1पतरुस 2:17 - Dhimal NT

¹⁷ झाराङ द्‍याङगेलाइहेङ आदार पासु। खान्धुराइ दादा-ओनेगेलाइ कालाउ बाइ-ओनेगेलाइहेङ प्रेम पासु, परमेस्वरसो थिसु राजाको आदार पासु।

धिमाल

¹⁷ झाराङहेङ मान पासु। खान्‍धुरि दादाओने बाइओनेगेलाइहेङ इन्‍ताना पासु। परमेस्‍वरदोफा थिसु रो राजाहेङ मान पासु।

1पतरुस 2:17 Iomraidhean Croise

मत्‍ति 22:21

उङको द्‍याङगेलाइ जोबाफ पिहि, इदोइ रोमि साम्रातको चित्तरो हि कालाउ इन्ता रोमि साम्रातको मिङ हि। येसु आरोङ दोअ्हि, जेदोङ रोमि साम्रातको हि इङको रोमि साम्रातहेङ पिसु कालाउ जेदोङ परमेस्वरको हि परमेस्वरहेङ पिसु।

युहन्‍ना 13:35

जेसापा नेलाइ एमिसो भेनेङहेङ प्रेम पास्वाना पानु इदोइ पाहासो झाराङ ग्यावा, कि नेलाइ काङको चात्यागेलाइ दोङ।

रोमि 12:10

ताइको जाहान भाइपाङ एमिसो-भेनेङहेङ मायारु पासु। कालाउ नाअ् ताइमिहेङ खान्तेङ हेन्जा बो गेलाइहेङ आदार पाअ्‌।

रोमि 13:7

तिरिलि गोइका झाराङहेङ तिरिसु, पोत ल्होपाकालाइहेङ पोत तिरिसु, एन्साङ पातेङ महसुल ल्होपाकालाइहेङ महसुल तिरिसु, आदार पालि गोइकाहेङ आदार पासु कालाउ इज्‍जत पालि गोइकाहेङ इज्‍जत पासु।

2 कोरिन्थि 7:1

ओदोङ भाअ्सिङ ओइ आनाउ सानाइतिगेलाइ, केलाइ दोफा इदोइ प्रतिग्यागेलाइ हिनाङ केलाइको जिउ कालाउ आत्माहेङ आसुद्द पाका गोताङ खाल्को मारेम्का कामगेलाइ पालि लाअ्सु, कालाउ परमेस्वरको आदार पातेङ केलाइ गोताङ रुपता पबित्तरो जिबन बितिपाका कोसिस पालि गोइखे।

एफिसि 5:21

केलाइको ख्रिस्ट दोफाको भक्तिको कारनसो एमिसो भेनेङको आधिनता हिसु।

फिलिप्पि 2:3

स्वार्थ कालाउ घमन्डता हाइ दोङ मापासु, कालाउ मोनोइता एमिसो-भेनेङहेङ ताइमिहेङ खान्तेङ हेन्जा महत्व पुर्न थानेसु।

1तिमोथि 6:1

हिदोइ बुङ खान्धुराइ बान्धाइति हि पानु, वा गोताङ काथाता ताइको गिह्रिको आदार पाको कालाउकि हिदोइ बुङ द्‍याङ परमेस्वरको मिङ कालाउ केलाइको धिरपाका सिक्स्याको निन्दा मापाको।

हिब्रु 13:1

नेलाइ ख्रिस्टता खान्धुराइ दादा कालाउ बाइ ओनेगेलाइ भाइपा एमिसो-भेनेङहेङ मायारु पातेङ हिसु।

1पतरुस 1:22

हाइपालिपानु नेलाइ सत्ये पालन पातेङ सुद्द जेङका हिसुना, एला नेलाइ ताइको दोफाङको खान्धुराइगेलाइहेङ चोखो प्रेम पासु। कालाउ एमिसो भेनेङहेङ ताइको ह्रदयको लिता सोङ प्रेम पातेङ हिसु।

1पतरुस 2:13

केलाइ गोताङ सासकको आधिनता हिलि गोइखे, जाइहेङ द्‍याङगेलाइ नियुक्त पाका हिखे, हाइपालिपानु इङको प्रभुको इच्छा दोङ। राजाको आधिनता हिसु जाइ झाराङ ह्रुता सासन पाखे।

1पतरुस 5:5

एन्साङ पातेङ धानागेलाइ, कालाउ वाराङ द्‍याङगेलाइको आधिनता हिसु। नेलाइ झाराङ मोमोइसोङ एमिसो भेनेङहेङ साघाइलि गोइखे। हाइपालिपानु धर्मसास्तरता लेखेका हि, “परमेस्वर घमन्डिगेलाइको बिरोध पाखे, कालाउ मोनोइगेलाइहेङ आनुग्रह पाखे।”