1पतरुस 1:6 - Dhimal NT

⁶ नेलाइ इदोइ गोताङ काथागेलाइको बारेता लेङचालि गोइखे, जेसाङ एला आतुइसा सोमोइको भाअ्सिङ नेलाइ खाल-खाल्को कस्ट भोगिलि गोइखे।

धिमाल

⁶ नेलाइ इदोइ गोताङ काथाता लेङचासु, कालाउ बुङ नेलाइ एला आतुइसा पहरको भाअ्‌सिङ भेभेनेङ खाल्‍को तु: भोगेलि गोइस्‍वाना।

1पतरुस 1:6 Iomraidhean Croise

मत्‍ति 11:28

“ओइ गोताङ परिस्रोम पाकालाइ कालाउ ल्हिकाहोइ थेचाराइ न्हाकालाइ, नेलाइ झाराङ का दोफा लोसु, कालाउ का नेलाइहेङ माइसा चालि प्याङका।

मत्‍ति 26:37

कालाउ येसु पतरुस, कालाउ जब्दियाको न्हेनोङ चानगेलाइहेङ ताइको दोफा चुम्पुहि, कालाउ येसुको मन मेनाङ जिउधाइ ल्होपाङ खारतेङ हिघाहि।

मत्‍ति 5:12

एन्सालाउ नेलाइ लेङचासु कालाउ आनान्द जेङसु, हाइपालिपानु नेलाइको भाअ्सिङ स्वर्गता बारका इनाम ताअ्का हि। हेन्जाङ सोमोइ लाम्फाको परमेस्वरको बक्तागेलाइहेङ द्‍याङगेलाइ एन्साङ दोङ साताइका हिघाखे।

लुका 1:47

काङको परमेस्वर कासेहेङ मुक्ति पिकाता का आनान्दित हिघा।

लुका 10:20

कालाउ इङको भुत-आत्मागेलाइ नेलाइको आग्याहेङ किखे दोअ्तेङ नेलाइ माहाउसाइलि, भरु नेलाइको मिङ स्वर्गता लेखेका हि दोअ्तेङ नेलाइ लेङचासु।

लुका 2:10

कालाउ उङको स्वर्गदुत ओबालाइहेङ दोअ्हि, माअ्थिसु! हाइपालिपानु का गोताङ द्‍याङगेलाइको भाअ्सिङ आनान्द पिका प्राचार चुमातेङ नेलाइकोता लोका हिघा।

युहन्‍ना 16:22

एसापा दोङ एला नेलाइहेङ सोकते जेङखे, कालाउ का आरोङ नेलाइहेङ खानाङका, कालाउ नेलाइ लेङचास्वाना, कालाउ नेलाइको लेङचाका हासु बुङ घिङतेङ चुम्पुलि माद्वाङ।

युहन्‍ना 16:33

का नेलाइहेङ इदोइ काथा इदोइ कारनसो दोअ्का हिघा, कि नेलाइ सान्ति निङलि दोअ्सु, हाइपालिपानु नेलाइ काङको चात्या हिसुना। सुमिङता नेलाइहेङ दुख कस्टते जेनावा, कालाउ साहास पासु हाइपालिपानु का दोङ इदोइ सुमिङको सासक साइतानहेङ हारिपाका हिघा।

साल्न्हाका चात्या 14:22

कालाउ गोताङ नगरता जेङका चात्यागेलाइको आत्माहेङ बल्लियाका बानाइकाताङ ओबालाइहेङ खाङधुरिता हितेङ हिलि आर्ति पिहि, कालाउ हेन्जा कस्ट सहितेङ केलाइ परमेस्वरको सासनता दुल्लि गोयाङ दोअ्तेङ ओबालाइहेङ दोअ्हि।

रोमि 12:12

नेलाइको निङका आसता आनान्द पासु, कस्टगेलाइता धर्य पासु कालाउ लागातार प्रार्थाना पातेङ हिसु।

रोमि 5:11

इदोइ झोको खिनिङ माको, कालाउ एला केलाइको प्रभु येसु ख्रिस्ट पाहासो परमेस्वर दोफा केलाइको मिलाप जेङलि दोहोइ, ओदोङ भाअ्सिङ केलाइ परमेस्वरता आनान्दित हिनाहि।

रोमि 5:2

केलाइको खाङधुरिको कारनहोइ येसु ख्रिस्ट केलाइहेङ इदोइ आनुग्रहता चुमाका हि, जेता केलाइ एला जाअ्का हिनाहि, कालाउ परमेस्वरको महिमाता सहभागि जेङका आसता लेङचान्हाखे।

रोमि 9:2

का काङको द्‍याङगेलाइको भाअ्सिङ ओसारापाङ दुखि हिघा, कालाउ काङको ह्रदयता इम्बालाइको भाअ्सिङ जेलाउ बुङ तुका मोहसुस पाखा।

2 कोरिन्थि 4:17

केलाइको दुखगेलाइ एला आतुइसा हि कालाउ ह्रिङका सोमोइ थेकापा माहियाङ, हाइपालिपानु इङको दुखगेलाइहोइ केलाइहेङ आनान्त महिमा पिखे, जेदोङ केलाइ कल्पाना पालि दोका खान्तेङ हेन्जा हि।

2 कोरिन्थि 6:10

केलाइ हेन्जा दुख हिलाउ बुङ दिनाङ लेङचाका हिनाहि, कालाउ केलाइ गरिब हिलाउ बुङ हेन्जाङहेङ आत्मिक धनि बानाइयाङ, हाइ दोङ मान्थुका भाइपा हिलाउ बुङ गोताङ आनेमाने हि।

गलाति 5:22

कालाउ पबित्तरो आत्मा केलाइ लिता उब्जाइ पाका गुनगेलाइ इदोइ दोङ हि: प्रेम, आनान्द, सान्ति, धैर्य, दाया, भालाइ, खाङधुरि योग्य,

फिलिप्पि 2:26

हाइपालिपानु वा नेलाइ झाराङहेङ भेतिलि बार्का इच्छा पातेङ हि। वा माअ्साधिका बानाल नेलाइ थाहा निङनाङ वा फिक्रि पातेङ हि।

फिलिप्पि 3:3

हाइपालिपानु केलाइ परमेस्वरको आत्मासो आराधाना पानाखे, कालाउ येसु ख्रिस्टता गर्ब पानाखे कालाउ मानिमुइ कोसिसता भर मापरिनाखे, हाइपालिपानु केलाइ जातिङकोङ परमेस्वरको द्‍याङगेलाइ दोङ हिनाहि।

फिलिप्पि 4:4

दिनाङ प्रभुता आनान्द पासु, का आरोङ बुङ द्वाङका प्रभुता आनान्द पासु।

1 थेस्लोनिकि 1:6

कालाउ नेलाइ, केलाइ भाइपा कालाउ प्रभु भाइपा रेम्का ब्याभार पासुन्हा। नेलाइ हेन्जा दुख निङतेङ बुङ आनान्दहोइ बचन ग्रहन पासुन्हा, इङको आनान्द पबित्तरो आत्मा पिका हि।

याकुब 1:2

काङको खान्धुराइ ओनेगेलाइ, नेलाइकोता भेनेङ-भेनेङ खाल्को जाच लोलाउ इङकोहेङ पुरा आनान्दको काथा फोम पाअ्सु।

याकुब 1:9

जेसापा हिदोइ बुङ खान्धुराइगेलाइ गरिब हि पानु, खुसि हिलि गोइखे, कि इम्बालाइ परमेस्वरको भाअ्सिङ महत्वय पुर्न हि।

याकुब 4:9

ताइको पापको कारन दुखि जेङसु, सोक पासु, कालाउ खारसु। नेलाइको लेङचाका सोकता, कालाउ नेलाइको आनान्दता दुखता परिबर्तन ज्याको।

1पतरुस 3:17

जेसापा केलाइको आसल कामको कारनहोइ केलाइ कस्ट भोगिनाखे कालाउ या केलाइको भाअ्सिङ परमेस्वरको इच्छा हि पानु, या आसल हि। इङको केलाइको मारेम्का कामको कारन कस्ट निङलि खान्तेङ उत्तम हि।

1पतरुस 4:7

गोताङ काथाको आन्तय भेरपाङ लोका हि। ओदोङ भाअ्सिङ नेलाइ झालाफालापा सोचेसु कालाउ ताइमिहेङ काबुता ताअ्सु, कालाउकि नेलाइ प्रार्थाना पालि दोसु।

1पतरुस 5:10

परमेस्वर, जाइ पुर्न रुपता आनुग्रहकारि हि केलाइको ख्रिस्ट येसु दोफाको सम्बन्धको कारन ताइको आनान्त महिमाता केलाइहेङ हकदार जेङलि काइका हि। नेलाइ कोम्हा सोमोइ थेकापा कस्ट भोगितेङ परमेस्वर नेलाइहेङ आसल बानाइयाङ कालाउकि नेलाइता हिदोइ बुङ गल्ति माज्याको कालाउ वा नेलाइको ह्रदयहेङ बल्लियाका बानाइयाङ कालाउ इस्थिर जेङलिको भाअ्सिङ वाकोता खाङधुरि पाका बानाइयाङ।