1पतरुस 2:22 - Dhimal NT

²² धर्मसास्तरता लेखेका हि, “वा हेलाउ बुङ पाप मापाहि। वा हेलाउ बुङ हिदोइ बुङ धाताइका माधुइहि।”

धिमाल

²² “वा हिदिङ कुकरम मापाहि रो वाको नुइसो हासुङ बुङ धाताइका काथा माहिङहि।”

1पतरुस 2:22 Iomraidhean Croise

मत्‍ति 27:19

पिलातस न्याय पाका आसानता योम्तेङ हिलाउ वाको बे वासेहेङ एनोङ बानाल पिगिल्हि। उङको निरदुसिको बिरोधता हाइ दोङ मापा वाको बारेता नानिको न्हिसिनता का सोप्पन तिङघा। इङको सोप्पनसो वाको कारन का हेन्जाङ दुख भोगेघा।

मत्‍ति 27:4

कालाउ वा दोअ्हि, का निरदुसि द्‍याङहेङ सेअ्लिको भाअ्सिङ रिम्पा पिघा। कालाउ इम्बालाइ दोअ्हि, नाअ् दोफा केलाइहेङ इङको वास्ता मान्थु इङको नाङको समस्या केलाइको माको।

लुका 23:41

केलाइको दन्डते न्याय उचित हि, हाइपालिपानु केलाइको काम आन्सार उचित दन्ड निङन्हाहि। कालाउ वाते हिदोइ बुङ मारेम्का काम पाका मान्थुघाहि।

लुका 23:47

रोमि सिपालाइको कप्तान इन्ता जेङका गोताङ घाटानागेलाइ तिङहि, वा परमेस्वरको बाखिन पाकाताङ दोअ्हि, जातिङ भारि इदोइ द्‍याङ निसित दोङ धर्मि द्‍याङ हिघाहि।

युहन्‍ना 1:47

येसु नाथानेलहेङ ताइकोता लोकाताङ पाका तिङतेङ वाको बिसोइता दोअ्हि, “खाङसु एमि खाङधुरि योग्य इस्राएल सारभिको हारागुटिया, जाइ चाहि पुर्न रुपता इमान्दार हि।”

युहन्‍ना 8:46

नेलाइ मध्येसो हासु कासेहेङ पाप पाका दुसिलि लागाइलि द्वावा? जेसापा का सत्ये धुइखा पानु, हाइ पालि नेलाइ का ह्रुता खाङधुरि मापा सुखेना?

2 कोरिन्थि 5:21

ख्रिस्टता पाप दोङ मान्थुघाहि, कालाउ परमेस्वर वासेहेङ पापि भाइपा ब्यभार पाहि, कालाउ बुङ केलाइ वाको नजरता धर्मि जेङलि द्वाको दोअ्तेङ ख्रिस्ट दोङ केलाइको पापको भाअ्सिङ दन्ड ह्रुपिहि।

हिब्रु 4:15

केलाइ खाङधुरिहेङ थामितेङ ताअ्ताइने हाइपालिपानु केलाइको प्राधान पुजारि जाइ येसु ख्रिस्ट हि, वा केलाइको गोताङ कमजोरिगेलाइ बुझिपिखे, केलाइहेङ भाइपा साइतान येसुहेङ गोताङ काथाता जाचिहि, कालाउ बुङ वा हिदोइ बुङ पाप मापाहि।

हिब्रु 9:28

एसा पासोङ हेन्जा द्‍याङगेलाइको पाप ल्होपातेङ चुम्पुलिको भाअ्सिङ ख्रिस्ट ताइमिहेङ एखे भोग पिहि, कालाउ वा आरोङ ल्वाङ, इङको बेला ताइमिहेङ पापको भोगको भाअ्सिङ माको, भरु वाको लोका दामा खाङतेङ हिकालाइहेङ बान्चिपालिको भाअ्सिङ ल्वाङ।

१ युहन्‍ना 2:1

नेलाइ जाइ काङको आनाउ जामाललाइ भाइका हिसुन्हा, नेलाइ पाप मापासु दोअ्तेङ का इदोइ काथा नेलाइहेङ लेखेतेङ हिघा। कालाउ हिदोइ बुङ द्‍याङ पाप पाखे पानु बुङ आबा परमेस्वर दोफा केलाइको पक्स्यता धुइपिका एमि हि, जाइ केलाइको पाप स्यामाको भाअ्सिङ परमेस्वर दोफा बिन्ति पापिखे। उङको द्‍याङ दोङ येसु ख्रिस्ट हि, जाइ परमेस्वरको आगाता पुरा रुपता ठिक हि।

१ युहन्‍ना 3:5

पापको आनान्त दन्ड मोअ्पालि ख्रिस्ट इदोइ सुमिङता लोहि दोअ्का काथा नेलाइ गिसुखेना। कालाउ वा हेलाउ बुङ पाप मापाहि।

प्रकास 14:5

इम्बालाइ हेलाउ बुङ माधाताइहि कालाउ इम्बालाइ दुसिन्हाका मान्थु।