1पतरुस 3:9 - Dhimal NT

⁹ खाराबिको बदला खाराबि मापालि माकुनु आपामानको बदला आपामान मापालि, भरु इङको को सातोता आसिस पिका जेङसु, नेलाइ इम्बालाइको भाअ्सिङ आसिस ह्रेलि गोइखे हाइपालिपानु नेलाइ परमेस्वर पाहासो आसिस पिलिको भाअ्सिङ काइन्हाका हिसुना, कालाउकि नेलाइ परमेस्वरसो आसिस निङलि दोसु।

धिमाल

⁹ एदि हासुङ नेलाइहेङ मारेम्‍का पाहि पानु इङकोहेङ मारेम्‍का मापासु। इङको नेलाइहेङ साराप पिलाउ बुङ नेलाइ इङकोहेङ साराप मापिसु, भुरुङ इङकोहेङ सहसाम्‍पा पिसु। हाइदोनु परमेस्‍वर याकोङ भाअ्‌सिङ नेलाइहेङ काइका एइ रो नेलाइ वासो सहसाम्‍पा निङलि दोसु।

1पतरुस 3:9 Iomraidhean Croise

मत्‍ति 19:29

“हिदोइ बुङ द्‍याङ जाइ काङको मिङको भाअ्सिङ साअ्, दादा-ओने कालाउ बाइ-बेजान ओने, कालाउ आबा-आमाइ कालाउ चान-चामिन्दि कालाउ मिलिङ लाअ्का हि, वा साइ गुना निनावा, कालाउ आनान्त जिबनको खाबारा निनावा।

मत्‍ति 25:34

कालाउ का राजा ताइको दाम्पाहा योम्कालाइहेङ दोअ्ताङका, लोसु काङको आबा परमेस्वर नेलाइहेङ आसिरबाद पिका हि। लोसु कालाउ परमेस्वर नेलाइको भाअ्सिङ प्रतिग्या पाका सासनता आधिकारि हिसुना। सुमिङ सिरजाइकाको लाम्फासोङ इदोइ नेलाइको भाअ्सिङ तियार पाका हिघाहि।

मत्‍ति 5:39

कालाउ का नेलाइहेङ दोअ्खा, नेलाइ हिदोइ बुङ दुस्ट द्‍याङगेलाइ दोफा बद्ला माह्रुसु। जेसापा हासु बुङ नाङको दाम्पाहा गाला चाउरिहि पानु, केपाहाको गाला बुङ धोपि।

मत्‍ति 5:44

कालाउ का नेलाइहेङ दोअ्खा, ताइको सतुरुगेलाइहेङ प्रेम पासु कालाउ नेलाइहेङ साताइकागेलाइको भाअ्सिङ प्रार्थाना पासु,

मर्कुस 10:17

येसु ताइको चात्यागेलाइ दोफा दामाता हानिकाताङ पालाउ एमि द्‍याङ धाअ्तेङसाङ लोतेङ वाको खोकोइता तिरु थोअ्तेङ हिअ्हि, “ओइ एल्का प्रभु, परमेस्वरसो आनान्त जिबन निङलिको भाअ्सिङ का हाइ काम पालि गोयाङ?”

लुका 10:25

एनि येसु द्‍याङगेलाइहेङ सिक्स्या पिघाखे कालाउ एमि व्यवस्था धिरपाका द्‍याङ येसुहेङ जाचिलिको भाअ्सिङ बिचार पाहि कालाउ वा दोअ्हि, “हे गुरु ज्यु, परमेस्वरसो का आनान्त जिबन निङलिको भाअ्सिङ हाइ पालि गोयाङ?”

लुका 18:18

एमि सासक येसुहेङ एसा दोअ्तेङ हिअ्हि, हे एल्का प्रभु, परमेस्वरसो का आनान्त जिबन निङलिको भाअ्सिङ हाइ पालि गोयाङ?

रोमि 12:14

कालाउ नेलाइहेङ साताइकालाइहेङ स्राप माको, भरु आसिरबाद पि।

रोमि 12:17

हासु बुङ नासेहेङ मारेम्का पाहि पानु वासेहेङ मारेम्का मापा। जेदोङ काथा झाराङ द्‍याङगेलाइको नजरता रेम्का हि इङकोङ काथागेलाइहेङ पालि कोसिस पासु।

रोमि 8:28

केलाइ गिनाखे, कि वासेहेङ प्रेम पाकालाइ कालाउ वाको उदेस्य आन्सार चुनिकालाइको भाअ्सिङ गोताङ काथाता परमेस्वर भलाइ दोङ पाखे।

रोमि 8:30

जाइ-जाइहेङ वा लाम्फासोङ चुनिहि, इम्बालाइहेङ वा काइहि, कालाउ जाइ-जाइहेङ वा काइहि, इम्बालाइहेङ वा धर्मि बुङ बानाइहि, कालाउ जाइ-जाइहेङ वा धर्मि बानाइहि, इम्बालाइ दोफा ताइको महिमा बुङ बाखाराइहि।

गलाति 3:14

येसु ख्रिस्ट इसिका पाहि, कालाउकि परमेस्वर आब्राहामहेङ पिका आसिस येसु ख्रिस्ट पाहासो गैर-यहुदिगेलाइ बुङ निनाको, कालाउ केलाइको खाङधुरिसो परमेस्वर पाका बाचासो पबित्तरो आत्मा निङलि द्वाको।

एफिसि 4:32

एमिसो भेनेङहेङ दाया कालाउ क्रिपा पासु कालाउ परमेस्वर ख्रिस्ट पाहासो नेलाइहेङ माफ पिका भाइपाङ नेलाइ बुङ एमिसो-भेनेङहेङ माफ पिसु।

1 थेस्लोनिकि 5:15

फोम पाअ्‌, हासु बुङ मारेम्का पाहि दोअ्काता वासेहेङ मारेम्का मापासु, कालाउ एमिसो-भेनेङ दोफा कालाउ झाराङ द्‍याङगेलाइ दोफा रेम्का पालि कोसिस पासु।

हिब्रु 12:17

नेलाइहेङ थाहा दोङ हि, न्हुसो वा ताइको आबासो आसिरबाद निङलि भोहि, कालाउ वा इङको मानिङहि, मिति ह्यापालाउ बुङ इङको आसिस चाहिलाउ बुङ वा ताइमिङ लाम्फा पाका काथागेलाइ बदलेलि हाइ दोङ पालि मादोहि।

हिब्रु 6:14

परमेस्वर दोअ्हि, “का नासेहेङ निसित आसिस प्याङका, कालाउ नाङको हारागुटियाहेङ बाढे पाप्याङका।”

1पतरुस 5:10

परमेस्वर, जाइ पुर्न रुपता आनुग्रहकारि हि केलाइको ख्रिस्ट येसु दोफाको सम्बन्धको कारन ताइको आनान्त महिमाता केलाइहेङ हकदार जेङलि काइका हि। नेलाइ कोम्हा सोमोइ थेकापा कस्ट भोगितेङ परमेस्वर नेलाइहेङ आसल बानाइयाङ कालाउकि नेलाइता हिदोइ बुङ गल्ति माज्याको कालाउ वा नेलाइको ह्रदयहेङ बल्लियाका बानाइयाङ कालाउ इस्थिर जेङलिको भाअ्सिङ वाकोता खाङधुरि पाका बानाइयाङ।