1पतरुस 2:6 - Dhimal NT

⁶ इदोइ धर्मसास्तरता परमेस्वर दोअ्का भाइकाङ हि, खाङसु! का सियोन सहरता कुन्हाको उन्ठुइ भाइकाङ हासुहेङ बुङ ताअ्दोङखा। वा खाम्बा योम्पालिको भाअ्सिङ चुनिका एमि मेनाङ जाङका उन्ठुइ भाइकाङ हि। जाइ वाको ह्रुता भोरोसा पाखे वा लेदेरलि मागोइयाङ।

धिमाल

⁶ हाइदोनु धरमकिताबता इसिका लेखेन्‍हाका हि: “खाङसु, का साल्‍का हेन्‍जाङ दामि उन्‍थुइ सियोनता ताअ्‌का हिघा। कालाउ वाता खान्‍धुर पाकालाइ हेअ्‌लाउ लेदेरता मापर्‍यावा।”

1पतरुस 2:6 Iomraidhean Croise

मत्‍ति 12:18

काङको बान्धाइति का वासेहेङ छाल्का हिघा: काङको मायारु चान का वाकोसो हाउसाइघा, का काङको आत्मा वाकोता ताअ्पियाङका, कालाउ वा गोताङ गैर-यहुदिगेलाइहेङ न्यायको प्राचार पाङ।

मर्कुस 12:10

हाइ नेलाइ परमेस्वरको धर्मसास्तरको इङको भाग पढेका मान्थु सुन्हा जेदोङता ख्रिस्ट दोफा दाजिलि एनोङ महत्व पुर्न उन्ठुइ दोफा पाका हि? इङको एसा दोअ्खे, जेदोङ उन्ठुइहोइ मिस्तिरिगेलाइ थाइगिल्हि, इङको ओदोङ मुल उन्ठुइ हि, जेदोङ पुरा साअ् धामलि मुल उन्ठुइ जेङहि।

लुका 20:17

येसु द्‍याङगेलाइहेङ खाङतेङ दोअ्हि, कालाउ इदोइ धर्मसास्तरता लेखेकाको माने हाइ कुनु? जेदोङ उन्ठुइहेङ मिस्तिरिगेलाइ थाइगिल्हि इङको ओदोङ मुलि उन्ठुइ हि, जेदोङ साअ् धाम्लि मुलि उन्ठुइ जेङहि।

लुका 23:35

द्‍याङगेलाइ येसुहेङ जाअ्तेङ खाङतेङ हिघाहि। यहुदि सासकगेलाइ वासेहेङ मेनाङ खुजालाइतेङ दोअ्हि, “खाङसु वा आरुहेङ बान्चिपाहि जेसापा या दोङ परमेस्वरको साल्का ख्रिस्ट दोङ नु ताइमिहेङ बुङ बान्चि पाको।”

युहन्‍ना 7:38

जाइ का ह्रुता खाङधुरि पाखे, धर्मसास्तर दोअ्का आन्सार वाको ह्रदयसो चिको झोरागेलाइ, जाइ जिबन पिखे झोतेङ ह्यावा।”

साल्न्हाका चात्या 1:16

कालाउ दोअ्हि, “ओइ खान्धुराइ ओनेगेलाइ, पबित्तरो आत्मा हेन्जा लाम्फा राजा दाउदसो यहुदाको बिसोइता दोअ्का हिघाहि। जेदोङ येसुहेङ रिम्पाकालाइको भाअ्सिङ दामा जेङहि। यहुदाको बिसोइता धर्मसास्तरता लेखेका काथा पुरा जेङलि आवस्यक हिघाहि।

रोमि 10:11

हाइपालिपानु धर्मसास्तरता परमेस्वरको बक्ता यासाइया येसु ख्रिस्टको बारेता एसापा लेखेका हि, “वाको ह्रुता भोरोसा ताअ्का हासु बुङ निरास माजेनाङ।”

एफिसि 1:4

परमेस्वर सुमिङ सिरजाइका खान्तेङ लाम्फा केलाइको ख्रिस्ट दोफाको सम्बन्धको कारन केलाइहेङ चुनिहि। कालाउकि केलाइ वाको आगाता पबित्तरो कालाउ निस्कलङ जेङलि द्वाको।

एफिसि 2:20

नेलाइ बुङ छाल्न्हाका चात्यागेलाइ कालाउ परमेस्वरको बक्तागेलाइ योम्पाका जगता बानाइका साअ् भाइका हिसुन्हा। कालाउ जगको मुलि उन्ठुइ चाहि येसु ख्रिस्ट ताइमिङ हि।

2 तिमोथि 3:16

गोताङ धर्मसास्तरगेलाइ परमेस्वर पाहासो दोङ लोका हि, कालाउ इङको द्‍याङगेलाइ सत्ये धिरपालि, कालाउ द्‍याङगेलाइहेङ गल्ति पाका महसुस पापालि कालाउ सहि काथा धिरपालिको भाअ्सिङ उपयोगि जेङखे।

1पतरुस 2:4

नेलाइ प्रभु येसुकोता लोका हिसुना। वा एनोङ साअ्को खाम्बा योम्पाका मुलि उन्ठुइ भाइका हि, कालाउ वा सिन्हुका उन्ठुइ हि। वासेहेङ हेन्जाङ द्‍याङगेलाइ सुइकार मापाहि, कालाउ परमेस्वर वासेहेङ चुनिहि कालाउ वासेहेङ मेनाङ जाङका थानिहि। कालाउ जेसाङ द्‍याङगेलाइ साअ् उन्ठुइहोइ धाम्खे, एन्साङ दोङ परमेस्वर बुङ नेलाइहेङ एनोङ समुहता जोम्पाका हि, जाइता परमेस्वरको आत्मा बासा हिखे, कालाउकि नेलाइ येसु ख्रिस्ट केलाइको भाअ्सिङ जेदोङ पाहि, इन्सिका पुजारिगेलाइ भोग चढाइका भाइका काम पालि दोअ्सु, जाइ परमेस्वरहेङ लेङचापालि दोखे।

1पतरुस 2:8

कालाउ आरोङ धर्मसास्तरता लेखेका हि, इदोइ उन्ठुइ द्‍याङगेलाइहेङ भोनोइता थुन्हा पावा, इदोइ एनोङ उन्ठुइ हि, “जाइ नेलाइहेङ थुन्हा पावा।” इम्बालाइ एन्सा थुन्हावा, हाइपालिपानु इम्बालाइ परमेस्वरको बचन केम्लिसो इन्कार पाखे। इदोइ दोङ परमेस्वर इम्बालाइको भाअ्सिङ परमेस्वरको योजाना पाका हि।

२ पत्‍रुस 1:20

कालाउ या काथा बुझिलि महत्व पुर्न हि कि धर्मसास्तरता नेलाइ पढेका परमेस्वरको बक्तागेलाइको बचन खिनिङ बक्तागेलाइको ताइकोङ बिचारगेलाइ खिनिङ माको।

२ पत्‍रुस 3:16

वा खान्धुराइगेलाइहेङ लेखेका ताइको गोताङ पात्तारागेलाइता, वा ओदोङ काथागेलाइ लेखेहि जेदोङ वा नेलाइहेङ लेखेहि। कालाउ वा ताइको पात्तारागेलाइता लेखेका आधे-आधे काथागेलाइ बुझिलि आप्थायारो हि। जाइ आधिमि द्‍याङगेलाइ रेम्फासो धिरका मान्थु कालाउ जाइ खाङधुरिता इस्थिर मान्थु, इम्बालाइ धर्मसास्तरता हिका आरु भागहेङ गलत तरिकाहोइ बाख्या पाका भाइपा इम्बालाइ इदोङ कथिन काथागेलाइको ब्याख्या गलत तरिकाहोइ पाखे। एन्सा पातेङ इम्बालाइ ताइमिङ परमेस्वरहेङ नासा पालि लागाइखे।