1पतरुस 3:18 - Dhimal NT

¹⁸ का एसा दोअ्खा हाइपालिपानु केलाइको पापको कारन ख्रिस्ट बुङ कस्ट भोगिहि। कालाउ सिहि। वा एखे खिनिङ सिहि कालाउ यासेहेङ आरोङ घुरितेङ सिलि मागोइयाङ। वा एमि धर्मि द्‍याङ हिघाहि, जाइ पापि द्‍याङगेलाइको भाअ्सिङ सिहि कालाउकि वा केलाइहेङ परमेस्वरको भेरपा चुमालि दोका हि। इम्बालाइ वाको जिउ ते सेअ्हि कालाउ वाको आत्मा सिन्हुका हि।

धिमाल

¹⁸ हाइदोनु केलाइहेङ परमेस्‍वरकोता थुकापालिको भाअ्‌सिङ ख्रिस्‍ट धरमाति हिलाउबुङ अधरमातिगेलाइको कुकरमको भाअ्‌सिङ ए खे सिहि। वा जिउता सिहि कालाउ बुङ परमेस्‍वर वासेहेङ हाङसाको सरबङसो सिन्‍हुपाहि।

1पतरुस 3:18 Iomraidhean Croise

मत्‍ति 27:19

पिलातस न्याय पाका आसानता योम्तेङ हिलाउ वाको बे वासेहेङ एनोङ बानाल पिगिल्हि। उङको निरदुसिको बिरोधता हाइ दोङ मापा वाको बारेता नानिको न्हिसिनता का सोप्पन तिङघा। इङको सोप्पनसो वाको कारन का हेन्जाङ दुख भोगेघा।

मत्‍ति 27:24

कालाउ पिलातस हाइ बुङ पारा मातिङहि आरोङ हेन्जाङ गोलमाल जेनाङबे दोअ्तेङ थिहि। कालाउ वा चि चुम्पुतेङ जेरको आगाता ताइको खुर पातेङ दोअ्हि, “नेलाइ ताइमिङ गिसु का या द्‍याङहेङ सेअ्का दुसिका कासेहेङ माको भरु नेलाइहेङ दोङ लाग्याको।

युहन्‍ना 16:10

पबित्तरो आत्मा परमेस्वरको आगाता का धर्मि हिघा दोअ्तेङ तिङपा पिका हि, हाइपालिपानु का आबाकोता हानिदोङखा कालाउ नेलाइ कासेहेङ आरोङ मातिङस्वाना।

साल्न्हाका चात्या 22:14

कालाउ हननिया कासेहेङ दोअ्हि, “केलाइको पुर्खागेलाइको परमेस्वर वाको इच्छा गिलि कालाउ उङको धर्मि द्‍याङ, ख्रिस्टहेङ तिङलि कालाउ वाको गाला हिङलि नासेहेङ नियुक्त पाका हि।”

साल्न्हाका चात्या 3:14

कालाउ नेलाइ येसुहेङ सुइकार मापासुन्हा, जाइ पबित्तरो कालाउ धर्मि हिघाहि। कालाउ नेलाइ एमि ज्यान माराहेङ नेलाइको भाअ्सिङ लाअ्पिलि माग पासुन्हा।

रोमि 1:4

कालाउ येसु ख्रिस्ट पबित्तरो आत्माको सरबुङसो सिकालाइसो सिन्चाल्हि। कालाउ एसापा परमेस्वर झालाफालापा तिङपाहि कि येसु दोङ परमेस्वरको चान हि।

रोमि 4:25

येसु केलाइको पापगेलाइको भाअ्सिङ सिपिहि, कालाउ परमेस्वर केलाइहेङ वाको दोफा धर्मि बानाइलि येसुहेङ आरोङ सिन्हु पाहि।

रोमि 5:2

केलाइको खाङधुरिको कारनहोइ येसु ख्रिस्ट केलाइहेङ इदोइ आनुग्रहता चुमाका हि, जेता केलाइ एला जाअ्का हिनाहि, कालाउ परमेस्वरको महिमाता सहभागि जेङका आसता लेङचान्हाखे।

रोमि 8:11

कालाउ जेसापा येसुहेङ सिकासो सिन्हु पाकाको परमेस्वरको आत्मा नेलाइ दोफा हि पानु, येसु ख्रिस्टहेङ सिकासो सिन्हु पाका दोङ हि, नेलाइता हिका वाको आत्मासो नेलाइको सिलि तोम्का जिउहेङ बुङ जिबन प्याङ।

रोमि 8:3

हाइपालिपानु केलाइको पापमय स्वभाबको कारनहोइ जेदोङ काम मोसाको व्यवस्था बुङ पालि मादोहि, इङको ताइमिङ परमेस्वर दोङ पाहि। वा ताइको चानहेङ केलाइकोङ पापमय जिउको स्वरुपता भाइकाङ केलाइको पापको भाअ्सिङ भोग भाइपाङ दिङगिल्हि। कालाउ एसापा परमेस्वर ताइको चानको जिउपाहासो पापको सरबुङ नासा पाहि।

2 कोरिन्थि 1:24

नेलाइको खाङधुरि ह्रुता केलाइ खाबारा जामाइलि माचाहिनाखे, भरु नेलाइको आनान्दको भाअ्सिङ नेलाइ दोफा मिलितेङ काम पाङ। हाइपालिपानु नेलाइ ताइको खाङधुरिता सिकापा हिसुखेना।

2 कोरिन्थि 13:4

हाइपालिपानु कमजोरिता वा क्रुस्टा तोइन्हाहि, कालाउ परमेस्वरको सरबुङता वा आरोङ सिन्हु पाङ हि। एसा पासोङ केलाइ ख्रिस्ट कोमजोर जेङनाङ कोनिङ केलाइ बुङ कोमजोर हिनाहि, कालाउ नेलाइ दोफाको केलाइको ब्यभारता परमेस्वरको सरबुङ पाहासो केलाइ वाको दोफा सिन्हुतेङ ह्याङ।

2 कोरिन्थि 5:21

ख्रिस्टता पाप दोङ मान्थुघाहि, कालाउ परमेस्वर वासेहेङ पापि भाइपा ब्यभार पाहि, कालाउ बुङ केलाइ वाको नजरता धर्मि जेङलि द्वाको दोअ्तेङ ख्रिस्ट दोङ केलाइको पापको भाअ्सिङ दन्ड ह्रुपिहि।

गलाति 1:4

केलाइको परमेस्वर कालाउ आबाको इच्छा आन्सार येसु ख्रिस्ट केलाइको पापको भाअ्सिङ ताइमिहेङ बलि पिहि, कालाउकि केलाइहेङ इदोइ सुमिङको मारेम्का कामगेलाइसो लाअ्पाको।

गलाति 3:13

कालाउ व्यवस्था मामानिनाङ लोका सारापसो ख्रिस्ट केलाइहेङ लाअ्पाहि। जेलाउ येसु ख्रिस्ट क्रुस्टता सिहि, कालाउ वा केलाइको पापगेलाइको स्राप ताइमि ह्रुता ह्रुहि। हाइपालिपानु धर्मसास्तरता लेखेका हि, “जेदोङ द्‍याङ क्रुस्टता सिखे उङको स्रापित दोङ हि।”

एफिसि 3:12

केलाइको ख्रिस्ट दोफाको सम्बन्ध कालाउ वाकोता खाङधुरिको कारन एला केलाइ साहासि कालाउ निर्धक्क जेङतेङ परमेस्वरको आगा लोलि द्वाङ।

तितस 2:14

केलाइहेङ पापको सरबुङसो बान्चिपालि कालाउ पबित्तरो बानाइलि येसु ख्रिस्ट ताइमिहेङ बलिदान पिहि, कालाउकि केलाइ वाकोङ द्‍याङ जेङलि द्वाको। कालाउ आसल कामगेलाइ पालि द्वाको।

हिब्रु 9:14

या सोचिसु कि सिका भारि चुम्पुका कामगेलाइसो ख्रिस्टको हितिहोइ केलाइको ह्रदयहेङ ते झन हेथे हेन्जा सुद्द बानाइलि दोखे, कालाउकि केलाइ सिन्हुका परमेस्वरको आराधाना पालि द्वाको, हाइपालिपानु आनान्त आत्माको सरबुङ पाहासो ताइमिहेङ केलाइको पापको भाअ्सिङ एमि सिद्द भोगको रुपता परमेस्वरहेङ चाढाइहि।

हिब्रु 9:28

एसा पासोङ हेन्जा द्‍याङगेलाइको पाप ल्होपातेङ चुम्पुलिको भाअ्सिङ ख्रिस्ट ताइमिहेङ एखे भोग पिहि, कालाउ वा आरोङ ल्वाङ, इङको बेला ताइमिहेङ पापको भोगको भाअ्सिङ माको, भरु वाको लोका दामा खाङतेङ हिकालाइहेङ बान्चिपालिको भाअ्सिङ ल्वाङ।

याकुब 5:6

नेलाइको बिरोध मापाका निर्दुसिहेङ दुसितेङ नेलाइ सेअ्का हिसुना।

1पतरुस 3:19

कालाउ वा आत्माता हानिहि कालाउ परमेस्वर पाहासो कैदिता परिका आत्मागेलाइहेङ सुसमाचार प्राचार पाहि जेता सिका द्‍याङगेलाइको आत्मा हि।

1पतरुस 4:1

ओदोङ भाअ्सिङ ख्रिस्ट इदोइ प्रिथिबिता हिलाउ दुख भोगिहि, कालाउ नेलाइ बुङ वा भाइपा बिचार ताअ्तेङ दुख भोगिलि तियार हिलि गोइखे। हाइपालिपानु जेसापा नेलाइ ख्रिस्टको भाअ्सिङ दुख भोगिलि इच्छा पासुखेना पानु, नेलाइ पाप पालि लाअ्लि निर्नय पाका हिसुना।

1पतरुस 4:6

ओदोङ भाअ्सिङ सिका द्‍याङगेलाइ बुङ ख्रिस्टको बारेता सुसमाचारको प्राचार हिङहि। इम्बालाइको जिउ आरु झाराङ द्‍याङगेलाइ भाइपाङ सिलि गोइहि, कालाउ एला इम्बालाइ जेलाउलाउ बुङ परमेस्वर दोफा आत्माता बान्चितेङ हि।

१ युहन्‍ना 1:9

जेसापा केलाइ ताइको पाप परमेस्वरको आगाता सुइकार पानाखे पानु वा केलाइको पाप स्यामा पापिखे कालाउ गोताङ मारेम्का कामगेलाइसो केलाइहेङ सुद्द पाङ। हाइपालिपानु वा जेदोङ दोअ्खे ओदोङ पाखे कालाउ जेलाउ बुङ ठिक काम खिनिङ पाखे।