1पतरुस 3:8 - Dhimal NT

⁸ आन्ताता, का नेलाइहेङ या दोअ्लि चाहिखा, कि ए जेङतेङ हिसु, एमिसो भेनेङहेङ सामाराइसु, एनोङ दोङ जाहानको सदस्यगेलाइ भाइपाङ झाराङ एमिसो भेनेङहेङ प्रेम पासु। एमिसो-भेनेङ दोफा दायाका जेङसु, कालाउ एमिसो भेनेङ दोफा मोनोइ जेङसु।

धिमाल

⁸ आखिरता दोअ्‌खा, नेलाइ झाराङ एलोङ मनको जेङतेङ एमि भेनेङहेङ तु:ता साघाइसु। ताइको दादाओने रो बाइओने भाइपाङ एमि भेनेङहेङ इन्‍ताना पासु। कालाउ नोम्‍का कोन्‍धाङको रो नोइका मनको जेङसु।

1पतरुस 3:8 Iomraidhean Croise

मत्‍ति 18:33

का नासेहेङ दाया पाघा कालाउ नाङको रिन माफ पापिका हिघाखा। नाअ् बुङ चाकारिया सानाइतिको रिन माफ पापिलि मागोइधाना रो?

लुका 10:33

एमि द्‍याङ सामारिया प्रदेससो ओदोङ दामा पाहा हानिघाखे, उङको आधामाराका द्‍याङ हिका थामेता लोहि, कालाउ वासेहेङ तिङतेङ वाको मन दायाहोइ पोङघाहि।

साल्न्हाका चात्या 2:1

जेलाउ यहुदिगेलाइको पेन्तिकोस पार्बाको दिना लोहि, खान्धुराइगेलाइ झाराङ ए दोफाङ जोम्का हिघाहि।

साल्न्हाका चात्या 27:3

न्हु दिना केलाइ सिदोन सहरता थुकान्हाहि। कालाउ युलियस पावलहेङ रेम्फा ब्यभाहार पाहि कालाउ ताइको सानाइतिगेलाइ दोफा बुङ भेतिलि पिहि, कालाउकि वा इम्बालाइसो ताइको आवस्यक्ता पुरा पाको।

साल्न्हाका चात्या 28:7

इङको टापुता पब्लियस मिङ हिका एमि प्रमुख द्‍याङ हिघाहि वाको मिलिङगेलाइ इङको थामेको भेरपा हिघाहि। वा केलाइहेङ वाको साअ्ता लोलि दोअ्तेङ काइहि, कालाउ वा केलाइ दोफा रेम्का ब्यभाहार पाहि, केलाइ वाको साअ्ता सुम दिना थेकापा बासा हिनाहि।

साल्न्हाका चात्या 4:32

खाङधुरि पाकालाइको समुह झाराङ एनोङ दोङ ह्रदय कालाउ एनोङ दोङ आत्माता हिका हिघाहि, कालाउ इम्बालाइ मध्येसो एमि बुङ ताइको धन-सम्पतिको हिदोइ बुङ आमेने इदोइ काङको केलाइको दोअ्तेङ माअ्दोघाखे। कालाउ इम्बालाइको गोताङ आमेने साझा हिघाहि।

रोमि 12:10

ताइको जाहान भाइपाङ एमिसो-भेनेङहेङ मायारु पासु। कालाउ नाअ् ताइमिहेङ खान्तेङ हेन्जा बो गेलाइहेङ आदार पाअ्‌।

रोमि 15:5

का प्रार्थाना पाखा कि परमेस्वर नेलाइहेङ धर्य कालाउ हाउसाइ प्याको कालाउकि नेलाइ येसु ख्रिस्टको आनुसरन पाकाताङ एमिसो-भेनेङ दोफा मिलितेङ जुलितेङ हिलि दोअ्सु।

1 कोरिन्थि 1:10

एला खान्धुराइ ओनेगेलाइ, केलाइको प्रभु येसु ख्रिस्टको खाबारासो का नेलाइहेङ बिन्ति पाखा, कि नेलाइ झाराङ एमिसो-भेनेङ दोफा सहमति जेङसु कालाउ ए-जेङसु कालाउ नेलाइ ता-ताइमिता मिलिसु। कालाउ नेलाइ एनोङ दोङ बिचार कालाउ एनोङ दोङ मनको जेङतेङ हिसु।

1 कोरिन्थि 12:26

जेसापा एनोङ आङगहेङ दुख जेङखे पानु, जिउको गोताङ आङगगेलाइहेङ दुख जेङखे। कालाउ एनोङ आङगको आदार जेङखे पानु, जिउको गोताङ आङगगेलाइ दोफाङ आनान्द मानिपाखे।

एफिसि 4:2

जेलाउ बुङ दुखिता, मोनोइता कालाउ धर्यता एमिसो-भेनेङहेङ प्रेम तिङपासु।

एफिसि 4:31

गोताङ मारेम्का बिचारगेलाइ, चेरचुङ, क्रोड, फेसुका, निन्दा कालाउ गोताङ खाल्को आखेका ब्यभार लाअ्पिसु।

एफिसि 4:32

एमिसो भेनेङहेङ दाया कालाउ क्रिपा पासु कालाउ परमेस्वर ख्रिस्ट पाहासो नेलाइहेङ माफ पिका भाइपाङ नेलाइ बुङ एमिसो-भेनेङहेङ माफ पिसु।

फिलिप्पि 2:3

स्वार्थ कालाउ घमन्डता हाइ दोङ मापासु, कालाउ मोनोइता एमिसो-भेनेङहेङ ताइमिहेङ खान्तेङ हेन्जा महत्व पुर्न थानेसु।

फिलिप्पि 3:16

ओदोङ भाअ्सिङ परमेस्वर केलाइहेङ तिङपाका सत्ये आन्सार जिबन जियाइलि गोइखे।

कलस्सि 3:12

ओदोङ भाअ्सिङ परमेस्वर नेलाइहेङ ताइको द्‍याङगेलाइ दोअ्तेङ साल्का हि, कालाउ वा नेलाइहेङ प्रेम पाखे। ओदोङ भाअ्सिङ नेलाइ करुना, दाया, सोझा, मोनोइ कालाउ सहिका सरबुङ धारान पासु।

हिब्रु 13:1

नेलाइ ख्रिस्टता खान्धुराइ दादा कालाउ बाइ ओनेगेलाइ भाइपा एमिसो-भेनेङहेङ मायारु पातेङ हिसु।

याकुब 2:13

हाइपालिपानु जेदोङ द्‍याङगेलाइ आरुको क्रिपा पाका मान्थु वासेहेङ बुङ क्रिपा मापाङ। कालाउ वा क्रिपा पाखे पानु, परमेस्वर ताइको क्रिपा पाहासो वाको न्याय पाङ।

याकुब 3:17

कालाउ जेदोङ बुद्दि परमेस्वरसो लोखे इङको लाम्फाङ सुद्द हिखे, कालाउ इङको सान्तिप्रिय, मोनोइ, मिलिका, दायाहोइ कालाउ रेम्का कामहोइ भरिका, पक्स्य पात मान्थुका कालाउ छल माकोसिङ हिखे।

याकुब 5:11

खाङसु, धिरोज पाकागेलाइहेङ केलाइ धन्यको दोअ्न्हाखे। नेलाइ आय्युब मिङ हिका द्‍याङको धिरोजको बारेता हिङका हिसुना, कालाउ प्रभुको बारेता हिङका हिसुना, कि प्रभु हिसिका करुनामय कालाउ दायालु हि।

1पतरुस 1:22

हाइपालिपानु नेलाइ सत्ये पालन पातेङ सुद्द जेङका हिसुना, एला नेलाइ ताइको दोफाङको खान्धुराइगेलाइहेङ चोखो प्रेम पासु। कालाउ एमिसो भेनेङहेङ ताइको ह्रदयको लिता सोङ प्रेम पातेङ हिसु।

1पतरुस 2:17

झाराङ द्‍याङगेलाइहेङ आदार पासु। खान्धुराइ दादा-ओनेगेलाइ कालाउ बाइ-ओनेगेलाइहेङ प्रेम पासु, परमेस्वरसो थिसु राजाको आदार पासु।

1पतरुस 5:5

एन्साङ पातेङ धानागेलाइ, कालाउ वाराङ द्‍याङगेलाइको आधिनता हिसु। नेलाइ झाराङ मोमोइसोङ एमिसो भेनेङहेङ साघाइलि गोइखे। हाइपालिपानु धर्मसास्तरता लेखेका हि, “परमेस्वर घमन्डिगेलाइको बिरोध पाखे, कालाउ मोनोइगेलाइहेङ आनुग्रह पाखे।”

२ पत्‍रुस 1:7

नेलाइ परमेस्वरहेङ लेङचापाका जिबन जियाइलि खिनिङ माको, कालाउ ताइकोङ जाहानको सदस्य जेसाङ नेलाइ एमिसो-भेनेङ दोफा प्रेम पालि गोइखे। कालाउ झाराङ द्‍याङगेलाइहेङ बुङ प्रेम पालि गोइखे।

१ युहन्‍ना 3:14

केलाइ गिनाखे, कि केलाइ सिकाको सरबुङसो स्वतन्तरो जेङका हिनाहि कालाउ एला केलाइ दोफा आनान्तको जिबन हि। हाइपालिपानु केलाइ आरु खान्धुराइगेलाइहेङ प्रेम पानाखे, जाइ प्रेम मापाखे वा सिकाको सरबुङको आधिनता हिखे।