1पतरुस 2:21 - Dhimal NT

²¹ परमेस्वर नेलाइहेङ काइका को कारन एनोङ कारन इदोइ हि कि नेलाइ वाको भाअ्सिङ कस्ट भोगिलि गोइस्वाना। ख्रिस्ट, जाइ नेलाइको भाअ्सिङ कस्ट भोगिहि। वा नेलाइको उधारन हि। ओदोङ भाअ्सिङ नेलाइ वाको पाका काम आनुकरन पालि गोइखे।

धिमाल

²¹ हाइपानु याकोङ भाअ्‌सिङ परमेस्‍वर नेलाइहेङ काइका एइ। ख्रिस्‍ट बुङ नेलाइको भाअ्‌सिङ तु: भोगेहि रो नेलाइको भाअ्‌सिङ एलोङ नामुना जेङपिहि। कालाउ नेलाइ बुङ ख्रिस्‍टको तिङपाका दामाता तेलिगोयाङ।

1पतरुस 2:21 Iomraidhean Croise

मत्‍ति 10:38

हासु बुङ ताइको क्रुस फाअ्तेङ काङको दोफा मालोखे, उङको काङको चात्या जेङलि योग्य मान्थु।

मत्‍ति 11:29

काङको जुवा फाअ्सु कालाउ काङकोसो धिरसु, हाइपालिपानु का दायालु कालाउ मोनोइ हिघा, कालाउ नेलाइ ताइको प्रानता माइसा निङस्वाना।

मत्‍ति 16:24

कालाउ न्हुसो येसु ताइको चात्यागेलाइहेङ दोअ्हि कालाउ “एसापा नेलाइ काङको चात्या जेङलि खाङसुखेना पानु ताइको इच्छा लाअ्लि गोइखे। वा क्रुस फाअ्लि इस्सुक हिलि गोइखे कालाउ खिनिङ का दोफा लोसु कालाउ काङको चात्या जेङसु।”

लुका 24:26

कालाउ ख्रिस्ट दुख भोगिलि कालाउ वाको महिमाता दुल्लि आवस्यक हिघाहि।

युहन्‍ना 13:15

हाइपालिपानु का नेलाइहेङ उधाहरन तिङपाका हिघा, कालाउ जेसाङ का नेलाइको भाअ्सिङ पाघा, नेलाइ बुङ एन्साङ पासु।

युहन्‍ना 16:33

का नेलाइहेङ इदोइ काथा इदोइ कारनसो दोअ्का हिघा, कि नेलाइ सान्ति निङलि दोअ्सु, हाइपालिपानु नेलाइ काङको चात्या हिसुना। सुमिङता नेलाइहेङ दुख कस्टते जेनावा, कालाउ साहास पासु हाइपालिपानु का दोङ इदोइ सुमिङको सासक साइतानहेङ हारिपाका हिघा।

साल्न्हाका चात्या 14:22

कालाउ गोताङ नगरता जेङका चात्यागेलाइको आत्माहेङ बल्लियाका बानाइकाताङ ओबालाइहेङ खाङधुरिता हितेङ हिलि आर्ति पिहि, कालाउ हेन्जा कस्ट सहितेङ केलाइ परमेस्वरको सासनता दुल्लि गोयाङ दोअ्तेङ ओबालाइहेङ दोअ्हि।

साल्न्हाका चात्या 17:3

पावल इम्बालाइहेङ एसापा प्रमानित पातेङ बुझि पाहि, ख्रिस्ट दुख भोगिलि कालाउ सिकासो सिन्हुलि गोयाङ, “कालाउ का दोङ प्राचार पाका येसुको दोङ ओदोङ मुक्ति पिका ख्रिस्ट दोङ हि।”

साल्न्हाका चात्या 9:16

हाइपालिपानु द्‍याङगेलाइहेङ काङको बिसोइता दोअ्काता वा हेथे कस्ट भोगिलि गोयाङ, इङको का वासेहेङ तिङपाङका।”

रोमि 8:29

हाइपालिपानु जाइ-जाइहेङ परमेस्वर लाम्फासोङ चुनिका हि, वा इम्बालाइहेङ ताइको चान भाइपा जेङलि लाम्फासोङ चुनिहि, कालाउकि वाको चान गोताङ ओनेगेलाइ खान्तेङ जेठा ज्याको।

1 कोरिन्थि 11:1

जेसाङ का ख्रिस्टहेङ पिताइखा एन्साङ पातेङ नेलाइ बुङ काङको उधारनहेङ पिताइसु।

एफिसि 5:2

बोगेलाइको भाअ्सिङ प्रेममय जिबन बितिपासु, जेसाङ ख्रिस्ट बुङ केलाइहेङ प्रेम पाहि, कालाउ वा केलाइको पापको भाअ्सिङ ताइमिहेङ भोगको रुपता चढाइका हि। कालाउ परमेस्वर खुसि जेङहि, हाइपालिपानु बलिदान वाको भाअ्सिङ ताअ्का मालामालाका बासाना भाइका हिघाहि।

फिलिप्पि 2:5

नेलाइता इसिका मन ह्याको जेदोङ ख्रिस्ट येसुता बुङ हिघाहि।

1 थेस्लोनिकि 3:3

कालाउकि इदोइ कस्टगेलाइहोइ हासु बुङ हारेस माचाको। हाइपालिपानु नेलाइ ताइमिहेङ दोङ थाहा हि, कि केलाइ कस्ट भोगिलि गोइका हि। हाइपालिपानु या केलाइको भाअ्सिङ परमेस्वरको इच्छा दोङ हि।

1 थेस्लोनिकि 4:2

हाइपालिपानु नेलाइ गिसुखेना, कि केलाइ प्रभु येसुको खाबारासो निङका हिदोइ-हिदोइ आदेसगेलाइ नेलाइहेङ पिन्हाहि।

2 तिमोथि 3:12

परमेस्वरहेङ खुसि बानाइलि भोका कालाउ येसु ख्रिस्टता खाङधुरि पाका झाराङहेङ साताइयाङ।

हिब्रु 2:10

परमेस्वर गोताङ आनेमाने सिरजाइहि, कालाउ गोताङ आनेमाने वाको दोङ हि। ओदोङ भाअ्सिङ हेन्जा द्‍याङगेलाइहेङ वाकोङ महिमाता झ्वाइलि चुम्पुलिको भाअ्सिङ परमेस्वर निर्नय पाहि, कि प्रभु येसुहेङ दुख भोगिकासो सिद्द पालि उचित हि। हाइपालिपानु येसु दोङ द्‍याङगेलाइहेङ मुक्ति पिखे।

1पतरुस 1:20

इदोइ सुमिङ सिरजाइन्हाका खान्तेङ लाम्फाङ, येसु ख्रिस्ट मुक्ति दाता हिका ह्याङ दोअ्तेङ परमेस्वर सोमोइ खान्तेङ लाम्फाङ दोङ पाक्का पाका हिघाहि। कालाउ वा इदोइ आम्तिम दिनागेलाइता इदोइ सुमिङता नेलाइको फाइदाको भाअ्सिङ लोहि।

1पतरुस 2:24

जेलाउ ख्रिस्ट सिहि, वा क्रुस्टता केलाइको पापको भाअ्सिङ ताइको जिउता दन्ड भोगिहि। वा इसिका पाहि कालाउकि केलाइ पाप पालि लाअ्तेङ धर्मि जेङजेङ जिबन जियाइलि तेङलि द्वाइने। कालाउ वा सहिका चोटगेलाइ पाहासो केलाइ एल्का हिनाहि।

1पतरुस 3:18

का एसा दोअ्खा हाइपालिपानु केलाइको पापको कारन ख्रिस्ट बुङ कस्ट भोगिहि। कालाउ सिहि। वा एखे खिनिङ सिहि कालाउ यासेहेङ आरोङ घुरितेङ सिलि मागोइयाङ। वा एमि धर्मि द्‍याङ हिघाहि, जाइ पापि द्‍याङगेलाइको भाअ्सिङ सिहि कालाउकि वा केलाइहेङ परमेस्वरको भेरपा चुमालि दोका हि। इम्बालाइ वाको जिउ ते सेअ्हि कालाउ वाको आत्मा सिन्हुका हि।

1पतरुस 3:9

खाराबिको बदला खाराबि मापालि माकुनु आपामानको बदला आपामान मापालि, भरु इङको को सातोता आसिस पिका जेङसु, नेलाइ इम्बालाइको भाअ्सिङ आसिस ह्रेलि गोइखे हाइपालिपानु नेलाइ परमेस्वर पाहासो आसिस पिलिको भाअ्सिङ काइन्हाका हिसुना, कालाउकि नेलाइ परमेस्वरसो आसिस निङलि दोसु।

1पतरुस 4:1

ओदोङ भाअ्सिङ ख्रिस्ट इदोइ प्रिथिबिता हिलाउ दुख भोगिहि, कालाउ नेलाइ बुङ वा भाइपा बिचार ताअ्तेङ दुख भोगिलि तियार हिलि गोइखे। हाइपालिपानु जेसापा नेलाइ ख्रिस्टको भाअ्सिङ दुख भोगिलि इच्छा पासुखेना पानु, नेलाइ पाप पालि लाअ्लि निर्नय पाका हिसुना।

1पतरुस 4:13

याको बारेता लेङचासु, कालाउकि नेलाइ ख्रिस्ट भोगिका क्रुस्टता झ्वाइनाका हिसुना। ओदोङ भाअ्सिङ जेलाउ ख्रिस्ट गोताङ द्‍याङगेलाइहेङ ताइको महिमाता देखाल पिलि आरोङ ल्वाङ, कालाउ नेलाइको आनान्द जातिङकोङ बार्का जेनाङ।

१ युहन्‍ना 2:6

परमेस्वर दोफा ए हिनाहि दोअ्का द्‍याङ ताइमिङ बुङ येसुको भाइपा जिबन जियाइलि गोइखे।

१ युहन्‍ना 3:16

एसा पासोङ प्रेम हाइ वाला केलाइ थाहा गिनाखे, कि येसु ख्रिस्ट दोङ केलाइको भाअ्सिङ सिपिहि। ओदोङ भाअ्सिङ केलाइ बुङ आरु खान्धुराइगेलाइको भाअ्सिङ सिलि गोइलाउ बुङ तियार हिलि गोइखे।

प्रकास 12:11

केलाइको खान्धुराइ ओनेगेलाइ साइतानहेङ जितिका हि। इम्बालाइ थुमाको हितिको सरबुङहोइ साइतानहेङ हारिपाहि। इङको थुमा ओबालाइको पापसो लाअ्पालिको भाअ्सिङ सेअ्का हिघाहि। इम्बालाइ साइतानहेङ हारिपावा हाइपालिपानु ओबालाइ जेलाउ बुङ इदोइ सुइकार पातेङ हि कि थुमा ओलालाइको प्रभु हि। इम्बालाइहेङ साताइन्हातेङ सेन्हाहि, कालाउ बुङ ओबालाइ ताइको सुइकारसो पासा मासाराइहि।