1पतरुस 2:16 - Dhimal NT

¹⁶ नेलाइहेङ दोअ्हि, हासु बुङ मान्थु जाइ नेलाइहेङ काम पालिसो रोकिलि द्वावा, हाइपालिपानु नेलाइ केलाइको प्रभु येसु ख्रिस्टसो लाम्फाङ स्वतन्तर जेङलि दोका हिसुना। कालाउ खाराका काम पालिको भाअ्सिङ यासेहेङ बाहाना माबानाइसु। भरु नेलाइ ताइको कामगेलाइता या तिङपालि गोइखे कि नेलाइ जातिङकोङ परमेस्वरको सेवकगेलाइ हिसुना।

धिमाल

¹⁶ फुका द्‍याङगेलाइभाइपाङ जेङतेङ हिसु। कालाउ बुङ फुका हिघा दोअ्‌तेङ मारेम्‍का कामचाहिँ मापासु। भुरुङ परमेस्‍वरको कामत्‍या जेङसु।

1पतरुस 2:16 Iomraidhean Croise

मत्‍ति 23:13

“ओइ कपटिगेलाइ मोसाको व्यवस्था धिरपाका द्‍याङगेलाइ कालाउ फारिसिगेलाइ! नेलाइको भाअ्सिङ हेथे थिलि गोइका हि! परमेस्वर नेलाइहेङ हेन्जा साजाइ प्याङ, हाइपालिपानु नेलाइ दोङ द्‍याङगेलाइहेङ परमेस्वरको सासनता दुल्लि आनुमति मापिसुखेना। नेलाइ ताइमि बुङ मादुल्सुखेना कालाउ दुल्लि खाङकालाइहेङ बुङ दुल्लि मापिसुखेना।”

युहन्‍ना 15:22

जेसापा का मालोकानु कालाउ नेलाइहेङ माअ्दोपिनु, कालाउ इम्बालाइ पापको दुसिका माजेङधास्वाना। कालाउ एला ताइको पापको भाअ्सिङ इम्बालाइ दोफा हाइ दोङ बाहाना मान्थु।

रोमि 6:18

परमेस्वर नेलाइहेङ पापको सरबुङसो मुक्त पाहि, कालाउ नेलाइ ठिक काम पालिको भाअ्सिङ परमेस्वरको बान्धाइति जेङका हिसुना।

रोमि 6:22

कालाउ एला नेलाइ पापसो मुक्त जेङतेङ परमेस्वरको बान्धाइति जेङका हिसुन्हा। कालाउ नेलाइ इङको काथा पासुखेना जाइ पबित्तरोता थोङखे, कालाउ इङको को आन्त चाहि आनान्त जिबन दोङ हि।

1 कोरिन्थि 7:22

हाइपालिपानु प्रभु काइलाउ जेदोङ द्‍याङ बान्धाइति हिघाहि, एला वासेहेङ प्रभु पापको सरबुङसो स्वतन्तरो बानाइका हि। एन्साङ पातेङ प्रभु काइलाउ जेदोङ द्‍याङ स्वतन्तरो हिघाहि, उङको एला ख्रिस्टको बान्धाइति जेङका हि।

गलाति 5:1

ख्रिस्ट केलाइहेङ मोसाको व्यवस्थासो स्वतन्तरो बानाइहि, ओदोङ भाअ्सिङ नेलाइहेङ थाहा जेनाको नेलाइ स्वतन्तरो जेङका हिसुन्हा। कालाउ आरोङ ताइमिहेङ व्यवस्था केम्लि बान्धाइति माबानाइसु।

गलाति 5:13

खान्धुराइ ओनेगेलाइ, परमेस्वर नेलाइहेङ स्वतन्तरो जेङलि काइका हि, ओदोङ भाअ्सिङ एला नेलाइहेङ मोसाको व्यवस्था मानितेङ हिलि मागोइयाङ। कालाउ इङको स्वतन्तरहेङ ताइको पापमय जिउको स्वभाव आन्सार काम पालि मापि, भरु ताइको स्वतन्तरोता एमिसो-भेनेङहेङ प्रेम पालि कालाउ साघाइलि प्रयोग पासु।

एफिसि 6:6

नेलाइको ग्रिहिहेङ खुसि बानाइलिको भाअ्सिङ माकुनु इम्बालाइ तिङका बेला खिनिङ आग्या माकेम्सु, भरु ख्रिस्टको दास भाइपा परमेस्वर जेदोङ चाहिखे इङकोङ काम ताइको पुरा ह्रदयहोइ पासु।

कलस्सि 3:24

या गितेङ कि, प्रभु ख्रिस्ट नेलाइहेङ इनाम प्याङ, इङको चाहि वा गोताङ द्‍याङको भाअ्सिङ तियार पापिका हि, जेदोङ चाहि नेलाइ उत्तराधिकारको रुपता निङस्वाना। हाइपालिपानु नेलाइ येसु ख्रिस्टको सेवा पातेङ हिसुना।

1 थेस्लोनिकि 2:5

नेलाइहेङ थाहा दोङ हि, कि केलाइ नेलाइ दोफा हेलाउ बुङ द्वालिघासि चेका काथा मापान्हाहि, ना ते ताका निङलिको भाअ्सिङ केलाइ इन्सिका पान्हाहि, हाइपालिपानु केलाइ चिचाहा मान्थुन्हाहि कालाउ याको साक्सि परमेस्वर दोङ हि।

याकुब 1:25

कालाउ उङको द्‍याङ जाइ पापसो स्वतन्तरता पाका सिद्द व्यवस्थाहेङ ध्यान पितेङ आध्यान पाखे, कालाउ इङकोताङ लागितेङ हिखे कालाउ हिङका काथा मानिल्खे कालाउ जेदोङ धिरखे इङको पालि केम्खे, कालाउ वाको पाका कामता परमेस्वर आसिस प्यावा।

याकुब 2:12

ओदोङ भाअ्सिङ नेलाइको बचन कालाउ ब्यभाहार स्वतन्तरताको व्यवस्था बोमोजिम परमेस्वर पाहासो न्याय निङकालाइको भाइपा ज्याको।

२ पत्‍रुस 2:19

धातुवा सिक्स्यकगेलाइ द्‍याङगेलाइहेङ दोअ्खे कि इम्बालाइ ताइमि गोइका जेदोङलाउ बुङ काम पालि स्वतन्तर हि, जेसाङ इम्बालाइ ताइमिङ बुङ बान्धाइति भाइका हि, हाइपालिपानु इम्बालाइको ताइकोङ पापि स्वभाबहोइ पापको काम पालि बाध्ये पाखे। जेदोङ काथाहोइ हिदोइ बुङ द्‍याङहेङ जितिखे इङकोङ काथाहोइ वासेहेङ बान्धाइति बानाइखे।

यहुदा 1:4

का इदोइ लेखेदोङखा हाइपालिपानु आधिमि द्‍याङगेलाइ नेलाइको मन्डलिता नेलाइ दोफा झ्वाइनाका हि, जाइ येसु ख्रिस्टता खान्धुराइ जेङका तिङपाखे। इम्बालाइ परमेस्वरको आदार मापाखे कालाउ इम्बालाइ गलत धिरपाखे कि, हाइपालिपानु परमेस्वर ताइको आनुग्रह पाहासो केलाइको पाप स्यामा पाखे। केलाइ आनाइतिक जिबन बितिपालि द्वाङ। इम्बालाइ येसु ख्रिस्टहेङ इन्कार पाखे, जाइ केलाइको एमि खिनिङ ग्रिहि कालाउ प्रभु हि, हेन्जा सोमोइ लाम्फा, धर्मसास्तर दोअ्खे कि परमेस्वर इन्सिका द्‍याङगेलाइहेङ साजाइ प्याङ।