1पतरुस 3:21 - Dhimal NT

²¹ पुर्ना सोमोइता इम्बालाइको मुक्ति एला केलाइको मुक्तिको रुप दोङ, जेलाउ केलाइ बप्तिस्ता ह्रुन्हाखे। केलाइ बप्तिस्ता ह्रुका चिहोइ केलाइको जिउसो मिधि माझानाखे, भरु इङको सङकेत हि कि केलाइ परमेस्वरसो माफ ह्रेका हिनाहि, कालाउकि केलाइको मन एला माआउलियाको। केलाइ स्यामा निङलि द्वाङ, हाइपालिपानु येसु ख्रिस्ट ताइको सिकासो आरोङ बान्चिका हि,

धिमाल

²¹ इदोइहोइ बतिस्‍माहेङ तिङपाखे, जाइ नेलाइहेङ सिन्‍हुपाखे। इदोइ ताइ जिउको आखेका झाका भाइका माको, कालाउ इदोङ एल्‍का मनहोइ परमेस्‍वरदोफा पाका कबोल एइ। कालाउ जेसापा इसु ख्रिस्‍ट सिकासो सिन्‍हुपान्‍हाहि एन्‍साङ पातेङ बतिस्‍माहोइ नेलाइहेङ बुङ बान्‍चेपावा।

1पतरुस 3:21 Iomraidhean Croise

मत्‍ति 28:19

ओदोङ भाअ्सिङ हानिसु, कालाउ गोताङ सारभिको द्‍याङगेलाइहेङ चात्या बानाइसु, कालाउ आबा, चान कालाउ पबित्तरो आत्माको मिङता इम्बालाइहेङ बप्तिस्ता पिसु।

मर्कुस 16:16

काङको सुसमाचार ह्रुता खाङधुरि पाका कालाउ एनोङ चिन्हाको रुपता बप्तिस्ता ह्रुकालाइ परमेस्वरसो ताइ-ह्रुता लोका पापगेलाइको साजाइसो बान्चि पावा, कालाउ जाइ हासु बुङ का ह्रुता खाङधुरि पालिसो इन्कार पावा वा परमेस्वरसो ताइको पापको साजाइ निनावा।

युहन्‍ना 13:9

कालाउ सिमोन पतरुस येसुहेङ दोअ्हि, एन्सा पानु हे प्रभु काङको खोकोइ खिनिङ माको, कालाउ काङको खुर कालाउ पुरिङ सुधाङ झापि।

साल्न्हाका चात्या 16:33

कालाउ न्हिसिनता दोङ वा पावल कालाउ सिलासहेङ चुम्पुतेङ इम्बालाइको पेचारागेलाइ झापिहि। कालाउ इम्बालाइ झ्यालखानाको हाकिम कालाउ वाको गोताङ जाहानगेलाइ बप्तिस्ता ह्रुहि।

साल्न्हाका चात्या 2:38

पतरुस इम्बालाइहेङ दोअ्हि, पाप पालि लाअ्सु, कालाउ नेलाइ पाप स्यामाको भाअ्सिङ झाराङ येसु ख्रिस्टको मिङता बप्तिस्ता ह्रुसु। कालाउ नेलाइ पबित्तरो आत्माको बरदान निङस्वाना।

साल्न्हाका चात्या 22:16

कालाउ एला नाअ् हेन्जा माह्रुम, ल्हो कालाउ वाको मिङता बप्तिस्ता ह्रु, कालाउ वाको मिङ ह्रुतेङ नाङको पापगेलाइ स्यामा जेनावा।

साल्न्हाका चात्या 8:36

कालाउ ओबालाइ दामाता हानिकाताङ पालाउ आधे चि हिका एनोङ पोखोरि तिङहि। कालाउ उङको नपुङसक दोअ्हि, “खाङसु, इता पोखोरि हि, एला कासेहेङ हाइहोइ बप्तिस्ता ह्रुकासो रोकिलि द्वावा रो?”

साल्न्हाका चात्या 8:37

फिलिप दोअ्हि, “जेसापा गोताङ हृदयसो दोङ खाङधुरि पाना पानु नाअ् बप्तिस्ता ह्रुलि द्वाना।” कालाउ वा जोबाफ पिहि, “येसु ख्रिस्ट दोङ परमेस्वरको चान हि दोअ्तेङ का खाङधुरि पाङका।”

रोमि 5:14

आदमसो चुमातेङ मोसा थेकापा गोताङ द्‍याङगेलाइ पाप पाहि कालाउ झाराङ सिहि, जेलाउ कि इम्बालाइ आदम भाइपा आग्या माकेम्तेङ पाप पाका मान्थुघाहि। उङको आदम चाहि एमि लोलि तोम्काको नमुना हिघाहि।

1 कोरिन्थि 12:13

हाइपालिपानु एनोङ दोङ पबित्तरो आत्मासो केलाइ झाराङ एनोङ दोङ जिउता बप्तिस्ता निङका हिनाहि। चाहे इङको यहुदि ह्याको, चाहे गैर-यहुदि, चाहे बान्धाइति, चाहे बान्धाइति माको, केलाइ झाराङ एनोङ दोङ पबित्तरो आत्मा निङका हिन्हाहि।

1 कोरिन्थि 4:6

खान्धुराइ ओनेगेलाइ, का ताइको कालाउ आपुल्लोसको उधाहरन पितेङ नेलाइको भालाइको भाअ्सिङ इदोइ गोताङ काथा लेखेका हिघा, कालाउकि नेलाइ केलाइसो धिरसु कालाउ धर्मसास्तरता लेखेका काथा खान्तेङ बाहार मान्हेसु। कालाउ एमि भारि लागितेङ भेनेङहेङ हेला मापासु।

2 कोरिन्थि 1:12

हाइपालिपानु केलाइ गर्ब पानाखे कि केलाइको बिबेक झालाफालापा हि, सुमिङता कालाउ बिसेस पातेङ नेलाइ दोफाको केलाइको सम्बन्ध नेलाइ दोफा कालाउ सुमिङको द्‍याङगेलाइ दोफा पबित्तरो कालाउ सत्ये हि, जेदोङ चाहि परमेस्वरसो लोखे, इदोइ चाहि मानिमुइ बुद्दिहोइ माको, भरु परमेस्वरको आनुग्रह पाहासो हि।

2 कोरिन्थि 7:1

ओदोङ भाअ्सिङ ओइ आनाउ सानाइतिगेलाइ, केलाइ दोफा इदोइ प्रतिग्यागेलाइ हिनाङ केलाइको जिउ कालाउ आत्माहेङ आसुद्द पाका गोताङ खाल्को मारेम्का कामगेलाइ पालि लाअ्सु, कालाउ परमेस्वरको आदार पातेङ केलाइ गोताङ रुपता पबित्तरो जिबन बितिपाका कोसिस पालि गोइखे।

गलाति 3:27

हाइपालिपानु नेलाइ मध्ये जेथे येसु ख्रिस्टता बप्तिस्ता ह्रुसुन्हा, नेलाइ झाराङ ख्रिस्टको स्वभाबहेङ होङका हिसुन्हा, जेसाङ हासु बुङ नावा लोखोन होङखे।

एफिसि 5:26

कालाउकि वा मन्डलिहेङ बचन पाहासो कालाउ चिहोइ पातेङ सुद्द बानाइलि द्वाको।

कलस्सि 2:12

बप्तिस्ता पाहासो नेलाइ ताइको पापमय स्वभाबता लिका दोङ जेसाङ ख्रिस्ट लिन्हाहि। कालाउ नावा स्वभाबता ल्होका हिनाहि जेसाङ ख्रिस्ट सितेङ सिन्चाल्हि। इदोइ गोताङ जेङहि हाइपालिपानु नेलाइ खाङधुरि पासु, कि परमेस्वर ताइको सरबुङ पाहासो ख्रिस्टहेङ आरोङ सिकासो सिन्चाल पाहि।

1तिमोथि 1:5

का नेलाइहेङ आदेस पिका उदेस्य इदोइ हि, कि नेलाइ एमिसो-भेनेङहेङ पुरा ह्रदयहोइ, प्रेम पासु, जेदोङ चाहि सुद्द मन, आसल बिबेक, कालाउ सत्ये खाङधुरिसो लोखे।

1तिमोथि 6:12

परमेस्वरता खाङधुरि पालि मालाअ्सु कालाउ वाको आग्या केम्सु जेसाङ एमि आसल आर्मि धुम पालि हार मामानिखे। कालाउ इङको आनान्त जिबनहेङ चातेङ ताअ्सु, हाइपालिपानु याकोङ भाअ्सिङ परमेस्वर नासेहेङ काइका हि। कालाउ नाअ् बुङ हेन्जा द्‍याङगेलाइको आगाता नाङको खाङधुरिको रेम्का साक्सि पिका हिघाखेना।

हिब्रु 10:22

कालाउ वा ख्रिस्टको हिति सिरकाइतेङ केलाइको ह्रदयता हिका दुसिका लाअ्पापिका हि, कालाउ केलाइको जिउ सुद्द चिहोइ झाका हि, कालाउ केलाइ तियार जेङका हिनाहि। ओदोङ भाअ्सिङ सत्ये ह्रदय कालाउ बल्लियाका खाङधुरि दोफाङ परमेस्वरको भेरपा हानाइने।

हिब्रु 11:19

परमेस्वर द्‍याङगेलाइहेङ सिकालाइसो बुङ आरोङ सिन्हुपालि दोखे दोअ्का काथा आब्राहाम सोचिका हिघाहि, कालाउ ए खाल्होइ वा इसाहाकहेङ सिकासो सिन्चाल पाका भाइकाङ दोङ आरोङ निङहि।

हिब्रु 13:18

केलाइको भाअ्सिङ प्रार्थाना पासु, केलाइहेङ निसित दोङ थाहा हि कि, केलाइको बिबेक जाहाँका हि, हाइपालिपानु केलाइ जेलाउ बुङ आसल काथागेलाइ पालि भोनाखे।

हिब्रु 9:14

या सोचिसु कि सिका भारि चुम्पुका कामगेलाइसो ख्रिस्टको हितिहोइ केलाइको ह्रदयहेङ ते झन हेथे हेन्जा सुद्द बानाइलि दोखे, कालाउकि केलाइ सिन्हुका परमेस्वरको आराधाना पालि द्वाको, हाइपालिपानु आनान्त आत्माको सरबुङ पाहासो ताइमिहेङ केलाइको पापको भाअ्सिङ एमि सिद्द भोगको रुपता परमेस्वरहेङ चाढाइहि।

हिब्रु 9:24

ओदोङ भाअ्सिङ येसु ख्रिस्ट द्‍याङगेलाइको बानाइका इङको खोपाराता मान्हेहि, हाइपालिपानु जेदोङ चाहि खास काथाको नक्कल खिनिङ हि, कालाउ वाते सकलि थामे स्वर्गता हानिहि, कालाउकि वा केलाइको फाइदाको भाअ्सिङ परमेस्वरको आगाता हानिलि द्वाको।

1पतरुस 1:3

केलाइको प्रभु येसु ख्रिस्टको आबा कालाउ परमेस्वरको बाखानाइ ज्याको। परमेस्वर केलाइ दोफाको माहान क्रिपा होइ वा केलाइहेङ एनोङ नावा जिबन पिका हि। हाइपालिपानु परमेस्वर येसु ख्रिस्टहेङ सिकासो सिन्चाल पाका हि, वा दोङ केलाइहेङ धुक्कसो बान्चिलि दोका बानाइका हि, इङको दोअ्का वा केलाइहेङ प्रतिग्या पाका काथा निङका पुरा आस पाका हि।

1पतरुस 3:16

कालाउ इदोइ मोनोइ कालाउ आदार पुर्न तरिकाहोइ पासु। जेलाउ बुङ जेदोङ ठिक हि इङकोङ पासु। कालाउ जेसापा द्‍याङगेलाइ नेलाइको बिरोधता खाराका काथा पाखे पानु, इम्बालाइ लेदेरता परियावा जेलाउ इम्बालाइ नेलाइको ख्रिस्ट दोफाको सम्बन्धको कारन नेलाइको आसल ब्यभार तिनावा।