1पतरुस 3:1 - Dhimal NT

^1-2 बे गेलाइ, नेलाइ बुङ ताइको के को आधिनता हिसु, कालाउकि जेसापा इम्बालाइ मध्ये हासु बुङ परमेस्वरको बचनता खाङधुरि पालिसो इन्कार पाखे पानु, नेलाइको ब्यभारहोइ इम्बालाइहेङ हाइ दोङ मादोअ्सिङ बुङ खान्धुराइ बानाइलि इम्बालाइ ख्रिस्टता खाङधुरि पावा, जेलाउ इम्बालाइ नेलाइहेङ सुद्द कालाउ भक्ति ब्यभार तिनावा।

धिमाल

¹ बेअ्‌गेलाइ, नेलाइ ताइको केअ्‌को आधिनता हिसु। एन्‍सा जेङनु परमेस्‍वरको कथनता खान्‍धुर मापाका नेलाइको केअ्‌गेलाइ बुङ ताइको बेअ्‌गेलाइको बेभारसो नेलाइ हाइदोङ मादोअ्‌लाउ बुङ एम्‍बालाइ परमेस्‍वरको कथनता खान्‍धुर पावा।

1पतरुस 3:1 Iomraidhean Croise

मत्‍ति 18:15

जेलाउ नाङको खाङधुरि सानाइति नाङको बिरोधता आपाराध पाकानु वासेहेङ एकलाङ हानितेङ सम्झाइ। कालाउ वा नाङको काथा हिङहि कालाउ पाप पालि लाअ्हि पानु, नाअ् नाङको खान्धुराइ सानाइतिहेङ घुरिपातेङ चुमाना।

रोमि 10:16

कालाउ ओबालाइ झाराङ सुसमाचार खाङधुरि मापाखे, हाइपालिपानु यासाइया परमेस्वरको बक्ता दोअ्खे, “प्रभु, आधिमि द्‍याङगेलाइ खिनिङ केलाइको सन्देसहेङ खाङधुरि पाका हि।”

रोमि 6:17

नेलाइ लाम्फा पापको बान्धाइति हिघासुखेना, कालाउ एला नेलाइ निङका सिक्स्या किलि केम्का जेङका हिसुना। कालाउ का वाको भाअ्सिङ परमेस्वरहेङ ह्रदयसोङ धन्यबाद पिखा।

रोमि 7:2

उधारनको भाअ्सिङ, एमि बेबाल ताइको के बान्चिपा भरि व्यवस्था बोमजिम वाको दोफाङ हिलि गोइखे। कालाउ जेसापा वाको के सिहि पानु वा बिहुको सामान्दासो मुक्त जेङखे।

1 कोरिन्थि 11:3

कालाउ नेलाइ एनोङ काथा गिसु दोअ्का का भोखा, कि झाराङ द्‍याङको पुरिङ येसु ख्रिस्ट हिका हि, कालाउ बेजानको पुरिङ वाको के दोङ हि, कालाउ ख्रिस्टको पुरिङ परमेस्वर हिका हि।

1 कोरिन्थि 14:34

बेजानगेलाइ मन्डलिको सभाता सिकापा ह्याको। हाइपालिपानु इम्बालाइहेङ धुइका आनुमति मान्थु, कालाउ व्यवस्था दोनाङ भाइपा इम्बालाइ आधिनता ह्याको।

1 कोरिन्थि 7:16

बे गेलाइहेङ थाहा ह्याको कि, नेलाइको कारनहोइ नेलाइको के बद्लिलि द्वावा। कालाउ एन्साङ दोङ के गेलाइहेङ थाहा ह्याको कि, नेलाइको कारनहोइ नेलाइको बे बद्लिलि द्वावा।

एफिसि 5:33

कालाउ या काथा नेलाइता बुङ लागु जेङखे, नेलाइ झाराङ ताइको बे हेङ ताइमिहेङ भाइपाङ प्रेम पालि गोइखे, कालाउ बे बुङ ताइको के हेङ आदार पालि गोइखे।

कलस्सि 3:18

बे गेलाइ, ताइको के को आधिनता हिलि गोइखे, हाइपालिपानु नेलाइ प्रभु येसुको खान्धुराइगेलाइ हिसुना।

कलस्सि 4:5

नेलाइ खान्धुराइगेलाइ दोङ हिसुना दोअ्तेङ तिङपालिको भाअ्सिङ गोताङ आबसर रेम्फा प्रयोग पासु, येसुता खाङधुरि मापाकालाइ दोफा बुद्दिमानि दोफा ब्यभाहार पासु।

2 थेस्लोनिकि 1:8

परमेस्वरहेङ इन्कार पाकालाइहेङ कालाउ केलाइको प्रभु येसुको सुसमाचार माकिकालाइहेङ वा दोङ दन्ड प्यावा।

हिब्रु 11:8

खाङधुरि पाहासो आब्राहाम दोअ्का द्‍याङ परमेस्वर दोङ काइका बेला वाको आग्या केम्हि कालाउ हाने दोअ्का थामे भारि हानिहि, जेदोङ थामे परमेस्वर उत्तराधिकारको रुपता वासेहेङ न्हुसो पिधावा, कालाउ हिसो हानेलि थाहा मानिङसिङ वा ताइको सारभि लाअ्तेङ हानिहि।

हिब्रु 5:9

परमेस्वर येसुहेङ मल्किसेदेक प्राधान पुजारिको लाहारिपा साम्मान पिहि। कालाउ जेलाउ येसु पुराङ सिद्द जेङहि वाको आग्या किका झाराङको भाअ्सिङ वा आनान्तको मुक्तिको मुलि जेङहि।

1पतरुस 1:22

हाइपालिपानु नेलाइ सत्ये पालन पातेङ सुद्द जेङका हिसुना, एला नेलाइ ताइको दोफाङको खान्धुराइगेलाइहेङ चोखो प्रेम पासु। कालाउ एमिसो भेनेङहेङ ताइको ह्रदयको लिता सोङ प्रेम पातेङ हिसु।

1पतरुस 3:7

एसापा दोङ नाअ् के गेलाइ ताइको बे गेलाइदोफा बिचारसिल जेङतेङ ब्यभार पासु। कालाउ नेलाइ इदोइ फोम ताअ्लि गोइखे कि इम्बालाइ नेलाइ खान्तेङ हुइका हि, ओदोङ भाअ्सिङ नेलाइ इम्बालाइको साम्मान पालि गोइखे। हाइपालिपानु नेलाइ न्हेमि दोङ परमेस्वरको आनुग्रह दोफाङ पिका बरदानता साझे होकदार हिसुना, जेदोङ आनान्त जिबन दोङ। एसा पासु कालाउकि जेलाउ नेलाइ वासेहेङ प्रार्थाना पास्वाना परमेस्वर हिङ प्याको।

1पतरुस 4:17

हाइपालिपानु परमेस्वरको ताइकोङ जाहान दोफा न्याय सुरु जेङका सोमोइ लोलि दोका हि। जेसापा परमेस्वर लाम्फा केलाइ खाङधुरि पाकालाइको न्याय पाङ, कालाउ वाकोसो लोका सुसमाचार माकिकालाइहेङ हिसिका हि वाला इङको काथाको बारेता सोचेसु।