका हिखे: जाइहेङ साअ्को गिह्रि आरु चाकारियागेलाइहेङ खाङलि नियुक्त पाखे। गिह्रि वासेहेङ दोअ्खे ओबालाइहेङ ठिक-ठिक सोमोइता चालि-आम्लि प्यावाको। कालाउ न्हुसो ह्रिङका दामा चाहि।

लुका 19:13

ओदोङ भाअ्सिङ वा ताइको तेमि चाकारियागेलाइहेङ ए थामे जोम्पाहि। वा झाराङहेङ एनोङ-एनोङ सोनाको थुरि पिहि, कालाउ वा दोअ्हि, का घुरितेङ मालोपा भरि इदोइ नेलाइ ब्यापार पातेङ नाफा कामाइसु।

लुका 8:3

कालाउ राजा हेरोदहेङ साघाइका खुजासकि को बे योआन्ना दोफाङ सुसन्ना कालाउ आरु हेन्जाङ बेबालाइ हिघाहि। जाइ दोङ येसु कालाउ वाको चात्यागेलाइहेङ ताइको ताका पितेङ साघाइघाखे।

रोमि 15:25

कालाउ एला पबित्तरो जनगेलाइहेङ साघाइका पिपुलि का यरुसेलेम सहर भारि हानिदोङखा।

रोमि 15:27

इदोइ भेति इम्बालाइ खुसिसोङ जोम्पाका हिघाहि, कालाउ साचिकोङ एबालाइ यरुसेलेम सहरको पबित्तरो जनगेलाइको रिनि बुङ हि। हाइपालिपानु यहुदिगेलाइ परमेस्वरसो निङका आसल काथागेलाइ गैर-यहुदिगेलाइ दोफा बाखाराइहि पानु, गैर-यहुदिगेलाइ बुङ इदोइ सुमिङको आसल काथागेलाइ यहुदिगेलाइ दोफा बाखाराइलि उचित हि।

1 कोरिन्थि 15:10

कालाउ का परमेस्वरको आनुग्रहहोइ छाल्न्हाका चात्या हिघा, कालाउ वाको आनुग्रह काङको जिबनता प्रभाबकारि हिघाहि। भरु का ते छाल्का चात्यागेलाइ खान्तेङ इस्तु परिस्रोम पाघा। कालाउ बुङ का माको, कालाउ परमेस्वरको आनुग्रहहोइ कासेहेङ साघाइहि।

1 कोरिन्थि 3:10

परमेस्वर पिका बरदान आन्सार साअ् धाम्का सिपालु मिस्तिरि भाइपाङ का साअ्को जग योम्पाघा, कालाउ बोगेलाइ चाहि इङको ह्रुता साअ् धाम्काताङ हानिखे। इङको ह्रुता साअ् धाम्का गोताङ द्‍याङ हेसा धाम्लि गोइका हि दोअ्तेङ रेम्फा बिचार पाको।

1 कोरिन्थि 4:7

हाइपालिपानु हासु बुङ नेलाइहेङ आरु खान्तेङ बार्का बानाइका मान्थु। हाइपालिपानु नेलाइ दोफा हिका गोताङ काथा परमेस्वर दोङ नेलाइहेङ पिका हि। जेसापा नाङको दोफा हिका गोताङ काथा परमेस्वरको हि पानु, नाङको दोफा घमन्ड पाका कारन मान्थु।

2 कोरिन्थि 6:1

परमेस्वरहेङ साघाइका द्‍याङ हिनाङ केलाइ नेलाइहेङ सेउपानाखे, कि वाको आनुग्रह व्‍यर्थ जेङलि मापि।

2 कोरिन्थि 9:1

यरुसेलेम सहरको खान्धुराइगेलाइको भाअ्सिङ ताकाको बिसोइता नेलाइहेङ लेखेतेङ हिलि कासेहेङ आवस्यक मान्थु।

एफिसि 3:8

परमेस्वरको जनगेलाइ मध्येसो का झाराङ खान्तेङ तुच्स हिघा, परमेस्वर ताइको आनुग्रह पाहासो गैर-यहुदिगेलाइहेङ प्राचार पालि इदोइ माउका कासेहेङ पिहि, कि ख्रिस्टसो केलाइ निङका आसिस केलाइको सोच कालाउ बुझिका खान्तेङ बार्का हि।

एफिसि 4:11

कालाउ ख्रिस्ट दोङ मन्डलिहेङ इदोइ योग्यतागेलाइ पिहि: वा आधिमिहेङ छाल्न्हाका चात्यागेलाइ, आधिमिहेङ परमेस्वरको बक्तागेलाइ, आधिमिहेङ सुसमाचार प्राचार पालि, आधिमिहेङ मन्डलिको आगुवागेलाइ कालाउ आधिमिहेङ सिक्स्यकगेलाइ नियुक्ति पाहि।

2 तिमोथि 1:18

प्रभु आन्सिफोरसहेङ न्याको दिनाता माहान क्रिपा तिङपाको। नासेहेङ रेम्फा थाहा हि, कि एफिसस सहरता वा कासेहेङ हेन्जाङ प्रकारसो साघाइका हिघाहि।

तितस 1:7

हाइपालिपानु मन्डलिको आगुवा परमेस्वरको कामको जिम्मा ह्रुका हिखे, ओदोङ भाअ्सिङ वाकोता हिदोइ बुङ दुसिका हिलि माएल। वा ताइकोङ काथाता जिद्दि पाका, धेमाङ चेर ताम्पाका, गोरा चि आमका, बल दिका कालाउ ताकाको लोभ मापाका द्‍याङ हिलि गोइखे।

हिब्रु 6:10

जेसाङ नेलाइ आसल कामगेलाइ पाका हिसुना कालाउ एला परमेस्वरको मिङता परमेस्वरको द्‍याङगेलाइको भाअ्सिङ प्रेम दोफाङ सेवाको काम पाकाताङ हिसुना, परमेस्वर नेलाइहेङ मानिल्याङ। हाइपालिपानु वा धर्मि हि।

1पतरुस 5:10

परमेस्वर, जाइ पुर्न रुपता आनुग्रहकारि हि केलाइको ख्रिस्ट येसु दोफाको सम्बन्धको कारन ताइको आनान्त महिमाता केलाइहेङ हकदार जेङलि काइका हि। नेलाइ कोम्हा सोमोइ थेकापा कस्ट भोगितेङ परमेस्वर नेलाइहेङ आसल बानाइयाङ कालाउकि नेलाइता हिदोइ बुङ गल्ति माज्याको कालाउ वा नेलाइको ह्रदयहेङ बल्लियाका बानाइयाङ कालाउ इस्थिर जेङलिको भाअ्सिङ वाकोता खाङधुरि पाका बानाइयाङ।

1पतरुस 5:12

सिलासको साघाइसो का या पोटोका चिट्ठि नेलाइहेङ लेखेतेङ पिगिल्का हिघा। ख्रिस्टता का वासेहेङ खाङधुरि योग्य ओने सम्झिखा। काङको चिट्ठि लेखेलिको उदेस्य नेलाइहेङ हाउसा पिलि कालाउ निसित पालि दोङ हि, कि नेलाइ आनुभब पातेङ हिका नेलाइको भाअ्सिङ परमेस्वरको आनुग्रह हि। इदोइ आनुग्रहता बल्लियाका जेङतेङ हिसु।