1पतरुस 3:17 - Dhimal NT

¹⁷ जेसापा केलाइको आसल कामको कारनहोइ केलाइ कस्ट भोगिनाखे कालाउ या केलाइको भाअ्सिङ परमेस्वरको इच्छा हि पानु, या आसल हि। इङको केलाइको मारेम्का कामको कारन कस्ट निङलि खान्तेङ उत्तम हि।

धिमाल

¹⁷ मारेम्‍का काम पातेङ तु: भोगेका खान्‍तेङ ते भुरुङ रेम्‍का काम पातेङ परमेस्‍वरको लाल्‍साआन्‍सार तु: भोगेलि दोङ रेम्‍का जेनावा।

1पतरुस 3:17 Iomraidhean Croise

मत्‍ति 26:39

कालाउ येसु ओबालाइसो आसा दुरे हानितेङ भोनोइता तिरु थोतेङ परमेस्वरता प्रार्थाना पाघाहि, हे काङको आबा, जेङलि दोनु कासेहेङ कस्टको इदोइ बात्ति आसा दुरे जेनाको। कालाउ बुङ इदोइ काङको मनहोइ पाका भाइका माको, नाङको मनहोइ जेनाको।

मत्‍ति 26:42

आरोङ न्हुसो येसु न्हे पल्ति हानिहि, कालाउ प्रार्थाना पालि तेङहि, हे काङको आबा, जेसापा का माआम्सा माजेङनु इदोइ कस्टको बात्ति नाअ् हिसिका पालि खाङखेना इन्सिकाङ हिलि पि।

साल्न्हाका चात्या 18:21

पावल एसा दोअ्तेङ इम्बालाइ दोफा बिदा जेङहि, “जेसापा परमेस्वरको इच्छा जेङनु का नेलाइकोता आरोङ ल्वाङका।” कालाउ वा एफिसस सहरसो समुन्द्रको दामा पाहासो हानिहि।

साल्न्हाका चात्या 21:14

पावलहेङ रोकिलि मादोअ्नाङ “प्रभुको इच्छा पुरा जेनाको” दोअ्तेङ केलाइ सिकापा हिनाहि।

1पतरुस 1:6

नेलाइ इदोइ गोताङ काथागेलाइको बारेता लेङचालि गोइखे, जेसाङ एला आतुइसा सोमोइको भाअ्सिङ नेलाइ खाल-खाल्को कस्ट भोगिलि गोइखे।

1पतरुस 2:15

हाइपालिपानु इदोइ परमेस्वरको इच्छा दोङ हि, कि ब्यभारहोइ परमेस्वरहेङ मानाल्का द्‍याङगेलाइ एला केलाइहेङ धाताइका आरोप लागाइलि हिम्मत मापाङ, हाइपालिपानु इदोइ झालाझालापा हि कि इम्बालाइको धाताइका आरोप सत्ये मान्थु।

1पतरुस 2:20

कालाउ जेसापा नेलाइ गलत काम पातेङ दानाइ निन्चास्वाना पानु, नेलाइको साजाइता धैर्य हिलि हिदोइ बुङ बाखानाइको कारन मान्थु। नेलाइ रेम्का कामको भाअ्सिङ दुख भोगिस्वाना पानु, कालाउ नेलाइ धैर्य जेङस्वाना पानु कालाउ परमेस्वर लेङचाखे।

1पतरुस 3:14

कालाउ जेसापा केलाइको धर्मि ब्यभारहोइ केलाइ दुख निङन्हाखे पानु, केलाइ बास्ताबता आसिस जेङन्हाखे। ओदोङ भाअ्सिङ, जेसापा केलाइहेङ धम्कि पिका द्‍याङगेलाइ हि पानु, इम्बालाइ दोफा माथिसु कालाउ मापिरसु।

1पतरुस 4:15

कालाउ नेलाइ मध्येसो हासु बुङ मारा पाका, माकुनु खुर ह्रिङपाका माकुनु खाराबि पाका, माकुनु बोमिको काथाता खुर ह्वाका भाइपाङ दुख माभोगेसु।

1पतरुस 4:19

ओदोङ भाअ्सिङ जाइ परमेस्वर गोइका आन्सार दुख भोगिखे, वा इम्बालाइहेङ बानाइका परमेस्वरता भोरोसा ताअ्तेङ हिलि गोइखे। परमेस्वर जेलाउ बुङ ताइमि प्रतिग्या पाका काथा पुरा पालि गोइखे, ओदोङ भाअ्सिङ रेम्का काम पातेङ हिसु।