1पतरुस 2:25 - Dhimal NT

²⁵ लाम्फा, नेलाइ दामा आवाइतेङ भेडा मेसा कोनिङ हिघासुखेना कालाउ एला नेलाइ ताइको आत्माको लाखुरिया कालाउ रक्स्या पाकाता ख्रिस्टकोता घुरितेङ लोका हिसुना।

धिमाल

²⁵ हाइदोनु नेलाइ भेरागेलाइभाइपाङ बान्‍दालाइगिल्‍का हिघासुन्‍हा। कालाउ एला नेलाइको हाङसाको घोका रो सामर्‍हाइकाकोता नेलाइ घुरितेङ लोका हिसुन्‍हा।

1पतरुस 2:25 Iomraidhean Croise

मत्‍ति 18:12

“नेलाइ हाइ बिचार पासुखेना?” एसाइ भेडा हिका द्‍याङको एनोङ भेडा राम्हे पानु वा हाइ पावा? वा दोङ आरु उनान्साइ भेडाहेङ इन्ताङ तिकारता लाअ्तेङ, राम्काहेङ भोअ्लि मान्हावा रो?

मत्‍ति 9:36

जेलाउ येसु द्‍याङगेलाइको जेरहेङ तिङतेङ वाको मन दायाहोइ पोङघाहि, हाइपालिपानु इम्बालाइते लाखुरिया माकोसिङको भेडागेलाइ भाइपा चिलिबिलिका कालाउ साघाइ मानिङका भाइका आवाइ तुगिल्का हिघाहि।

साल्न्हाका चात्या 20:28

नेलाइ ताइको कालाउ ताइको गोताङ हुलको भाअ्सिङ चङख हिसु, पबित्तरो आत्मा नेलाइहेङ मन्डलिको आगुवा बानाइकानाङ हि। वा ताइकोङ हितिहोइ चोल्का परमेस्वरको मन्डलिहेङ नेलाइ सामाराइसु।

हिब्रु 13:20

कालाउ एला, सान्तिको परमेस्वर, जाइ प्रभु येसुहेङ सिकासो सिन्हु पाहि, वाको इच्छा पुरा पालिको भाअ्सिङ नेलाइहेङ गोइका गोताङ गुनगेलाइ प्याको, कालाउ परमेस्वर वासेहेङ मन परिका गोताङ काथागेलाइ येसु ख्रिस्ट पाहासो पालिको भाअ्सिङ केलाइहेङ साघाइयाको। येसु दोङ भेडागेलाइको आसल लाखुरिया हि दोअ्का काथा आनान्त बाचाको चिन्हा वाको हितिसो दोङ तिङपाखे, वासेहेङ दोङ जेलाउलाउको भाअ्सिङ महिमा मिलियाको। आमेन।

हिब्रु 3:1

ओदोङ भाअ्सिङ परमेस्वर वाको दोफा स्वर्गता झ्वाइनालि काइका खान्धुराइ ओनेगेलाइ दोङ हिसुना, येसुता मन लागाइसु जाइ केलाइको भाअ्सिङ परमेस्वरको दुत कालाउ प्राधान पुजारि जेङका हि।

हिब्रु 5:2

हाइपालिपानु प्रधान पुजारिगेलाइ बुङ स्वयम ताइमिङ गोताङ कमजोर द्‍याङगेलाइ भाइकाङ दोङ। ओदोङ भाअ्सिङ इम्बालाइ मोनोइ जेङतेङ मागितेङ गलत काम पाकालाइ कालाउ दामा बिराइतेङ हानिकालाइहेङ सम्झाइलि दोखे।

1पतरुस 3:20

इदोइ ते इङको आत्मागेलाइ हिघाहि, जाइ हेन्जाङ सोमोइ लाम्फा परमेस्वरको आग्या माकेम्हि। जेलाउ नुहा ताइको जाहाज बानाइदोङघाहि, कालाउ द्‍याङगेलाइ पक्स्य पात पाङ कि दोअ्तेङ परमेस्वर धर्य पातेङ ह्रुतेङ हिघाहि। कालाउ येए झनाहेङ खिनिङ थिलि गोइका बानेसो बान्चिपाहि।

1पतरुस 5:4

जेलाउ येसु ख्रिस्ट धुरितेङ ल्वाङ, जाइ केलाइको मुख्य लाखुरिया हिका हि, कालाउ नेलाइहेङ एनोङ कोइनाका मुकुट प्याङ। जाइको चिल्काका हेलाउ बुङ कम माजेनाङ।