1पतरुस 2:12 - Dhimal NT

¹² परमेस्वरता खाङधुरि मापाका द्‍याङगेलाइ नेलाइको द्‍यापाहाङ हिखे कालाउ नेलाइ गलत पातेङ हिसुना दोअ्लि द्वावा। इसिका रेम्का जिबन बितिपासु कि इम्बालाइ नेलाइहेङ पाका आसल कामगेलाइ तिनावा कालाउ ख्रिस्ट घुरितेङ लोका दिना परमेस्वरहेङ महिमा प्यावा।

धिमाल

¹² बोजात्‍यागेलाइको माझाता नेलाइको आनिबानि रेम्‍का ह्‍याको। एम्‍बालाइ नेलाइहेङ मारेम्‍का दोअ्‌तेङ दुसिलाउ नेलाइको रेम्‍का कामगेलाइ तिनाको। कालाउ परमेस्‍वर निया पालि लोलाउ वासेहेङ बाखिनाको।

1पतरुस 2:12 Iomraidhean Croise

मत्‍ति 10:25

ओदोङ भाअ्सिङ चात्या ताइको गुरु सामान जेङकाता सोन्तोस मानियाको, चाकारिया एन्साङ पातेङ गिह्रि सामान जेङलि निङकाता सोन्तोस मानियाको। जेसापा इम्बालाइ ग्रिहिहेङ साइतान दोअ्नु मारेम्का ब्यभार पावा, इम्बालाइ झन ताइको चाकारिया दोफा मारेम्का ब्यभार पावा।

मत्‍ति 5:11

धन्य नेलाइ, जेलाउ द्‍याङगेलाइ दोङ काङको भाअ्सिङ नेलाइहेङ मन्दा-माताकावा, कालाउ साताइयावा, कालाउ नेलाइको बिरोधता मारेम्का काथागेलाइ दोअ्तावा, हाइपालिपानु नेलाइ काङको चात्या दोङ।

मत्‍ति 5:16

नेलाइको फाइसालामका द्‍याङगेलाइको आगाता एसा थाअ्साइताको, कालाउ ओबालाइ नेलाइको रेम्का काम तिनाको, कालाउ स्वर्गता हिका नेलाइको परमेस्वर आबाको महिमा जेनाको।

मत्‍ति 9:8

जेलाउ द्‍याङगेलाइ इङको तिङहि, कालाउ ओबालाइ थिचोङहि, कालाउ द्‍याङगेलाइ इसिका भारबुसाइ पाका परमेस्वरको महिमा पाहि।

लुका 1:68

इस्राएल सारभिको प्रभु परमेस्वरको बाखानाइ पासु, हाइपालिपानु वा ताइको द्‍याङगेलाइहेङ भेतिलि लोहि, कालाउ द्‍याङगेलाइहेङ उद्दार पिहि।

लुका 19:44

नाङको सतुरुगेलाइ नासेहेङ पुर्न रुपता नासा पावा कालाउ नाङको गोताङ द्‍याङगेलाइहेङ सेअ्तावा। इम्बालाइ एनोङ उन्ठुइ ह्रुता भेनेङ उन्ठुइ बुङ बाकि मातातावा। हाइपालिपानु परमेस्वर नासेहेङ बान्चिपालि लोका सोमोइ वासेहेङ मानाल्न्हा।

लुका 6:22

धन्य नेलाइ का द्‍याङको चानको भाअ्सिङ नेलाइहेङ द्‍याङगेलाइ मन्दा-माताकावा, कालाउ ताइको जेरसो ओल्लेपावा, कालाउ इम्बालाइ नेलाइहेङ साताइयावा कालाउ नेलाइको बिरोधता मारेम्का काथागेलाइ दोअ्तावा, कालाउ नेलाइहेङ आपमान पावा।

युहन्‍ना 13:31

जेलाउ यहुदा बाहार हानिहि कालाउ येसु दोअ्हि, एला का द्‍याङको चान महिमित जेङका हि, कालाउ परमेस्वर वाकोता महिमित जेङका हि।

साल्न्हाका चात्या 15:14

सिमोन पतरुस ब्याख्या पाहि, कि परमेस्वर लाम्फा दोङ गैर-यहुदिगेलाइहेङ इसिका कृपा पाहि, कि आधे द्‍याङगेलाइहेङ ताइको प्रजा जेङलि साल्हि।

साल्न्हाका चात्या 24:13

नाअ् ते एबालाइ एला कासेहेङ दुसितेङ हिका काथागेलाइको प्रमान पिलि द्वावा।

साल्न्हाका चात्या 25:7

पावल लोतेङ न्हुसो यरुसेलेमसो लोका यहुदि आगुवागेलाइ वाको कोरपाहाङ जाअ्हि, कालाउ पावलको बिरोधता निकोङ दुसिहि, जाइको इम्बालाइ प्रमान पिलि मादोअ्हि।

साल्न्हाका चात्या 28:22

कालाउ केलाइ नाङको बिचारगेलाइ हिङलि भोअ्नाखे। हाइपालिपानु केलाइहेङ थाहा हि कि इदोङ प्रभुको दामाको बिरोधता द्‍याङगेलाइ द्‍यापाहाङ मारेम्का खिनिङ दोअ्तेङ हि।”

रोमि 12:17

हासु बुङ नासेहेङ मारेम्का पाहि पानु वासेहेङ मारेम्का मापा। जेदोङ काथा झाराङ द्‍याङगेलाइको नजरता रेम्का हि इङकोङ काथागेलाइहेङ पालि कोसिस पासु।

रोमि 13:13

केलाइ कितिकितिकाता माको भरु नितिमा रेम्का काम पाका द्‍याङगेलाइ भाइपा ब्यभार पाइने। मोज्मज्जा पालि, आम्लि, कासिबिरि पालि, आखेका काम पालि, चेरसुका कालाउ बोमिको मि तु पालि लाअ्ताइने।

रोमि 14:18

जाइ इदोइ खाल्होइ येसु ख्रिस्टको सेवा पाखे वा दोफा परमेस्वर खुसि हिखे कालाउ द्‍याङगेलाइ वाको बारेता बाखिनखे।

रोमि 15:9

कालाउ गैर-यहुदिगेलाइ परमेस्वरको दायाको भाअ्सिङ वासेहेङ महिमा पाको। जिसिका धर्मसास्तरता लेखेका हि, “ओदोङ भाअ्सिङ गैर-यहुदिगेलाइको माझाता का नाङको बाखिन पाङका, कालाउ का नाङको मिङको स्तुतिको ले लेकाङका।”

1 कोरिन्थि 14:25

परमेस्वरको बचनहोइ इम्बालाइको हृदयता म्होनाका मारेम्का खाराब काथागेलाइहोइ मन तुकावा, कालाउ इम्बालाइ का पापि हिघा दोअ्तेङ पाप पालि लाअ्तावा कालाउ तुघुरतेङ इम्बालाइ परमेस्वरको आराधाना पावा, कालाउ इम्बालाइ “परमेस्वर नेलाइको माझाता हि” दोअ्का घोसाना पावा।

2 कोरिन्थि 1:12

हाइपालिपानु केलाइ गर्ब पानाखे कि केलाइको बिबेक झालाफालापा हि, सुमिङता कालाउ बिसेस पातेङ नेलाइ दोफाको केलाइको सम्बन्ध नेलाइ दोफा कालाउ सुमिङको द्‍याङगेलाइ दोफा पबित्तरो कालाउ सत्ये हि, जेदोङ चाहि परमेस्वरसो लोखे, इदोइ चाहि मानिमुइ बुद्दिहोइ माको, भरु परमेस्वरको आनुग्रह पाहासो हि।

2 कोरिन्थि 13:7

कालाउ केलाइ परमेस्वरता प्रार्थाना पानाखे, कि नेलाइ हाइ दोङ खाराब मापासु। केलाइ या प्रार्थाना पानाखे कि इदोइ जाच पाहासो केलाइ ताइमिङहेङ नेलाइ खाङतेङ आसल जेङका तिङपालि माभोनाखे, इङको को सत्ताता नेलाइहेङ सत्ये काथागेलाइ थाहा जेनाको दोअ्का भोन्हाखे जेसापा केलाइ आसफल जेङलाउ बुङ नेलाइ चाहि सफल जेङसु।

2 कोरिन्थि 8:21

हाइपालिपानु केलाइ प्रभुको नजरता खिनिङ माको, भरु द्‍याङगेलाइको नजरता बुङ जेदोङ आदारनिय हि इङको काम पालि ताइको ध्यान प्याङ।

एफिसि 2:3

केलाइ बुङ एखे इम्बालाइ भाइपाङ हिघानाहि, मारेम्का इच्छा कालाउ जिउको इच्छा पुरा पातेङ ताइको पापमय स्वभाबता जियाइका हिघान्हाहि। कालाउ बो द्‍याङगेलाइ भाइपाङ केलाइ बुङ परमेस्वरको चेरचुङता परिलि गोइधाङ।

एफिसि 4:22

नेलाइको सिक्स्यकगेलाइ पुर्ना स्वभाव कालाउ पुर्ना चालचलन लाअ्लि गोइखे दोअ्तेङ नेलाइहेङ धिर्पाका हिघाहि, नेलाइको मारेम्का इच्छाहोइ नेलाइहेङ धोका पिहि कालाउ नेलाइको जिबनहेङ बार्बाद पाहि।

फिलिप्पि 1:27

कालाउ मुख्य काथा इदोङ हि कि नेलाइको जिबनको चाल-चलन ख्रिस्टको सुसमाचारको भाअ्सिङ योग्य जेनाको। का चाहे लोतेङ नेलाइहेङ तिनाको, चाहे लोलि मादाको, कालाउ बुङ का नेलाइको बारेता इदोइ दोङ काथा हिङलि भोखा, कि नेलाइ एनोङ दोङ उधेस्यता बल्लियाका जेङतेङ हिसुना, कालाउ ए दोफाङ मिलितेङ सुसमाचारको खाङधुरिको भाअ्सिङ परिस्रोम पासुखेना,

फिलिप्पि 4:8

आम्तिमता खान्धुराइ ओनेगेलाइ, जेदोङ काथा सत्ये हि, जेदोङ काथा आदारनिय हि, जेदोङ काथा ठिक हि, जेदोङ काथा सुद्द हि, जेदोङ काथा झालाफालापा हि, जेदोङ काथा क्रिपामय हि, जेसापा हाइ दोङ स्रेस्थता, कालाउ बाखिन योग्य हाइ दोङ हि पानु इदोइ दोङ काथागेलाइता मन लागाइसु।

1 थेस्लोनिकि 4:12

कालाउकि खाङधुरि मापाका द्‍याङगेलाइ बुङ नेलाइको ब्यभार तिनावा कालाउ आदार पावा। कालाउ नेलाइहेङ खाचो परिलाउ हासु बुङ दोफा भर परिलि मागोइयावा।

1तिमोथि 2:2

राजागेलाइ कालाउ गोताङ आधिकारिगेलाइको भाअ्सिङ बुङ प्रार्थाना पासु। कालाउकि केलाइ सान्ति कालाउ सुरुक्स्याता जियाइतेङ परमेस्वरको आराधाना पालि दोवाइने कालाउ वा जेदोङ पालि भोखे इङको केलाइ पालि दोवाइने।

1तिमोथि 4:12

इसिका ब्याभार पाअ्‌ कि, हासु बुङ नाअ् धाना हिना दोअ्तेङ हेला मापाको कालाउ नाङको आदार पाअ्को। कालाउ खान्धुराइगेलाइको आगाता बोलिचालि, बानिबेहुरा कालाउ प्रेमता कालाउ ख्रिस्टको खाङधुरिता, कालाउ सुद्दता जिबन जियाइतेङ नाअ् एनोङ नमुना जेङ।

1तिमोथि 5:10

गोताङ वा आसल काम पाका, चान-चामिन्दिगेलाइहेङ रेम्फा पोसेका, बान्सालाइहेङ ताइको साअ्ता सेवा सात्कार पाका, प्रभुको दासगेलाइको सेवा पाका, दुख परिकालाइहेङ साघाइका, कालाउ इसिकाङ ताइको जिबनता आसल काम पाका हिलि गोइखे।

हिब्रु 13:18

केलाइको भाअ्सिङ प्रार्थाना पासु, केलाइहेङ निसित दोङ थाहा हि कि, केलाइको बिबेक जाहाँका हि, हाइपालिपानु केलाइ जेलाउ बुङ आसल काथागेलाइ पालि भोनाखे।

हिब्रु 13:5

ताइको जिबनहेङ सम्पतिको चिचाहासो लाअ्पातेङ ताअ्सु, नेलाइ दोफा हिका काथाता सुकापा हिसु, हाइपालिपानु परमेस्वर ताइमिङ दोअ्का हि, “का नेलाइहेङ हेलाउ बुङ मालाअ्ताङका कालाउ का नेलाइहेङ हेलाउ बुङ मात्याग्याङका।”

याकुब 3:13

नेलाइ मध्येसो बुद्दिमान कालाउ ग्यानि द्‍याङ हासु हि? जेसापा नेलाइ बुद्दिमानि कालाउ ग्यानि हिसुना पानु मोनोइ दोफा रेम्का कामगेलाइ पातेङ तिङपासु।

1पतरुस 2:15

हाइपालिपानु इदोइ परमेस्वरको इच्छा दोङ हि, कि ब्यभारहोइ परमेस्वरहेङ मानाल्का द्‍याङगेलाइ एला केलाइहेङ धाताइका आरोप लागाइलि हिम्मत मापाङ, हाइपालिपानु इदोइ झालाझालापा हि कि इम्बालाइको धाताइका आरोप सत्ये मान्थु।

1पतरुस 3:16

कालाउ इदोइ मोनोइ कालाउ आदार पुर्न तरिकाहोइ पासु। जेलाउ बुङ जेदोङ ठिक हि इङकोङ पासु। कालाउ जेसापा द्‍याङगेलाइ नेलाइको बिरोधता खाराका काथा पाखे पानु, इम्बालाइ लेदेरता परियावा जेलाउ इम्बालाइ नेलाइको ख्रिस्ट दोफाको सम्बन्धको कारन नेलाइको आसल ब्यभार तिनावा।

1पतरुस 4:11

उधारनको भाअ्सिङ, जेसापा नेलाइ दोफा प्राचार पाका बरदान हि पानु, नेलाइ परमेस्वरको बचन प्राचार पालि गोइखे। जेसापा नेलाइ दोफा आरु द्‍याङगेलाइहेङ साघाइका बरदान हि पानु, इङकोहेङ परमेस्वर नेलाइहेङ पिका तागतहोइ पासु। कालाउ येसु ख्रिस्ट पाहासो नेलाइहेङ परमेस्वर महिमाता चुमावा। गोताङ महिमा कालाउ सरबुङ जेलाउलाउ बुङ वाको दोङ हि! आमेन।

२ पत्‍रुस 3:11

इदोइ निसित हि कि परमेस्वर एसापा गोताङ काथा नासा पाङ, नेलाइहेङ निसित थाहा हि कि नेलाइ हेसा जिबन जियाइलि गोइखे। नेलाइको ब्यभार कालाउ नेलाइको पाका गोताङ कामगेलाइसो परमेस्वरहेङ लेङचापाका बानाइका हिलि गोइखे।