1पतरुस 3:13 - Dhimal NT

¹³ जेसापा नेलाइ दिनाङ रेम्का काम पालिको भाअ्सिङ कोसिस पासुखेना पानु, कालाउ पाक्कै बुङ हासु बुङ नेलाइहेङ चोट पापालि माद्वावा।

धिमाल

¹³ एदि नेलाइ रेम्‍का काम पालि भोसुखेना पानु हासु नेलाइहेङ तु: प्‍यावा कुनु?

1पतरुस 3:13 Iomraidhean Croise

रोमि 13:3

हाइपालिपानु सासकगेलाइसो ते रेम्का काम पाकालाइ माको, भरु मारेम्का काम पाकालाइ थिलि गोइखे। हाइ नाअ् सासकहेङ थितेङ हिलि माभोखेना? एन्सा पानु रेम्का काम पाअ्‌, कालाउ नेलाइहेङ सासकगेलाइसोङ बाखिन मिलियावा।

रोमि 8:28

केलाइ गिनाखे, कि वासेहेङ प्रेम पाकालाइ कालाउ वाको उदेस्य आन्सार चुनिकालाइको भाअ्सिङ गोताङ काथाता परमेस्वर भलाइ दोङ पाखे।

1 कोरिन्थि 14:1

एमिसो भेनेङहेङ प्रेम पालि जेलाउ बुङ कोसिस पासु, कालाउ आत्मिक बरदानगेलाइ निङका बार्का इच्छा ताअ्सु, खास पातेङ आगमबानि पालिको भाअ्सिङ।

एफिसि 5:1

नेलाइ परमेस्वरको आनाउ सान्तानगेलाइ दोङ हिसुना, ओदोङ भाअ्सिङ नेलाइको स्वभाव परमेस्वरको भाइपाङ ह्याको।

1 थेस्लोनिकि 5:15

फोम पाअ्‌, हासु बुङ मारेम्का पाहि दोअ्काता वासेहेङ मारेम्का मापासु, कालाउ एमिसो-भेनेङ दोफा कालाउ झाराङ द्‍याङगेलाइ दोफा रेम्का पालि कोसिस पासु।

1तिमोथि 5:10

गोताङ वा आसल काम पाका, चान-चामिन्दिगेलाइहेङ रेम्फा पोसेका, बान्सालाइहेङ ताइको साअ्ता सेवा सात्कार पाका, प्रभुको दासगेलाइको सेवा पाका, दुख परिकालाइहेङ साघाइका, कालाउ इसिकाङ ताइको जिबनता आसल काम पाका हिलि गोइखे।

तितस 2:14

केलाइहेङ पापको सरबुङसो बान्चिपालि कालाउ पबित्तरो बानाइलि येसु ख्रिस्ट ताइमिहेङ बलिदान पिहि, कालाउकि केलाइ वाकोङ द्‍याङ जेङलि द्वाको। कालाउ आसल कामगेलाइ पालि द्वाको।

३ युहन्‍ना 1:11

ओइ आनाउ खाङधुरि ओने, मारेम्का काम पाका द्‍याङगेलाइ भाइका माको, कालाउ रेम्का काम पाकालाइको आनुसरन पासु। जाइ रेम्फा पाखे वा परमेस्वरको सान्तान दोङ दोअ्तेङ तिङपाखे। जेसापा हासु बुङ मारेम्का काम पाखे पानु वा परमेस्वरहेङ नाल्का मान्थुखे।