1पतरुस 2:9 - Dhimal NT

⁹ कालाउ नेलाइ इन्सिका माको, हाइपालिपानु नेलाइ परमेस्वरको साल्न्हाका द्‍याङगेलाइ हिसुना, नेलाइ परमेस्वरको पुजारिगेलाइ हिसुना, जाइ राजा हि। नेलाइ परमेस्वरको सेवा पालि समरपित जेङका द्‍याङगेलाइ निजि प्रजा हिसुना। वा नेलाइहेङ कालाउ कितिकितिकासो ताइको आधभुत फाइसालामकाता चुमाका हि, कालाउकि नेलाइ परमेस्वरको भारभुसाइका कामगेलाइसो घोसाना पालि दोसु।

धिमाल

⁹ कालाउ बुङ नेलाइ ते परमेस्‍वर साल्‍का खालगेलाइ, राजाको धामिगेलाइ, पुनित जात्‍यागेलाइ, परमेस्‍वरको ताइकोङ राइतिगेलाइ एइ। वा नेलाइहेङ कितिकितिकासो वाको भारभुसाइका फासालाम्‍काता चुमाहि। कालाउ नेलाइ वाको भारभुसाइका कामगेलाइ पारचार पालि दोसु।

1पतरुस 2:9 Iomraidhean Croise

मत्‍ति 4:16

जाइ परमेस्वरहेङ मानाल्तेङ कितिकितिकाता हिकालाइ एनोङ बार्का फाइसालामका तिनावा। इदोइ फाइसालामका दोङ उङको द्‍याङगेलाइहेङ मुक्तिको दामा तिम्पावा, जाइ परमेस्वरहेङ मानाल्तेङ जिबन बितिपाखे, कालाउ जेलाउलाउको भाअ्सिङ सिकाको साजाइ जेनाङ।

मत्‍ति 5:16

नेलाइको फाइसालामका द्‍याङगेलाइको आगाता एसा थाअ्साइताको, कालाउ ओबालाइ नेलाइको रेम्का काम तिनाको, कालाउ स्वर्गता हिका नेलाइको परमेस्वर आबाको महिमा जेनाको।

लुका 1:79

वा दाकिलकिलकाता हिकालाइ कालाउ आनान्त कालको भाअ्सिङ सिलि तोम्कालाइहेङ फाइसालामका प्यावा। इङको फाइसालामकाहोइ केलाइहेङ परमेस्वरको सान्तिको दामाता थोअ्नावा।

युहन्‍ना 17:19

इम्बालाइको फाइदाको भाअ्सिङ का ताइमिहेङ दोङ पबित्तरो बानाइखा, कालाउकि इम्बालाइ बुङ सत्येसो पबित्तरो जेनाको।

साल्न्हाका चात्या 20:28

नेलाइ ताइको कालाउ ताइको गोताङ हुलको भाअ्सिङ चङख हिसु, पबित्तरो आत्मा नेलाइहेङ मन्डलिको आगुवा बानाइकानाङ हि। वा ताइकोङ हितिहोइ चोल्का परमेस्वरको मन्डलिहेङ नेलाइ सामाराइसु।

साल्न्हाका चात्या 26:18

कि नाअ् द्‍याङगेलाइहेङ सत्ये तिङपाना, कालाउकि इम्बालाइ कितिकितिकासो फाइसालामकाता कालाउ साइतानको सरबुङसो परमेस्वर भारि घुरियाको। कालाउ परमेस्वर इम्बालाइको पापगेलाइ स्यामा पापियाङ कालाउ इम्बालाइ कासेहेङ खाङधुरि पानाङ पबित्तरो हिकालाइको थामे इम्बालाइ बुङ निनावा।

साल्न्हाका चात्या 26:28

राजा आग्रिप्पा पावलहेङ दोअ्हि, “हाइ नाअ् कासेहेङ आतुइसा सोमोइता ख्रिस्टियान बानाइलि द्वाना?”

रोमि 9:24

यहुदि ह्याको चाहे गैर-यहुदि ज्याको, केलाइते वाको चुनिका द्‍याङगेलाइ हिनाहि।

1 कोरिन्थि 3:17

जेसापा हासु बुङ परमेस्वरको द्‍याङगेलाइको एक्ताहेङ नासा पाखे, वासेहेङ परमेस्वर साजाइ प्याङ। हाइपालिपानु परमेस्वरको मुन्दिर पबित्तरो हिखे, कालाउ इङको मुन्दिर चाहि नेलाइ दोङ हिसुन्हा।

एफिसि 1:14

हाइपालिपानु परमेस्वर केलाइहेङ पबित्तरो आत्मा पिलि दोका हि पानु, पाक्का दोङ वा केलाइहेङ प्रतिग्या पाका आरु रेम्का आमेनेगेलाइ बुङ प्याङ। कालाउ या जेनावा जेलाउ परमेस्वर केलाइहेङ वाकोङ द्‍याङगेलाइको रुपता पुर्न रितहोइ लाअ्पावा। कालाउकि केलाइ परमेस्वरको बाखिन कालाउ महिमा पाइने।

एफिसि 1:6

कालाउकि केलाइ वाको बार्का आनुग्रहको भाअ्सिङ परमेस्वरको बाखानाइ पालि द्वाको। या वा ताइको चान दोफाको केलाइको सम्बन्धको कारन केलाइहेङ एन्साङ पिका हि।

एफिसि 3:21

केलाइको येसु ख्रिस्ट दोफाको सम्बन्धको कारन मन्डलिता परमेस्वरहेङ पुस्तासो पुस्ताङ थेकापा जेलाउलाउ बुङ महिमा मिलियाको। आमेन।

फिलिप्पि 3:14

का स्वर्गको इनाम निङलिको भाअ्सिङ ल्क्स्य भारि हानिदोङखा इङको पुरुस्कार चाहि परमेस्वर कासेहेङ स्वर्गता काइका हि, हाइपालिपानु येसु ख्रिस्ट काङको भाअ्सिङ सिपिहि।

कलस्सि 1:13

खान्धुराइ ओनेगेलाइ, नेलाइ रेम्का काम पालि मामाइसु। हाइपालिपानु वा केलाइहेङ साइतानको सरबुङसो लाअ्पाका हि, कालाउ ताइको मायारु चानको सासनता चुमाका हि।

2 तिमोथि 1:9

परमेस्वर केलाइहेङ बान्चिपाहि कालाउ पबित्तरो जिबन जियाइलि काइहि। केलाइ रेम्का काम पाकानाङ काइका माको, भरु ताइको योजाना कालाउ आनुग्रहहोइ परमेस्वर केलाइहेङ बान्चिपाहि। जेदोङ आनुग्रह वा येसु ख्रिस्ट पाहासो सुमिङहेङ सिरजाइका खान्तेङ लाम्फा पिका हिघाहि।

तितस 2:14

केलाइहेङ पापको सरबुङसो बान्चिपालि कालाउ पबित्तरो बानाइलि येसु ख्रिस्ट ताइमिहेङ बलिदान पिहि, कालाउकि केलाइ वाकोङ द्‍याङ जेङलि द्वाको। कालाउ आसल कामगेलाइ पालि द्वाको।

1पतरुस 1:2

आबा परमेस्वर लाम्फाङ नेलाइहेङ वाको द्‍याङ जेङलि कालाउ पबित्तरो आत्माको काम पाहासो नेलाइहेङ पबित्तरो बानाइलि चुनिलि निर्नय पाका हिघाहि। वा इसिका पाहि कालाउकि नेलाइ येसु ख्रिस्टको आग्या केम्सु कालाउ वाको हिति पाहासो सुद्द जेङलि दोसु। का प्रार्थाना पाखा कि परमेस्वर नेलाइहेङ नुगामारि थेकापा आनुग्रह कालाउ सान्ति प्याको।

1पतरुस 4:11

उधारनको भाअ्सिङ, जेसापा नेलाइ दोफा प्राचार पाका बरदान हि पानु, नेलाइ परमेस्वरको बचन प्राचार पालि गोइखे। जेसापा नेलाइ दोफा आरु द्‍याङगेलाइहेङ साघाइका बरदान हि पानु, इङकोहेङ परमेस्वर नेलाइहेङ पिका तागतहोइ पासु। कालाउ येसु ख्रिस्ट पाहासो नेलाइहेङ परमेस्वर महिमाता चुमावा। गोताङ महिमा कालाउ सरबुङ जेलाउलाउ बुङ वाको दोङ हि! आमेन।

प्रकास 5:10

कालाउ नाअ् ओबालाइहेङ राजागेलाइ कालाउ पुजारिगेलाइ बानाइन्हा, जाइ केलाइको प्रभु परमेस्वरको सेवाको काम पाखे, कालाउ इम्बालाइ प्रिथिबिता राजागेलाइ भाइपा सासन पावा।”