1पतरुस 1:8 - Dhimal NT

⁸ नेलाइ येसुहेङ हेलाउ बुङ तिङका मान्थु सुन्हा, कालाउ बुङ नेलाइ वासेहेङ प्रेम पासुखेना, नेलाइ वासेहेङ एला मातिङसुखेना, कालाउ नेलाइ वाकोता खाङधुरि पासुखेना। ओदोङ भाअ्सिङ नेलाइ हेन्जा लेङचा सुखेना। नेलाइ हेथे लेङचा सुखेना दोअ्तेङ ब्याख्या पालि सब्दगेलाइ दोङ मान्थु।

धिमाल

⁸ नेलाइ इसु ख्रिस्‍ट मातिङलाउ बुङ इन्‍ताना पासुखेना रो नेलाइ वासेहेङ तिङका मान्‍थु लाउबुङ खान्‍धुर पासुखेना। कालाउ बाखान दोङ पालि मादोका लेङहोइ नेलाइको कोन्‍धाङ पोङघाका हि।

1पतरुस 1:8 Iomraidhean Croise

मत्‍ति 10:37

हासु बुङ कासेहेङ खान्तेङ हेन्जा ताइको आबा-आमाइहेङ प्रेम पाखे, उङको काङको चात्या जेङलि योग्य माजेनाङ। एसाङ पातेङ कासेहेङ खान्तेङ हेन्जा ताइको चान-चामिन्दिहेङ प्रेम पाखे, उङको बुङ काङको चात्या जेङलि योग्य माजेनाङ।

युहन्‍ना 14:15

जेसापा नेलाइ कासेहेङ प्रेम पास्वाना पानु काङको आग्यागेलाइ केम्स्वाना।

युहन्‍ना 14:21

कासेहेङ प्रेम पाकालाइ ओदोङ दोङ हि, जाइ काङको आग्यागेलाइ गिखे कालाउ केम्खे। कालाउ कासेहेङ प्रेम पाकालाइहेङ काङको आबाहेङ बुङ प्रेम पावा। कालाउ का बुङ वासेहेङ प्रेम पाङका, कालाउ ताइमिहेङ वाकोता देखाल जेनाङका।

युहन्‍ना 14:24

कासेहेङ प्रेम मापाकालाइ काङको सिक्स्या पालन मापाखे। जेदोङ सिक्स्या नेलाइ हिङसुखेना, इङको काङको हाइ दोङ माको कालाउ कासेहेङ दिङगिल्का आबाको हि।

युहन्‍ना 16:22

एसापा दोङ एला नेलाइहेङ सोकते जेङखे, कालाउ का आरोङ नेलाइहेङ खानाङका, कालाउ नेलाइ लेङचास्वाना, कालाउ नेलाइको लेङचाका हासु बुङ घिङतेङ चुम्पुलि माद्वाङ।

युहन्‍ना 20:29

येसु थोमाहेङ दोअ्हि, हाइपालिपानु नाअ् कासेहेङ तिङका हिना ओदोङ भाअ्सिङ नाअ् कासेहेङ खाङधुरि पाखेना। कालाउ धन्य इम्बालाइ जाइ कासेहेङ मातिङसिङ बुङ खाङधुरि पाखे।

युहन्‍ना 8:42

येसु इम्बालाइहेङ दोअ्हि, परमेस्वर नेलाइको आबा हिका हिनुते नेलाइ कासेहेङ प्रेम पासुध्वाना, हाइपालिपानु का परमेस्वरसो लोका हिघा। का ताइमिङ लोका माको कालाउ आबा परमेस्वर दोङ कासेहेङ दिङगिल्का हि।

साल्न्हाका चात्या 16:34

कालाउ न्हुसो इम्बालाइहेङ ताइको साअ्ता चुमातेङ ओबालाइको आगाता उम चाअ्लि ताअ्पिहि, कालाउ परमेस्वरता खाङधुरि पाहि दोअ्का काथाता वाको झाराङ जाहान मेनाङ लेङचाहि।

रोमि 14:17

हाइपालिपानु परमेस्वरको सासनता चालि कालाउ आम्लि महत्व पुर्न माको, कालाउ महत्व पुर्न काथा चाहि धार्मिकता, सान्ति कालाउ आनान्द हि जाइ पबित्तरो आत्मा पिखे।

रोमि 15:13

का प्रार्थाना पाखा कि आसको मुल परमेस्वर नेलाइको खाङधुरि पाहासो गोताङ आनान्द कालाउ सान्तिहोइ पोङघा पाप्यावाको, कालाउकि पबित्तरो आत्माको सरबुङहोइ नेलाइको आस झन हेन्जा बाढेयाको।

1 कोरिन्थि 16:22

हासु बुङ प्रभुहेङ प्रेम मापाखे पानु, उङको स्रापित ज्याको। हे केलाइको प्रभु, लौउ!

2 कोरिन्थि 1:22

कालाउ वा केलाइ ह्रुता ताइको लाहासाप लागाइका हि, कालाउ केलाइको ह्रदयता लाङ बाइनाको रुपता पबित्तरो आत्मा पिका हि।

2 कोरिन्थि 12:4

कालाउ इन्ता दोअ्लि माएल्का काथागेलाइ वा हिङहि, जाइको बारेता चाहि आरु द्‍याङगेलाइहेङ दोअ्लि आनुमति मान्थु।

2 कोरिन्थि 4:18

केलाइ तिङका काथाता माको, मातिङका काथाहेङ खाङनाखे, हाइपालिपानु तिङका काथा एघुरिङ खिनिङ हिखे, कालाउ मातिङका काथा चाहि जेलाउलाउ बुङ थेकापा हिखे।

2 कोरिन्थि 5:7

वासेहेङ तिङतेङ माको, भरु केलाइ वाकोता खाङधुरि पातेङ बान्चियाङ।

2 कोरिन्थि 9:15

लोसु हासु बुङ पुरा रुपहोइ ब्याख्या पालि मादोका वाको बरदानको भाअ्सिङ परमेस्वरहेङ धन्यबाद प्याइने।

गलाति 5:22

कालाउ पबित्तरो आत्मा केलाइ लिता उब्जाइ पाका गुनगेलाइ इदोइ दोङ हि: प्रेम, आनान्द, सान्ति, धैर्य, दाया, भालाइ, खाङधुरि योग्य,

गलाति 5:6

जेसापा नेलाइ येसु ख्रिस्टको खान्धुराइगेलाइनु खाताना पालाउ बुङ मापालाउ बुङ हिदोइ बुङ फरक माजेङखे। कालाउ मुलि काथा या कि केलाइ ख्रिस्टता खाङधुरि पान्हाखे, कालाउ परमेस्वर कालाउ आरु द्‍याङहेङ बुङ प्रेम पान्हाखे।

एफिसि 3:19

का प्रार्थाना पाखा, कि नेलाइ ख्रिस्टको प्रेम बुझिलि दोसु, जेदोङ द्‍याङको बुद्दि खान्तेङ बाहार हि। कालाउकि नेलाइ परमेस्वर कोनिङ गोताङ काथाता परिपक्क जेङलि दोसु।

एफिसि 6:24

केलाइको प्रभु येसु ख्रिस्टहेङ माओताका प्रेम पाका झाराङ दोफा परमेस्वरको आनुग्रह ह्याको।

फिलिप्पि 1:25

इदोइ काथाता का निस्चित हिघा कालाउ का गिखा, कि का सिन्हुतेङ ह्याङका कालाउ नेलाइ झाराङ दोफा ह्याङका, कालाउ खाङधुरिता बल्लियाका बानाइलि कालाउ आनान्दको भाअ्सिङ का नेलाइहेङ साघाइयाङका।

फिलिप्पि 3:3

हाइपालिपानु केलाइ परमेस्वरको आत्मासो आराधाना पानाखे, कालाउ येसु ख्रिस्टता गर्ब पानाखे कालाउ मानिमुइ कोसिसता भर मापरिनाखे, हाइपालिपानु केलाइ जातिङकोङ परमेस्वरको द्‍याङगेलाइ दोङ हिनाहि।

फिलिप्पि 4:4

दिनाङ प्रभुता आनान्द पासु, का आरोङ बुङ द्वाङका प्रभुता आनान्द पासु।

हिब्रु 11:1

खाङधुरि पालि दोअ्का चाहि, आस पाका काथाता ढुक्‍क हिलि कालाउ मातिङका काथाता पाक्का निसित ताअ्लि।

हिब्रु 11:27

राजाको चेर दोफा माअ्थिसिङ खाङधुरि पाहासो दोङ वा मिस्रो सारभि लाअ्हि, हाइपालिपानु वासेहेङ थाहा जेङतेङ बुङ तिङलि मादोअ्का परमेस्वरहेङ तिङका कोनिङ भाइपा पाट्ताक्काइ न्हु माघुरिहि।

1पतरुस 1:6

नेलाइ इदोइ गोताङ काथागेलाइको बारेता लेङचालि गोइखे, जेसाङ एला आतुइसा सोमोइको भाअ्सिङ नेलाइ खाल-खाल्को कस्ट भोगिलि गोइखे।

1पतरुस 2:7

नेलाइ येसु ख्रिस्टता खाङधुरि पाकालाइको भाअ्सिङ या उन्ठुइ मेनाङ हेन्जा दामको हि। कालाउ धर्मसास्तर वाको ह्रुता खाङधुरि मापाका द्‍याङगेलाइको बारेता दोअ्खे कि, “जेदोङ उन्ठुइहेङ साअ् धामकालाइ साअ् धाम्लि इन्कार पाहि इङको साअ् धाम्लिको भाअ्सिङ मेनाङ जाङका उन्ठुइ जेङहि।”

1पतरुस 5:4

जेलाउ येसु ख्रिस्ट धुरितेङ ल्वाङ, जाइ केलाइको मुख्य लाखुरिया हिका हि, कालाउ नेलाइहेङ एनोङ कोइनाका मुकुट प्याङ। जाइको चिल्काका हेलाउ बुङ कम माजेनाङ।