1पतरुस 2:23 - Dhimal NT

²³ जेलाउ द्‍याङगेलाइ येसुहेङ आपामान पाहि, वा ओबालाइको आपामान मापाहि। जेलाउ द्‍याङगेलाइ वासेहेङ कस्ट पिहि, वा इङको बदलाता इम्बालाइहेङ चोट थुका पापाका कोसिस हेलाउ बुङ मापाहि। भरु वा साघाइलिको भाअ्सिङ परमेस्वरता भोरोसा ताअ्हि। वासेहेङ थाहा हिघाहि कि परमेस्वर जेलाउ बुङ द्‍याङगेलाइको न्याय उचित तरिकाहोइ पाखे।

धिमाल

²³ हासुङ वासेहेङ बादनाम पालाउ बुङ वा हासुङदोफाङ नुइ मालागेहि। हेथे तु: भोगेलि गोइलाउ बुङ वा हासुहेङ बुङ धामास मापिहि। कालाउ वा उचित निया पाका परमेस्‍वरता दोङ भर ताअ्‌हि।

1पतरुस 2:23 Iomraidhean Croise

लुका 23:41

केलाइको दन्डते न्याय उचित हि, हाइपालिपानु केलाइको काम आन्सार उचित दन्ड निङन्हाहि। कालाउ वाते हिदोइ बुङ मारेम्का काम पाका मान्थुघाहि।

लुका 23:46

येसु बार्का गालाहोइ ह्रिकाइतेङ दोअ्हि, हे आबा, का काङको आत्मा नाङको खुरता पिदोङखा। इङको झोको दोअ्तेङ वा ताइको प्रान लाअ्हि।

लुका 23:9

राजा हेरोद वासेहेङ हेन्जा काथा हिअ्हि, कालाउ येसु हाइ दोङ जोबाफ मापिहि।

साल्न्हाका चात्या 17:31

हाइपालिपानु परमेस्वर सुमिङको सारा द्‍याङगेलाइहेङ ठिक दोफा न्याय पाका दिना तोकि पिका हि। याको भाअ्सिङ वा एमि द्‍याङहेङ चुनिका हि। जाइसो सुमिङको न्याय जेनाङ। वासेहेङ सिकासो सिन्हु पातेङ परमेस्वर गोताङ द्‍याङगेलाइहेङ इङको को प्रमान पिका हि।

साल्न्हाका चात्या 4:29

एला हे प्रभु, इम्बालाइको धम्कि हिङपि, कालाउ नाङको बान्धाइतिगेलाइहेङ पुरा साहास दोफाङ नाङको बचन धुइलि पि।

साल्न्हाका चात्या 7:59

जेसाङ ओबालाइ स्तिफनहेङ उन्ठुइहोइ तोतेङ हिघाहि, वा प्रार्थाना पाकाताङ हिघाहि कालाउ वा दोअ्हि, “प्रभु येसु काङको आत्माहेङ ग्रहन पापि।”

साल्न्हाका चात्या 9:1

एन्सालाउ दोङ साउल बारामबार प्रभु येसुको चात्यागेलाइहेङ सेअ्लि धोम्कि पिकाताङ हिगिल्घाहि। कालाउ वा प्राधान पुजारिकोता हानिहि।

रोमि 2:5

कालाउ नेलाइ ताइको ह्रदयहोइ थाङ पातेङ पाप पालि लाअ्तेङ परमेस्वर भारि घुरिलि माभोसुन्हा। ओदोङ भाअ्सिङ जेलाउ परमेस्वर द्‍याङगेलाइको न्याय पाङ, कालाउ वा ताइको चेरचुङ तिङपातेङ नेलाइहेङ आझाइ थाङका दन्ड प्याङ।

एफिसि 6:9

एन्साङ पातेङ गिह्रिगेलाइ, नेलाइ बुङ ताइको बान्धाइतिगेलाइहेङ धम्कि मापिसु भरु रेम्का ब्यभार पासु, या गितेङ कि नेलाइ न्हेमिकोङ एनोङ दोङ गिह्रि स्वर्गता हि, वा झाराङ द्‍याङगेलाइ दोफा ए-सामान ब्यभार पाखे।

2 थेस्लोनिकि 1:5

कालाउ परमेस्वर इदोइ सान्ताइन्हाका को प्रयोग ताइको न्याय तिङपालि कालाउ नेलाइहेङ परमेस्वरको सासनको भाअ्सिङ योग्य बानाइलि प्रयोग पावा, जाइको भाअ्सिङ नेलाइ दुख भोगितेङ हिसुना।

2 तिमोथि 1:12

ओदोङ सुसमाचार प्राचार पालिको भाअ्सिङ का झ्यालखानाता कस्ट भोगिलि गोइतेङ हिघा। कालाउ बुङ का मालेदेरखा, हाइपालिपानु का ख्रिस्टहेङ नाल्खा जाइ ह्रुता का भोरोसा बुङ ताअ्का हिघा। कालाउ कासेहेङ इदोइ निसित हि, कि परमेस्वर कासेहेङ जिम्मा पिका काथाहेङ ख्रिस्ट ताइमिङ आरोङ घुरितेङ मालोपा धाउ इङको काथा जोगाइतेङ ताअ्ताङ।

2 तिमोथि 4:8

एला प्रभु कासेहेङ एनोङ इनाम प्याङ, जेदोङ चाहि काङको आसल पाका कामको इनाम हि। ठिकसो न्याय पाका प्रभु दोङ कासेहेङ इङको इनाम प्याङ जेलाउ वा आरोङ ल्वाङ। कालाउ का खिनिङ माको, कालाउ वाको लोका दामा खाङका झाराङहेङ इङको इनाम प्याङ।

हिब्रु 12:3

ओदोङ भाअ्सिङ येसुको उधारनको बारेता बिचार पासु, वासेहेङ मान्दा माताका पापि द्‍याङगेलाइसो वा दोङ ओसारापा बिरोध हेसा सहिहि वाला, ओदोङ भाअ्सिङ नेलाइ माइतेङ हारेस माचासु।

1पतरुस 3:9

खाराबिको बदला खाराबि मापालि माकुनु आपामानको बदला आपामान मापालि, भरु इङको को सातोता आसिस पिका जेङसु, नेलाइ इम्बालाइको भाअ्सिङ आसिस ह्रेलि गोइखे हाइपालिपानु नेलाइ परमेस्वर पाहासो आसिस पिलिको भाअ्सिङ काइन्हाका हिसुना, कालाउकि नेलाइ परमेस्वरसो आसिस निङलि दोसु।

1पतरुस 4:19

ओदोङ भाअ्सिङ जाइ परमेस्वर गोइका आन्सार दुख भोगिखे, वा इम्बालाइहेङ बानाइका परमेस्वरता भोरोसा ताअ्तेङ हिलि गोइखे। परमेस्वर जेलाउ बुङ ताइमि प्रतिग्या पाका काथा पुरा पालि गोइखे, ओदोङ भाअ्सिङ रेम्का काम पातेङ हिसु।

प्रकास 19:11

आरोङ का स्वर्गहेङ हेअ्नाका तिङघा, इन्ता काङको आगाता एनोङ जे:का ओह्याँ हिघाहि। जाइ वाको ह्रुता दोल्हि, वा इसिका हि वासेहेङ खाङधुरि पालि द्वास्वाना कालाउ वा माधाताइखे। कालाउ वा धार्मिक दोफाङ वा ताइको सतुरुगेलाइको न्याय पाखे कालाउ इम्बालाइको बिरोधता फेसुखे।