1पतरुस 3:15 - Dhimal NT

¹⁵ भरु नेलाइ ख्रिस्टहेङ नेलाइको जिबनको प्रभुको रुपता आराधाना पासु। कालाउ जेसापा केलाइ झाराङ खान्धुराइगेलाइ साझेदार जेङका आसको बारेता हासुहेङ बुङ हिअ्हि पानु, उङकोहेङ ब्याख्या पालि जेलाउ बुङ तियार हिसु।

धिमाल

¹⁵ ख्रिस्‍टहेङ नेलाइ कोन्‍धाङसोङ प्रभु साअ्‌तेङ वासेहेङ मान पासु। नेलाइलिअ्‌ता हिका आसको बारेता हासुङ हिअ्‌हि पानु इङकोको बारेता दोअ्‍पिलि दिनाङ त्‍यार हिसु।

1पतरुस 3:15 Iomraidhean Croise

साल्न्हाका चात्या 21:39

पावल दोअ्हि, “का ते किलिकिया प्रदेसको टार्सस नगरको एमि यहुदि द्‍याङ हिघा, म्हुइका-म्हुइका सहरको नागरिक माको। बिन्ति हि कि कासेहेङ इदोइ द्‍याङगेलाइ दोफा काथा पालि पि।”

साल्न्हाका चात्या 24:25

जेलाउ पावल परमेस्वरको आगाता ठिक काम पाका कालाउ इच्छाहेङ काबुता ताअ्लि कालाउ परमेस्वर न्याय पाका दिना लोदोङखे दोअ्का काथा हिङपाहि कालाउ फेलिक्स थितेङ दोअ्हि, “एलाङ जेङहोइ हानेसु, सोमोइ निङका बेलाता का नासेहेङ कायाङका।”

कलस्सि 1:23

जेसापा नेलाइ ताइको खाङधुरिता दिगो कालाउ बल्लियाका जेङतेङ कालाउ नेलाइ हिङका सुसमाचारको आस माअ्लासुन्हा पानु, इदोइ दोङ इङको सुसमाचार हि, जाइ सुमिङता गोताङ द्‍याङगेलाइहेङ प्राचार पाका हि। कालाउ जाइको का पावल सुसमाचार प्राचार पालि सेवक जेङघा।

कलस्सि 1:27

परमेस्वर ताइको द्‍याङगेलाइहेङ इदोइ सम्पति कालाउ महिमामय रहस्यको काथा बाताइलि निर्नय पाहि, जेदोङ वाको दोफा सुमिङको गोताङ द्‍याङगेलाइको भाअ्सिङ हि। कालाउ या रहस्य ख्रिस्ट ताइमिङ हि, वा नेलाइ दोफा हि। जाइ महिमाको भाअ्सिङ केलाइको एमि खिनिङ आस हि।

कलस्सि 1:5

नेलाइ इङको पासुखेना हाइपालिपानु नेलाइको आस स्वर्गता ताअ्का काथाता हि। जेदोङको येसु ख्रिस्टको सत्ये सन्देसको बिसोइता नेलाइ लाम्फाङ सुसमाचार हिङका हिसुना।

कलस्सि 4:6

देसे चाअ्का आमेनेहेङ ताअ्का बानाइका भाइपा नेलाइको काथा जेलाउ बुङ ताअ्का ह्याको, जेसापा नेलाइ एसा पासुना पानु गिस्वाना कि हेसा नेलाइको खाङधुरिको बिसोइता प्रस्न पाकालाइहेङ जबाफ पिलि।

तितस 1:2

एसापा इम्बालाइ परमेस्वर दोफा आनान्त जिबनको आस पाखे। हाइपालिपानु हेलाउ बुङ माधाताइका परमेस्वर, सुमिङ सिरजाइका खान्तेङ लाम्फा दोङ ताइको द्‍याङगेलाइहेङ आनान्त जिबन प्याङका दोअ्तेङ प्रतिग्या पाका हिघाहि।

हिब्रु 3:6

कालाउ येसु ख्रिस्ट चाहि परमेस्वरको साअ्को द्‍याङगेलाइ दोफा चानको रुपता खाङधुरि योग्य हिघाहि, कालाउ जेसापा केलाइ केलाइको आसता साहास ताअ्तेङ हिनाहि पानु, कालाउ केलाइ परमेस्वरको द्‍याङगेलाइ दोङ हिनाहि।

हिब्रु 6:1

ओदोङ भाअ्सिङ एला केलाइ ख्रिस्टको बारेता धिरका प्रार्थामिक सिक्स्याहेङ खिनिङ मानितेङ खाङधुरिता परिपक्का बानाइका सिक्स्या भारि लागियाइने, प्रार्थामिक सिक्स्याहेङ एनोङ बार्का जग भाइपा माकिताइने, हाइपालिपानु इङको सिक्स्या ते परमेस्वरता खाङधुरि पाका कालाउ पापमय कामसो पासताइ पापाका को बारेता खिनिङ हि, जाइहोइ सिका भारि चुम्पुखे।

1पतरुस 1:17

जेलाउ नेलाइ प्रार्थाना पासुखेना, नेलाइ परमेस्वरहेङ ताइको आबाको रुपता सम्बोधन पासुखेना। कालाउ या फोम ताअ्सु कि वा झाराङ द्‍याङको झाराङको पाका काम आन्सार पक्स्य पात मापासिङ न्याय पाखे। ओदोङ भाअ्सिङ नेलाइ प्रिथिबिता परदेसिगेलाइको रुपता हिलाउ नेलाइ वाको भाअ्सिङ बारका साम्मानको दोफाङ बान्चिलि गोइखे।

1पतरुस 3:4

नेलाइ ताइमिहेङ रेम्का गुनगेलाइहोइ कोइनाका बानाइलि गोइखे जेदोङ राम्खे, इङको मोनोइ कालाउ सान्ति ब्यभार दोङ हि, जेदोङ परमेस्वरको भाअ्सिङ ओसारापाङ जाङका हि।