1पतरुस 4:1 - Dhimal NT

¹ ओदोङ भाअ्सिङ ख्रिस्ट इदोइ प्रिथिबिता हिलाउ दुख भोगिहि, कालाउ नेलाइ बुङ वा भाइपा बिचार ताअ्तेङ दुख भोगिलि तियार हिलि गोइखे। हाइपालिपानु जेसापा नेलाइ ख्रिस्टको भाअ्सिङ दुख भोगिलि इच्छा पासुखेना पानु, नेलाइ पाप पालि लाअ्लि निर्नय पाका हिसुना।

धिमाल

¹ जेसापा ख्रिस्‍ट जिउता तु: सहेहि, एन्‍सा पातेङ नेलाइ बुङ तु: सहेलि त्‍यार जेङसु। हाइदोनु जाइ जिउता तु: भोगेखे इङको कुकरम पालि लाअ्‌का हिखे।

1पतरुस 4:1 Iomraidhean Croise

मर्कुस 3:3

येसु खुर सेङका द्‍याङहेङ दोअ्हि, “झाराङको आगाता जाअ्।”

रोमि 6:11

एन्साङ पातेङ नेलाइ बुङ ता-ताइमिहेङ पापको आधिनसो सिका, कालाउ ख्रिस्ट येसुता परमेस्वरको सेवाको भाअ्सिङ सिन्हुका दोअ्का थानिलि गोइखे।

रोमि 6:2

एन्सा माज्याको! केलाइते पापको भाअ्सिङ सिलि दोनाहोइ, ओदोङ भाअ्सिङ केलाइ एला लागातार जिबनता पाप पालि माएल।

रोमि 6:7

हाइपालिपानु एला केलाइ ख्रिस्ट दोफा सिका हिनाहि, केलाइ पापको बन्धनसो मुक्त जेङका हिनाहि।

गलाति 2:20

या इसिका हि, कि का बुङ येसु ख्रिस्ट दोफाङ क्रुस्टता सिघा, एला उसो का जियाइका माको भरु येसु ख्रिस्ट का लिता जियाइखे। जेदोङ जिबन जिउता एला जियाइखा, इङको परमेस्वरको चान ह्रुता खाङधुरि पातेङ जियाइखा, जाइ कासेहेङ हेन्जा प्रेम पाखे कालाउ काङको भाअ्सिङ ताइको जिबन बुङ आरपन पाहि।

गलाति 5:24

कालाउ येसु ख्रिस्टता हिकालाइ ताइको इच्छा कालाउ ताइको जिउको पापमय स्वभाबगेलाइ क्रुस्टता सेअ्का हि।

एफिसि 6:13

ओदोङ भाअ्सिङ नेलाइहेङ परमेस्वर पिका गोताङ आमेनेगेलाइ ल्होपासु कालाउकि जेलाउ खाराबको दिना ल्वाङ, कालाउ इङको गोताङ काथाको सामाना पातेङ नेलाइ बल्लियाका जेङतेङ जाअ्लि दोसु।

फिलिप्पि 2:5

नेलाइता इसिका मन ह्याको जेदोङ ख्रिस्ट येसुता बुङ हिघाहि।

हिब्रु 12:3

ओदोङ भाअ्सिङ येसुको उधारनको बारेता बिचार पासु, वासेहेङ मान्दा माताका पापि द्‍याङगेलाइसो वा दोङ ओसारापा बिरोध हेसा सहिहि वाला, ओदोङ भाअ्सिङ नेलाइ माइतेङ हारेस माचासु।

हिब्रु 4:10

हाइपालिपानु परमेस्वर ताइको काम पालि दोतेङ न्हुसो माइसा चाहि। कालाउ इङको झाराङ दोफा इन्सिकाङ हिखे, जाइ परमेस्वर दोफा माइसा चाकाता दुल्खे। इम्बालाइ ताइको काम पालि दोतेङ माइसा चाखे।

1पतरुस 2:21

परमेस्वर नेलाइहेङ काइका को कारन एनोङ कारन इदोइ हि कि नेलाइ वाको भाअ्सिङ कस्ट भोगिलि गोइस्वाना। ख्रिस्ट, जाइ नेलाइको भाअ्सिङ कस्ट भोगिहि। वा नेलाइको उधारन हि। ओदोङ भाअ्सिङ नेलाइ वाको पाका काम आनुकरन पालि गोइखे।

1पतरुस 3:18

का एसा दोअ्खा हाइपालिपानु केलाइको पापको कारन ख्रिस्ट बुङ कस्ट भोगिहि। कालाउ सिहि। वा एखे खिनिङ सिहि कालाउ यासेहेङ आरोङ घुरितेङ सिलि मागोइयाङ। वा एमि धर्मि द्‍याङ हिघाहि, जाइ पापि द्‍याङगेलाइको भाअ्सिङ सिहि कालाउकि वा केलाइहेङ परमेस्वरको भेरपा चुमालि दोका हि। इम्बालाइ वाको जिउ ते सेअ्हि कालाउ वाको आत्मा सिन्हुका हि।