1पतरुस 3:7 - Dhimal NT

⁷ एसापा दोङ नाअ् के गेलाइ ताइको बे गेलाइदोफा बिचारसिल जेङतेङ ब्यभार पासु। कालाउ नेलाइ इदोइ फोम ताअ्लि गोइखे कि इम्बालाइ नेलाइ खान्तेङ हुइका हि, ओदोङ भाअ्सिङ नेलाइ इम्बालाइको साम्मान पालि गोइखे। हाइपालिपानु नेलाइ न्हेमि दोङ परमेस्वरको आनुग्रह दोफाङ पिका बरदानता साझे होकदार हिसुना, जेदोङ आनान्त जिबन दोङ। एसा पासु कालाउकि जेलाउ नेलाइ वासेहेङ प्रार्थाना पास्वाना परमेस्वर हिङ प्याको।

धिमाल

⁷ केअ्‌गेलाइ, नेलाइ ताइको बेअ्‌गेलाइहेङ मादोका फोमपातेङ मान पासु। हाइपानु एम्‍बालाइ बुङ नेलाइदोफा दोङ परमेस्‍वरको पिका ज्‍यान निनावा। एसापा नेलाइको पाका पुकारता हिदिङ खाल्‍को बाधा माल्‍वाको दोअ्‌तेङ एमि भेनेङदोफा रेम्‍का बेभार पासु।

1पतरुस 3:7 Iomraidhean Croise

मत्‍ति 18:19

आरोङ का नेलाइहेङ दोअ्खा, इदोइ प्रिथिबिता हिदोइ बुङ काथाको बारेता नेलाइसो न्हेमि मिलितेङ सहमति जेङतेङ ह्रेस्वाना पानु इङको स्वर्गको काङको आबा परमेस्वरसो नेलाइको भाअ्सिङ प्यावा।

1 कोरिन्थि 7:3

के ताइको कर्तब्य पुरा पाको, कालाउ एसापा दोङ बे ताइको कर्तब्य पुरा पाको।

एफिसि 3:6

इङको म्होनाका रहस्य चाहि या हि: कि केलाइको ख्रिस्ट दोफाको सम्बन्धको कारन, गैर-यहुदिगेलाइ जाइ येसु ख्रिस्टता हि, इम्बालाइ बुङ सुसमाचार पाहासो यहुदिगेलाइ भाइपा परमेस्वरको आसिसगेलाइ निनावा। कालाउ गैर-यहुदिगेलाइ बुङ एनोङ दोङ जिउको आङगगेलाइ कालाउ परमेस्वरको पाका प्रतिग्याको भागिदार जेङका हि।

एफिसि 4:30

कालाउ परमेस्वरको पबित्तरो आत्माहेङ नेलाइको पाका कामसो दुखि माबानाइसु, कालाउ नेलाइ दोङ परमेस्वरको हिसुना दोअ्का तिङपालि वा दोङ नेलाइहेङ पबित्तरो आत्माहेङ छाप भाइका दागाइका पिका हि। कालाउ एनि वा नेलाइहेङ पुरन रुपहोइ लाअ्पावा।

एफिसि 5:33

कालाउ या काथा नेलाइता बुङ लागु जेङखे, नेलाइ झाराङ ताइको बे हेङ ताइमिहेङ भाइपाङ प्रेम पालि गोइखे, कालाउ बे बुङ ताइको के हेङ आदार पालि गोइखे।

एफिसि 6:18

कालाउ जेलाउ बुङ गोताङ प्रार्थाना कालाउ बिन्ति पबित्तरो आत्माता पासु। कालाउ इदोइ गोताङ काथागेलाइ मनता ताअ्तेङ गोताङ जनगेलाइको भाअ्सिङ जेलाउ बुङ प्रार्थाना पासु।

कलस्सि 3:19

के गेलाइ, ता-ताइको बे गेलाइहेङ प्रेम पासु, कालाउ ओबालाइ दोफा मोनोइ ब्याभार पासु।

1 थेस्लोनिकि 4:4

कालाउ नेलाइ ताइको जिउहेङ काबुता ताअ्लि धिरलि गोइखे, कालाउ पबित्तरो कालाउ आदारनिय जिबन जियाइलि गोइखे।

तितस 3:7

परमेस्वर इसिका पाहि, कालाउकि वाको आनुग्रह पाहासो केलाइ ठिक थोहोरिलि कालाउ वाको सान्तान जेङलि द्वाको, कालाउ केलाइ आस ताअ्का आनान्त जिबन बुङ निङलि द्वाको।

हिब्रु 1:14

कालाउ स्वर्गदुतगेलाइको उदेस्य हाइ कुनु? इम्बालाइ परमेस्वरको सेवा पाका खिनिङ हि। परमेस्वर इम्बालाइहेङ मुक्ति निङलि हानिका द्‍याङगेलाइहेङ साघाइलि दिङगिल पिहि।

1पतरुस 3:1

बे गेलाइ, नेलाइ बुङ ताइको के को आधिनता हिसु, कालाउकि जेसापा इम्बालाइ मध्ये हासु बुङ परमेस्वरको बचनता खाङधुरि पालिसो इन्कार पाखे पानु, नेलाइको ब्यभारहोइ इम्बालाइहेङ हाइ दोङ मादोअ्सिङ बुङ खान्धुराइ बानाइलि इम्बालाइ ख्रिस्टता खाङधुरि पावा, जेलाउ इम्बालाइ नेलाइहेङ सुद्द कालाउ भक्ति ब्यभार तिनावा।