1पतरुस 2:15 - Dhimal NT

¹⁵ हाइपालिपानु इदोइ परमेस्वरको इच्छा दोङ हि, कि ब्यभारहोइ परमेस्वरहेङ मानाल्का द्‍याङगेलाइ एला केलाइहेङ धाताइका आरोप लागाइलि हिम्मत मापाङ, हाइपालिपानु इदोइ झालाझालापा हि कि इम्बालाइको धाताइका आरोप सत्ये मान्थु।

धिमाल

¹⁵ हाइपानु नेलाइ निरबुदिगेलाइ माबुझिसिङ धुइका काथागेलाइ एम्‍बालाइको रेम्‍का कामहोइ नुइगिअ्‍पिका परमेस्‍वर भोखे।

1पतरुस 2:15 Iomraidhean Croise

मत्‍ति 25:2

उङको मध्ये नामि धानिगेलाइ चाहि मुर्ख हिघाहि, कालाउ नामि धानिगेलाइ चाहि बुद्दिमान हिघाहि।

मत्‍ति 7:26

हिदोइ बुङ द्‍याङ काङको काथा हिङखे कालाउ बुङ माकिखे, उङको एनोङ मुर्ख द्‍याङ भाइका, जाइ ताइको साअ् बाला ह्रुता धाम्हि।

रोमि 1:21

हाइपालिपानु इम्बालाइ परमेस्वरहेङ नाल्तेङ बुङ परमेस्वरहेङ पालि गोइका आदार मापाहि, ना ते इम्बालाइ वासेहेङ धन्यबाद दोङ पिहि, कालाउ इम्बालाइको मुर्ख बिचारगेलाइ गोताङ गलत जेङहि, कालाउ इम्बालाइको मनता रेम्का बिचार मालोहि।

गलाति 3:1

नेलाइ गलातिको खान्धुराइगेलाइ, हाइ नेलाइ ताइको बुद्दि राम्पासुन्हा, हासु नेलाइहेङ थोगिहि? येसु ख्रिस्ट हेसा क्रुस्टता सिहि, का नेलाइहेङ इङको गोताङ काथा झालाफालापा दोअ्काङ हिघाखा।

1 थेस्लोनिकि 4:3

परमेस्वर चाहिखे कि नेलाइ पबित्तरो जिबन बितिपासु कालाउ जिउको मारेम्का इच्छा आन्सार पाप मापासु।

1 थेस्लोनिकि 5:18

गोताङ आबास्थाता परमेस्वरहेङ धन्यबाद पिसु। हाइपालिपानु ख्रिस्ट येसुता नेलाइ पालि गोइका परमेस्वरको इच्छा इदोइ दोङ हि।

1तिमोथि 1:13

का खान्धुराइ जेङलि खान्तेङ लाम्फा ख्रिस्टहेङ निन्दा पाघाखा कालाउ खान्धुराइगेलाइहेङ साताइघाखा कालाउ हान्ति पाघाखा। कालाउ का इङको गोताङ कामगेलाइ मागितेङ कालाउ खाङधुरि मापासिङ पानाङ ख्रिस्ट कासेहेङ दाया हि।

तितस 2:8

कालाउ नाङको सिक्स्या जेलाउ बुङ सहि कालाउ हासु बुङ निन्दा पालि मादोअ्का ह्याको, कालाउकि नाअ् येसुको भाअ्सिङ पाका कामको बिरोध पालाउ, इम्बालाइ लेदेरलि गोयाको, कालाउ इम्बालाइ केलाइको बारेता हाइ दोङ मारेम्का काथा दोअ्लि मानिनाङ।

तितस 3:3

हाइपालिपानु केलाइ खान्धुराइ जेङलि खाङतेङ लाम्फा केलाइ मुर्ख, परमेस्वरको आग्या माकिका कालाउ द्‍याङगेलाइ केलाइहेङ धोका पिघाहि। कालाउ केलाइ गोताङ मारेम्का इच्छा कालाउ मारेम्का कामगेलाइको काबुता हिघान्हाहि, कालाउ केलाइ बो गेलाइहेङ डाहा, मन्दा माताघान्हाहि कालाउ एमिसो-भेनेङहेङ हेला पाघान्हाखे।

1पतरुस 2:12

परमेस्वरता खाङधुरि मापाका द्‍याङगेलाइ नेलाइको द्‍यापाहाङ हिखे कालाउ नेलाइ गलत पातेङ हिसुना दोअ्लि द्वावा। इसिका रेम्का जिबन बितिपासु कि इम्बालाइ नेलाइहेङ पाका आसल कामगेलाइ तिनावा कालाउ ख्रिस्ट घुरितेङ लोका दिना परमेस्वरहेङ महिमा प्यावा।

1पतरुस 3:16

कालाउ इदोइ मोनोइ कालाउ आदार पुर्न तरिकाहोइ पासु। जेलाउ बुङ जेदोङ ठिक हि इङकोङ पासु। कालाउ जेसापा द्‍याङगेलाइ नेलाइको बिरोधता खाराका काथा पाखे पानु, इम्बालाइ लेदेरता परियावा जेलाउ इम्बालाइ नेलाइको ख्रिस्ट दोफाको सम्बन्धको कारन नेलाइको आसल ब्यभार तिनावा।

1पतरुस 3:17

जेसापा केलाइको आसल कामको कारनहोइ केलाइ कस्ट भोगिनाखे कालाउ या केलाइको भाअ्सिङ परमेस्वरको इच्छा हि पानु, या आसल हि। इङको केलाइको मारेम्का कामको कारन कस्ट निङलि खान्तेङ उत्तम हि।

1पतरुस 4:2

परिनाम स्वरुप उङको द्‍याङ इदोइ प्रिथिबिता ताइको बाकि जिबन ताइकोङ पापि मानिमुइ इच्छागेलाइ पुरा पातेङ माबान्चियाङ, कालाउ वा परमेस्वरको गोइका काथा पावा।

२ पत्‍रुस 2:12

कालाउ इदोइ धाताइका सिक्स्यकगेलाइ झारभारिको गुपुसगेलाइ भाइका हि। इदोइ गपुसगेलाइ हेसा सोचिखे मागिखे कालाउ इम्बालाइहेङ खिनिङ रिम्तेङ सेअ्न्हालि उदेस्यहोइ खिनिङ बनेका हिखे। उङको द्‍याङगेलाइ जेदोङ इम्बालाइको पुङदिङता लोखे इङको पाखे, कालाउ इम्बालाइ माबुझिका काथाको बुङ आपामान पाखे। इम्बालाइ आबस्य बुङ नासातावा।

यहुदा 1:10

कालाउ इदोइ द्‍याङगेलाइ मागिका काथागेलाइको बिरोध, आनादारको सब्दगेलाइ प्रयोग पाखे। कालाउ माबुझिका गुपुस भाइपा ताइमि मागिका काथागेलाइ पाखे, इन्सिका काम पातेङ इम्बालाइ ताइमिहेङ हान्ति पाखे।